JOHAN 9:5 - Zotung Bible 2016

⁵ Laephi kya ka um lungkhu balyn kae tuh laephi awnaw nynh ka thua,” a ci.

JOHAN 9:5 Iomraidhean Croise

ISAIAH 49:6

Bawipaw nynh a hopaw tuh: “Jakob phin kha hangthung khylan te ahiinhypaw Israel hae kha langmawlya hawte bua thuasah khylan hae, ka ryalahtu lang na tang lanpaw tuh myaryamaw adihpaw ryalaw nynh thua; ka khumnaw tuh laephi adianaw cia a thua nawlan, nang kha minphuin hae hanlan awnaw lang kae rae cih,” a ci.

MALAKHI 4:2

Thuasalama ka min saw na tua oh paw nanning hanlan tuh a sake kya dannaw a umpaw dingnaw khuanin yn thua cih. Sahiinkhia kyate vaetuataw hae thohkute a pou hae hawte lungtuate na pou cih oh.

MATTHAI 4:16

Mohnaw kya umpaw ccungccaw hae nynh awnaw alepaw kha a muih vae hae, chinaw mynlyh ram lungkhu a um hae paw kya awnaw yn langkuh vae,” a ci.

MATTHAI 5:14

“Nanning tuh laephi awnaw nynh na thua oh. Mua vawlan sakpaw khua tuh thuruh kho thua khyh.

LUKA 2:32

tuh-e tuh Zenta hae a awsah cih paw awnaw te na ccungccaw Israel hae hanlan phu-enaw nynh thua,” cite a ho.

JOHAN 12:46

Kae yn zynpaw miakaw nynh mohnaw kya a um khyh nawlan hae, kae tuh awnaw lante laephi vawlan kae thua.

JOHAN 8:12

Jesu nynh, “Kae tuh laephi awnaw nynh ka thua. Kae yn zuipaw tuh mohnaw kya cceih lan khyh, hiinnaw awnaw kha a hoi cih,” cite bua a hopya hae.

LOCCEIHTU 13:47

Pawccecize Bawipaw nynh, ‘Laephi adianaw cia khumnaw kha na thuakhae nawlan oh, nanning kha Zenta hae hanlan awnaw lang phe kae khang vae oh,’ cite kaening kha kaw phe oun pya vae,” cite rawhoyte a ho hae.

LOCCEIHTU 26:18

Minmin kha mohnaw kyate awnaw kalan, Satan kawhoinaw kyate Pachia kalan paleihsaku khylan thuasah, seingaethyanaw muebua hae zah kae oun zynnaw hae liate thyaasah athua hae paw kya umnaw hmin a muebua nawlan hae thuasah mih mit awsah khylan nang kha kae saw,’ yn cipya.

LOCCEIHTU 26:23

Messiah nynh a teing lanpaw kha thuasah, a chih hae paw kyate masaty a thoothui cih zah Judah hae te Zenta hae kalan awnaw bya a thaesah lan hae paw kha thuasah minmin nynh a ho hae,” cite a ho.

EFESA 5:14

Tukeiccuze Pachia nynh, “A ihpaw nang, tho ccavae! Chinaw kyate thoo lah Khri nynh nang kha awnaw ae pya cih,” a ci.

BYAPHY 21:23

Tuh-e khuapi tuh khuanin awnaw te sawpaw awnaw ho vae khyh; pawccecize Pachia phu-enaw nynh tuh-e khuapi tuh awsah zah, Tuutaw tuh khuapi a maeekhua nynh thua.