JOHAN 8:9 - Zotung Bible 2016

⁹ Tuh-e bya he a thae hae tuh, piccan huapaw kyate tho zah lu kheit koute lu kheit a cceih vae hae; Jesu kyalya kha cciataw hae zah a malang khe nopinung tuh a thadyn.

JOHAN 8:9 Iomraidhean Croise

1 SIAPHARAN 17:18

Tetuh nomaenung nynh Elijah kha, “Pou Pachia ccungccapaw, pawccemou kae hynh nae rawse? Ka seinaw kha liathuisah lan te ka ccapaw kha chisah khylan tou ka kalan nae thua!” a cipya.

1 SIAPHARAN 2:44

Siapharan nynh Shimei kha, “Ka paaw David tungvaw na cyipaw hoyleinaw balyn kha na thinlung kya phe na ny; tukeiccuze na hoyleinaw kha namaw lu vawlan Bawipaw nynh a ccawsah cih.

JOB 20:27

Aning a hoyleinaw kha vaawlui nynh a phy cih zah, laephi nynh mah rawsete a thonuakuh cih.

JOB 20:5

ccungccaw hoyleipaw a lungtuanaw ccyh tuh dyn zah, Pachia pawlangria leipaw a lungtuanaw tuh sosoh kyalya nynh thua cipaw na nyh khyh tou?

The Psalms 40:14

Kae kha chia lan yn paccynnuakuh hae paw balyn tuh maethyanaw mue hae sah lah, mih lungmua sah. vawsaw yn tungsah ry hae paw tuh mih nulang maekuh hae sah lah, thethyanaw mue hae sah.

The Psalms 50:21

E hae hynh na cyih oh zah, kae tuh daebabi lan ka um; tukeiccuze kae hynh naemaw tahawpaw lang nae ria oh. Thuasalama atu tuh kae pe vae cih oh zah, khah-e hae kha ccaerarih lan kae nysah vae cih oh.

The Psalms 71:13

Kae yn rawse hae paw tuh maethyanaw ccou hae sah lah, roh hae sah; vawsawnaw tungsah yn ry hae paw tuh saryanaw te thethyanaw ccou hae sah.

PHUNGHOTU 7:22

Namaw nynh mah mingccangpaw hae tungvaw avae patae thya na law hae paw kha na thinlung nynh a ny.

LUKA 13:17

Hynhte he a ho tuh, amaw a rawsetu hae balyn tuh maethya pong bongkuh hae; ccungccaw hae balyn tuh Jesu nynh a raepaw ngaeangnaw keiccuze mih lungtua.

JOHAN 8:10

Jesu nynh lawbabin lan haung zah nopinung kha, “Nopinung, teimou a um hae? Hum nynh san sei ae be khyh tou?” a cipya.

JOHAN 8:12

Jesu nynh, “Kae tuh laephi awnaw nynh ka thua. Kae yn zuipaw tuh mohnaw kya cceih lan khyh, hiinnaw awnaw kha a hoi cih,” cite bua a hopya hae.

JOHAN 8:2

Awkhua takaw te beikinn lang bua a cceih. Ccungccaw hae balyn tuh Jesu kalan oun cceih hae, te aning nynh haung zah minmin kha a ccangpya hae.

JOHAN 8:3

Kawbya sazae hae te Farasi hae nynh a vawpaw thua leipaw pise te a sei cciamangpaw nopinung kha oun cciakhae hae zah mih balyn malang khe a nung hae,

JOHAN 8:8

Tukoute bua bakhung zah laephi kya ccaw bua a zei.

Romans 2:15

Minmin nynh mih thinlung kya azeikuhpaw Kawbya kya-e bya hae kha a langsah hae, mimaw nykunaw thinlung nynh mah ccaekia a khan; pawccecize mih tuanaw nynh mimaw kha vaekhakheit seibe zah, vaekhakheit a ngaethya.

Romans 2:22

Milae zu seikhae nan oh cite na ho zah namaw so milae zu na seikhae tou? Zohtuh kha luathua-ae-uipaw lang na ria zah namaw so zohtuh beikinn uccaw kha na luade tou?

1 JOHAN 3:20

Pawccecize ah thinlung nynh ahmaw kha sei oun be lanze, Pachia tuh aening thinlung laeze lesaehua zah pawpaw balyn kha pong a nyhpaw nynh thua.