JOHAN 9:16 - Zotung Bible 2016

¹⁶ Tukeiccuze Farasi hae abang nynh, “Tuh-e ccungccapaw tuh Pachia kyate yn thuapaw thua khyh, pawccecize sabbath nin kha sung khyh,” a ci hae. Mingccang hae nynh, “Pawcihtemou miseipaw lu kheit nynh hynhcihawpaw muihsahnaw tuh a rae kho cih?” a ci hae. Te minmin laku kya phiakunaw a um.

JOHAN 9:16 Iomraidhean Croise

MATTHAI 12:10

Tuin kyakhe a kuih voihawlang achihpaw ccungccapaw lu kheit a la um. Minmin nynh Jesu kha a seinaw kae kyngpya ccaw cite, “Sabbath nin kya dansah lan kawbya nynh a ua tou?” cite a khia hae.

MATTHAI 12:2

Tuh-e tuh Farasi hae nynh he a muih hae tuh Jesu kha, “Dotua, sabbath nin kya kawbya nynh cyi lan a ua leipaw kha na zuitu hae nynh a cyi hae,” a cipya hae.

LUKA 13:14

Tuhte Jesu nynh sabbath nin kya a dansah keiccuze sinakok uktupaw nynh a thinria zah ccungccaw hae kyakhe, “Ryalaw lawku nin nintaruh a um, tuh-e nin hae kyakhe oun cceih oh lah dannaw mue oh, sabbath nin kya tuh mue nan oh,” a cipya hae.

JOHAN 10:19

Hynh-e bya keiccuze Judah hae laku phiakunaw bua a um.

JOHAN 14:11

Kae tuh Paaw kya ka um zah Paaw tuh ka kya a um cipaw hynh yn zyn oh, tuhkhyhze mah rya ka lawpaw keiccu hynh yn zyn oh.

JOHAN 15:24

Hum nynh sanmah a law boi leipaw ryalaw hae kha mih kya ka la law khyh ze, minmin tuh seinaw hoi lan khyh hae, thuasalama atu tuh ka ryalaw kha mang a muih hae pite kae te ka Paaw kha parouhte oun hua hae.

JOHAN 2:11

Jesu nynh a raepaw ngaeangnaw hae kyaze masaty a raepaw hynh-e ngaeangnaw hynh Galilee pee Kana khua kya rae zah a phu-enaw kha a langsahpya hae, te a zuitu hae nynh amaw kha a zyn hae.

JOHAN 3:2

Tuh-e paw nynh khuazi khe Jesu kalan yn thua zah, “Sazae, nang tuh Pachia kyate yn thuapaw sazae nynh na thua cipaw kae ny, pawccecize Pachia nynh ae umkhae khyh lanze hynh-e na raepaw muihsahnaw hae hynh hum nynh sanmah rae kho lan khyh,” cite a hopya.

JOHAN 5:10

Tukeiccuze Judah hae nynh dannaw a muetupaw kha, “Sabbath nin nynh thua, na iphae lawku lan ccan khyh,” a cipya hae.

JOHAN 5:36

Thuasalama kae tuh Johan kya-e laeze ale huapaw ccaekia ka hoi; phe thang lan law lan cite Paaw nynh yn pyapaw ryalaw hae kha kae nynh ka law, tuh-e ryalaw hae nynh kae tuh Paaw nynh a sawpaw cipaw kha ccaekia a khan hae.

JOHAN 6:52

Tukeiccuze Judah hae nynh, “Pawtemou e ccungccapaw nynh a saw kha aening ae lan oun pya kho cih?” cite mimaw te mimaw laku thawte a eikuh hae.

JOHAN 7:12

Amaw te asekuh lante ccungccaw zapi laku kya byalungnaw patae a um; pawccecize ccungccaw abang nynh, “Aning tuh ccungccaw hoypaw nynh thua,” a ci hae. Mingccang hae nynh, “Ccungccaw hoypaw thua khyh, aning nynh ccungccaw hae kha a ling hae,” a ci hae.

JOHAN 7:23

Moses Kawbya tuh ro athua khyh nawlan ccungccapaw lu kheit tuh sabbath nin kya vingdung a awku lanze, kae nynh sabbath nin kya ccungccaw lu kheit ka dansah keiccu tou ka tungvaw nae thinria?

JOHAN 7:43

Tetuh Jesu keiccuze ccungccaw hae laku kya phiakunaw a um.

JOHAN 9:24

Tukeiccuze mitmohpaw kha vae ningnaw ko hae zah, “Nang nynh Pachia kha phu-esah tua! Tuh-e paw tuh miseipaw nynh thua cipaw kae ny,” a ci hae.

LOCCEIHTU 14:4

Khualae e ccungccaw hae tuh thoh phiakuh hae, abang tuh Judah hae kalan pan hae zah abang tuh locceihtu hae kalan a pan hae.