JOSHUA 1:4 - Zotung Bible 2016

⁴ Ramkaw te hynh-e Lebanon kyate vaw lepaw Zufrates vawpi kyacia, Hit hae ram balyn, niccaw lang Rili Lepaw kyacia nae ram lang a tang cih.

JOSHUA 1:4 Iomraidhean Croise

1 SIAPHARAN 10:29

Izip ram kya-e marangle ccangkheit kha ngun shekel za taruh te, marang sa kheit kha za kheit sung pangaw te re kho athua; tuhcite Hit siapharan hae te Siria siapharan hae balyn kalan khe siapharan a kungkutu hae kyate a zua pathy hae.

1 SIAPHARAN 4:21

Solomon nynh Zufrates kyate Filistin hae ram te Izip ramri kyacia ram balyn kha a uk; Solomon a hiin lungkhu balyn ngunto pya hae zah amaw kha rya a lawpya hae.

1 SHERIANAW 18:3

David nynh Zufrates vaw kya a lungbing bing khylan a ccia lyakhe Hamath langsang a umpaw Zobah siapharan Hadadezer kha mah a chia.

1 SHERIANAW 5:9

Nithua lang Zufrates vaw hynhlang raw laesia ram athotakawnaw kyacia a um hae, pawccecize Gilead ram kya mih sahiin hae tuh myarya a pungthung.

EZRA 4:20

Vawpi Khuraw lang ram balyn kha uk hae zah ngunto, uccaw hoi mee te laanpi mang mee a lawkuh hae paw siapharan hae athung hae paw tuh Jerusalem kya a la um boi hae.

EXODUS 23:31

Na ramri tuh Rili Se kyate Filistin Rili cia, laesia ram kyate Zufrates Vaw cia athua cih; pawccecize tuin ram kya um hae paw kha na kuih kya kae pya cih zah na malang khate na dee cih hae.

DEUTERONOMY 1:7

Cceih oh lah, mua alungnaw Amor hae ram lungkhu lang te a pepan umpaw ram hae Arabah lang thuasah, mua alungnaw ram lang thuasah, Shefelah lang thuasah, Negeb te rili kin lang thuasah, Kanaan hae ram te Lebanon lang thuasah Zufrates vawpi cia cceih oh.

DEUTERONOMY 11:24

Nae ccu nynh a synaw hmin miakaw tuh nae kya-e athua cih; nae ram tuh ramkaw kyate Lebanon cia, Zufrates vaw kyate Niccaw lang e Rili cia athua cih.

DEUTERONOMY 3:25

Jordan vaw khuraw lang e ram hoypaw mua alungnaw ram, ahoypaw te Lebanon kha muih khylan khuraw lang beih yn zuasah,” ka cipya.

BYAPHY 9:14

tuh-e roi nynh mungkae a hoitupaw lu taruhnaw e vaawpaw kha, “Myarya lepaw Zufrates vawpi kya a khii hae paw vaaw hae lu pali kha supah hae,” a cipya.