JOSHUA 1:2 - Zotung Bible 2016

² “Ka ryalahtu Moses tuh a chih vae; nang te hynh-e ccungccaw hae balyn nynh Jordan vaw kha zua oh; minmin, Israel hae ka pya cih hae paw ram lungkhu lang tee oh.

JOSHUA 1:2 Iomraidhean Croise

GENESIS 17:8

Atu ramccang ccungccaw lang na tangnaw oh Kanaan ram balyn hynh nang te namaw koute na ciihan hae kalan zungzae hanlan kae pya cih oh; te kae tuh mih Pachia ka thua cih,” a ci.

NEHEMIAH 9:23

Mih ciihan hae kha vaawlang e awsi zeih na pungzaesah hae zah, mih minpaaw hae kya teenua lan te law lan na hopya hae paw ram lungkhu langkhe na teekhae hae.

JOB 1:8

Bawipaw nynh Satan kha, “Ka seepaw Job kha na nyh boi tou? Laephi vawlan aning tahawpaw lu kheit san um khyh, ccaenaw um leipaw te a dingpaw, Pachia rawrihpaw te hoyleinaw a sibiapaw nynh thua,” a cipya.

ISAIAH 42:1

Ka bawmpaw ka ryalahtu, ka popaw, a tungvaw ka lungrythuapaw tuh hein kya a um; ka muisaw kha a tungvaw ka biasah vae, aning nynh byading kha minphuin hae kalan a thuakhae cih.

NAMBAR 12:7

Ka ryalahtupaw Moses kya tuh tuhte thua khyh; aning tuh ka innbyn balyn kya a lungzipaw nynh thua.

DEUTERONOMY 3:28

Thuasalama Joshua kha hopya tua, amaw kha lungtangsah lah thawzung pyatua, pawccecize aning tuh hynh-e ccungccaw hae hynh lupi lante po a cciakhae cih hae zah, na muih cih paw ram te ram kya-e khyndadyh lante a ccousah cih hae paw nynh thua,” yn cipya.

DEUTERONOMY 31:7

Oute Israel hae balyn nynh a muihnaw hae khe, Moses nynh Joshua kha ko zah hynhte a hopya: “Na thawsae sah lah, na rawthung sah, pawccecize nang tuh Bawipaw nynh hynh-e ccungccaw hae kha pya lan mih minpaaw hae kya bya a kinpyaku hae paw ram lungkhu lang minmin ryte a cceih cih paw nynh na thua; ram tuh minmin kha na ccousah cih hae.

DEUTERONOMY 34:5

Tetuh Bawipaw seepaw Moses tuh Bawipaw nynh kaw a pyanaw Moab ram khe a chih.

JOSHUA 1:1

Bawipaw ryalahtu Moses a chih koute, Moses a bawmtu, Nun ccapaw Joshua kha Bawipaw nynh,

JOSHUA 1:11

“Ryahmin kya po lekuh lan cceih oh lah, ccungccaw hae kyakhe: ‘Nae vaelooh kha paccynkuh oh; pawccecize Bawipaw nae Pachia nynh ccou lan ae pya oh paw ram lungkhu lang teete ccou khylan nin thum lungkhu, e Jordan hynh na zua cih oh,’ cite hopah oh,” cite kaw a pya hae.