JOSHUA 1:5 - Zotung Bible 2016

⁵ Na she lungkhu balyn humhung nynh mah na malang te ae thadynnua ngan lan khyh; Moses kya ka um hawte na kya mah ka um cih; kae vua lan khyh, kae cciataw lan khyh.

JOSHUA 1:5 Iomraidhean Croise

GENESIS 39:2

Bawipaw nynh Josef kha umkhae zah ahangkuhpaw ccungccaw lang a tang; te a bawipaw Izip ccungccapaw inn kya a um.

1 SIAPHARAN 1:37

Bawipaw tuh siapharan ka bawipaw kya a um hawte, Solomon kya mah um vae sah, te a bawitungkhung tuh ka bawipaw David Siapharan kya-e bawitungkhung laeze mah lesaehua vae sah,” a cipya.

1 SIAPHARAN 11:38

Nang nynh kaw kae pyapaw balyn kha na ngae zah, ka ryalahtu David hawte ka laanpi kya zuite, ka phungbya hae te ka kawbya hae kha na zui zah ka muihnaw kya ahmepaw kha na cyi zetuh, na kya ka um cih zah David elang ka sak hawte atynpaw inn kae sakpah cih zah Israel kha kae pya cih.

1 SIAPHARAN 6:13

Israel hae kya ka um cih zah, ka ccungccaw Israel hae kha ka vua lan khyh hae,” a ci.

1 SIAPHARAN 8:57

Bawipaw ah Pachia tuh ah minpaaw hae kya a um hawte, aening kya mah um vae sah; aning nynh aening hynh oun cciataw nan sah lah, oun vua nan sah,

1 SHERIANAW 28:20

David nynh a ccapaw Solomon kha, “Na thawsaesakuh lah, rawthungte ryalawtua. Rih nan, na bungzou nan sah; pawccecize Bawipaw Pachia, ka Pachia tuh na kya a um. Bawipaw inn kya ryalawnaw hanlan rya miakaw na lyn mawlaezung aning nynh nang kha ae vua lan khyh zah shungnaw ae pya lan khyh.

The Psalms 46:11

Vaaw Bawipaw tuh aening kya a um; Jakob Pachia tuh aening khynnaw nynh thua.

EXODUS 3:12

Pachia nynh, “Nang kha kae umkhae cih; kae nynh nang kha kae saw cipaw namaw hanlan muihsahnaw tuh hynhte a thua cih: Izip ram kyate ccungccaw hae kha he na poukhae hae te, e mua vawlan hin Pachia kha na beik cih,” a cipya.

ISAIAH 42:16

Mitmoh hae kha mimaw nynh a ny lei hae paw laanpi te ka cciakhae cih hae, mimaw nynh a la ny boi lei hae paw laanpi khate laandy ka hoei cih hae. Mih malang khe mohnaw kha awnaw lang ka tangsah cih, karynkare a umpaw kha ka nginsah cih. E hae hynh ka cyi lanpaw thua hae zah, minmin kha ka vua lan khyh hae.

JEREMIAH 1:8

Minmin kha rih nan hae, pawccecize nang khum khylan na kya ka um cih, cite Bawipaw nynh a ci,” yn cipya.

DANIEL 11:16

Tuh-e yn ccianuatupaw thahlang e siapharan nynh a rythyte a cyih cih zah, humhung nynh mah khee kho lan khyh. Ram apuithyapaw kya a um cih zah, tuin ram e atyn-are tuh a kuih kya a um cih.

MATTHAI 28:20

Kaw kae pya oh paw balyn kha a zui nawlan hae la ccangpah oh; laephi she athang cia nae kya tyty ka um,” cite a zuitu hae kha a hopya hae. Amen.

Romans 8:31

Tuhteze hynh-e uccaw hae kong hynh pawtemou ah ho cih oh? Pachia tuh aening kalan a pan ze, hum nynh mou oun rawse kho cih?

Romans 8:37

Oun phia kho lanpaw um khyh. Aening oun sungsahtupaw amaw liate, aening tuh hynh-e uccaw hae balyn kya taetu hae pasing nynh ah thua oh.

DEUTERONOMY 20:1

Nae rhaw hae kha tuk lan na cceih oh zah, marang hae, marangle hae, nanning laeze alung huapaw rhawkaw hae kha he na muih oh te, minmin kha na rih lan khyh oh; pawccecize Izip ram kyate ae poukhae oh paw Bawipaw nae Pachia nynh nanning kha ae umkhae oh.

