JOHAN 9:7 - Zotung Bible 2016

⁷ Tuh-e paw kha, “La cceih, Siloam kuaa kya la singkuh,” a cipya. (Siloam cipaw asuilan tuh ‘Saw’ cipaw nynh thua). Tukeiccuze aning nynh cceih zah a singku, te ngawmuihte a ki.

JOHAN 9:7 Iomraidhean Croise

NEHEMIAH 3:15

Kolhozeh ccapaw Shallum, Mizpah pee a uktu nynh Tuidy Sakoih kha a raethui; aning nynh tuh-e tuh raethui zah a dawpah koute a thuakaw hae, a thuakaw toh hae te a thuakaw ccong hae kha a bing hae; aning nynh siapharan khokhu pe umpaw Shelah Tuili khualungrua kha David Khuapi kyate a cceihbungpaw nawkui hae kyacia a rae.

The Psalms 146:8

Bawipaw nynh mitmoh hae kha ngaw a muihsah hae. a nyaasah hae paw kha a hangthung hae; Bawipaw nynh miding hae kha a sungsah hae.

EXODUS 4:11

Oute Bawipaw nynh Moses kha, “Ccungccaw byahonaw hynh hum nynh mou a pya? Byaho leinaw, nawpannaw, mitmuihnaw te mitmohnaw kha hum nynh mou a rae? Kamaw, Bawipaw nynh ka raepaw thua khyh tou?

ISAIAH 32:3

Ngawmuih hae paw mit nynh ccaerarih lan a muih cih zah, nawthae hae paw nakaring nynh naw a ngae cih.

ISAIAH 35:5

Mitmoh hae nynh ngaw a muih cih hae zah, mih nawpan hae paw nynh naw a thae cih hae;

ISAIAH 42:7

Amohpaw mit hae kha na awsah cih, thongccah hae paw kha thonginn kyate na luesah cih hae zah, mohnaw lungkhu a haung hae paw kha thonginn kyate na pousah cih hae.

ISAIAH 43:8

Mit a hoi zemah ngawmuih leipaw te nakaring a hoi zemah nawthae leipaw ccungccaw hae kha cciakhae oh!

ISAIAH 8:6

E ccungccaw hae nynh daebabi lan a luapaw Shiloah vawkhu e tui kha ry leite, Rezin te Ramaliah ccapaw malang khe rawrite a thyngku hae keiccuze,

MATTHAI 11:5

Mitmoh hae nynh ngawmuih hae zah ccukhou hae nynh a cceih kho vae hae, vaethyakae hae paw a dan hae, nawpan hae nynh nawthae hae zah michi hae tuh thoosah athua hae, ryachi hae kalan thehoypaw tuh hopya athua.

LUKA 13:4

Tuhkhyhze, Siloam kya innhangpaw nynh tingthin hae zah a chih hae paw lu haw lae tarya hae kha ccangpaw Jerusalem khuaccaaw hae balyn laeze a seihua hae paw cite tou na tua oh?

LUKA 2:32

tuh-e tuh Zenta hae a awsah cih paw awnaw te na ccungccaw Israel hae hanlan phu-enaw nynh thua,” cite a ho.

JOHAN 10:36

Paaw nynh a thyaasah vae paw te laephi vawlan a saw vae paw kae nynh, ‘Pachia Ccapaw nynh ka thua,’ ka ci keiccuze nanning nynh kae kha, ‘Pachia saryanaw bya na ho,’ cite pawtemou na ho kho oh?

JOHAN 11:37

Abang nynh, “Mitmohpaw a mit a awsahtupaw hynh-e ccungccapaw nynh Lazaruh kha chi leite umsah kho khyh tou?” a ci hae.

JOHAN 9:11

Aning nynh, “Jesu a ci hae paw ccungccapaw nynh tuiccua kha rae zah ka mit kya yn noipah koute, ‘Siloam kuaa kalan la cceih lah la singkuh,’ yn cipya, te ka cceih zah he ka singkuh tuh ngaw ka muih vae,” a ci.

JOHAN 9:39

Jesu nynh, “Ngawmuih lei hae paw kha ngawmuihsah lan hae zah ngawmuih hae paw kha mih mitmohsah lan hae cite byapia khylan nynh hynh-e laephi vawlan kae thua,” a ci.

LOCCEIHTU 26:18

Minmin kha mohnaw kyate awnaw kalan, Satan kawhoinaw kyate Pachia kalan paleihsaku khylan thuasah, seingaethyanaw muebua hae zah kae oun zynnaw hae liate thyaasah athua hae paw kya umnaw hmin a muebua nawlan hae thuasah mih mit awsah khylan nang kha kae saw,’ yn cipya.

Romans 8:3

Pawccecize pynsaw keiccuze a thawzyapaw Kawbya nynh a cyi kho leipaw kha Pachia nynh a cyi. A seipaw pynsaw muinsan lante seinaw hanlan a Ccapaw kha yn saw zah, pynsaw kya umpaw seinaw kha sei a be.

GALATI 4:4

Thuasalama accyh ccingnaw he yn thua te, nopinung vue kya poisah zah Kawbya zakaw yn puisahpaw a Ccapaw kha Pachia nynh yn saw.