DEUTERONOMY 20:4

pawccecize nanning kha taenaw pya khylan te nanning hanlan nae rhaw hae kha tukpya khylan ae cciakhae oh paw tuh Bawipaw nae Pachia nynh thua,” cite a hopah cih hae.

DEUTERONOMY 31:23

Oute Bawipaw nynh Nun ccapaw Joshua kha ryalaw pya zah, “Na thawsae sah lah, na rawthung sah, bya ka kinpyaku hae paw ram lungkhu lang Israel hae kha na cciakhae cih hae; kae tuh na kya ka um cih,” a cipya.

DEUTERONOMY 4:31

Bawipaw nae Pachia tuh ngaethyaumsah thyapaw Pachia athua keiccuze nanning kha ae vua lan khyh oh zah ae roh lan khyh oh; nae minpaaw hae kya bya a kinpyaku hae paw byakinnaw kha ning lan khyh.

DEUTERONOMY 7:24

Bawipaw nynh mih siapharan hae kha nae kuih kya ae pya cih oh zah, minmin kha vaawlui zakaw kyate a maemih cih hae; minmin kha na ro makhia oh, lu kheit nynh sanmah rawsete ae thadynnua kho lan khyh oh.

2 TIMOTE 4:17

Thuasalama thehoypaw kha phe ccing lan ka ho zah Zenta hae balyn nynh a thae nawlan hae Bawipaw nynh yn pankhae zah thawzung yn pya. Kae tuh chindeih khalang kyate luesah ka thua.

HEBRU 13:5

Nae hiinzia tuh phua a duaa leipaw thua sah lah, na hoi oh paw uccaw hae khate nae lungryachih sah. Pawccecize Pachia nynh, “Nang kha kae cciataw boi lan khyh zah kae vua boi lan khyh,” a ci.

JOSHUA 1:17

Atyn-are kya Moses bya kae ngae hawte, na bya mah kae ngae cih; Bawipaw na Pachia tuh Moses kya a la um hawte nang na kya mah um vae sah!

JOSHUA 1:9

Kae nynh kaw phe kae pya vae khaw: Na thawsaesakuh lah, na rawthungsakuh; rih nan, na bungzou nan sah; pawccecize Bawipaw na Pachia tuh na ccianaw miakaw kya na kya a um,” a cipya.

JOSHUA 10:8

Bawipaw nynh Joshua kyakhe, “Minmin kha rih nan hae, pawccecize minmin kha na kuih kya kae pya vae; na malang lu kheit san thadyn kho lan khyh hae,” a cipya.

JOSHUA 21:44

Te Bawipaw nynh mih minpaaw hae kya bya a la kinpyaku hae thyhte, mih pepan balyn kya daenaw a pya hae; mih rhaw hae lu kheit nynh sanmah mih malang thadyn kho khyh hae, pawccecize Bawipaw nynh mih rhaw hae balyn kha mih kuih kya a pya vae hae.

JOSHUA 3:7

Te Bawipaw nynh Joshua kyakhe, “Israel hae balyn muihnaw kya nang kha atunin te kae hangthung vae cih, tuhteze nynh Moses kya ka la um hawte na kya ka um cipaw kha minmin nynh a nyh cih hae.

JOSHUA 6:27

Tukeiccuze Bawipaw tuh Joshua kya um zah, ram pynpi kya a min tuh athaan.

BYAPIATU 2:18

Bawipaw nynh minmin hanlan byapiatu hae kha a langsaku takyh vae ze, Bawipaw tuh byapiatu kya um zah, tuh-e byapiatu she balyn kya mih rhaw hae kuih kyate a luesah hae; pawccecize minmin tuh tuaasahtu hae te vawsaw pyatu hae keiccuze a raw a khuinaw hae liate Bawipaw nynh minmin kha thawcci hae.

BYAPIATU 6:16

Bawipaw nynh Gideon kha, “Na kya ka um cih zah Midian hae kha lu kheit cci mawte na theih cih hae,” a cipya.

1 SAMUEL 10:7

Tuh-e muihsahnaw hae tuh he na tung hae te, cyi lan accan cite na muih thyhte la cyih, pawccecize Pachia tuh na kya a um.