JOHAN 8:6 - Zotung Bible 2016

⁶ Minmin nynh hynh-e bya a ho hae paw tuh Jesu kha seibe khylan a syntawnaw hae paw nynh thua. Thuasalama Jesu nynh bakhung zah a kuihdung te laephi kya ccaw a zei.

JOHAN 8:6 Iomraidhean Croise

GENESIS 49:9

Ka ccapaw Judah! Nang tuh anopaw chindeih nynh na thua; saw kha na tei zah akarung kalan na ki. Aning tuh chindeih hawte thuasah, chindeih pinung hawte thuasah, tharae leih dyngkuh zah a rya, hum nynh mou amaw kha a laesy ngan cih?

The Psalms 39:1

“Ka munglae te ka sei khyh nawlan ka cyisahnaw kha ka raeringkuh cih; ka umnaw kya ccungccaw hoyleipaw a um lungkhu tuh byaho leite ka khalang ka myh cih,” ka ci.

PHUNGTANGBYA 26:17

Milae pekunaw kya a thungkuh buapaw tuh amaw ccia lan cceihpaw ui nakua kha a kyngpaw te nynh aloku.

PHUNGHOTU 3:7

seii ccyh um zah, hui ccyh a um; zya dae ccyh um zah byaho ccyh a um;

JEREMIAH 17:13

Pou Israel a ngaehoinaw athuapaw, pou Bawipaw! Nang ae vuapaw balyn tuh maethyanaw a mue cih hae; na kyate ccanglang a maeleihkuh hae paw tuh laephi ccazing kya zei athua cih hae, pawccecize minmin nynh hiinnaw tuidy, Bawipaw kha a vua vae hae.

DANIEL 5:5

Tualeipite ccungccaw kuihdung tuh yn langkuh zah, maeekhuatung pe, siapharan inn pang vawlan khe ccaw a zei. Tuhcite a zei cciamangpaw kuih kha siapharan nynh phang a do.

AMOS 5:10

Minmin nynh koikua kya dingleinaw a langsakuhpaw te byaccing a hopaw kha a hua hae.

AMOS 5:13

Tukeiccuze mihawpaw nynh tuh tuhcihawpaw ccyh kya daebabi lan a um; pawccecize tuh-e ccyh tuh ccyh thyapaw nynh thua.

NAMBAR 14:22

ka phu-enaw kha thuasah, Izip ram kya te ramkaw kya ka cyipaw muihsahnaw hae kha thuasah muih hae salamah kae kha vae haw yn syntaw hae zah ka bya a ngae lei hae paw ccungccaw hae tuh

MATTHAI 10:16

“Ngaetua oh! Suizaw hae laku tuu hae saw hawte nanning kha kae saw oh, tukeiccuze hupaw hawte nae lunghaw sah lah vahu hawte nae lungne sah.

MATTHAI 15:23

Thuasalama Jesu nynh bya kaw kheit san khung khyh. A zuitu hae nynh a kalan oun cceih hae zah, “E nung hynh po dee, pawccecize ah nulang te oun zui zah palei a sia,” cite a ngia hae.

MATTHAI 16:1

Farasi hae te Sadusi hae nynh oun thua hae zah Jesu kha syntawtua khylan, vaawlang e muihsahnaw kha minmin kya langsahpya lan a ngia hae.

MATTHAI 19:3

Farasi hae abang nynh amaw kalan oun thua hae zah amaw kha syntawtua khylan, “Pisepaw nynh a zu kha pawpaw kong zemah mya lan kawbya nynh a ua tou?” cite a khia hae.

MATTHAI 22:18

Jesu nynh a thyaruhnaw hae kha phe nyh zah, “Thyaruh hae, pawccemou kae hynh nae syntawtua oh?

MATTHAI 22:35

Minmin kyaze kawbya sazae lu kheit nynh Jesu kha syntawtua khylan hynhte bya a khia:

MATTHAI 26:63

Thuasalama Jesu tuh yccae khyh. Te ranpibawi lupi nynh, “A hiinpaw Pachia min phyate thyalawkute bya na kinkuh cih; nang hynh Pachia Ccapaw Messiah na thua tou, na thua khyh tou oun hopya tua,” a cipya.

MARKA 10:2

Farasi hae abang nynh oun thua hae zah amaw kha syntawtua khylan, “Pisepaw nynh a zu kha mya lan kawbya nynh a ua tou?” cite a khia hae.

MARKA 12:15

Kaening nynh kae pya cih tou, kae pya lan khyh tou?” cite a khia hae. Thuasalama Jesu nynh mih thyaruhnaw kha nyh zah minmin kha, “Pawccemou nae syntawtua oh? Denari kia kheit kha oun ccyngtua oh, ka la dotua,” a cipya hae.

MARKA 3:2

Minmin nynh Jesu kha seibe khylan, sabbath nin kyakhe tuh-e paw tuh yn dansah ta, yn dansah khyh ta cite a dokhaw hae.

MARKA 8:11

Farasi hae nynh oun cceih hae zah Jesu ryte bya a eikuh hae, amaw kha syntawtua khylan vaawlang e muihsahnaw kha a ngia hae.

LUKA 10:25

Kawbya thyapaw lu kheit nynh thadyn zah, “Sazae, zungzae hiinnaw rho ccou khylan pawmou ka cyi cih?” cite Jesu kha a syntawtua.

LUKA 11:16

Abang nynh Jesu kha syntawtua khylan vaawlang e muihsahnaw kha a ngia hae.

JOHAN 8:2

Awkhua takaw te beikinn lang bua a cceih. Ccungccaw hae balyn tuh Jesu kalan oun cceih hae, te aning nynh haung zah minmin kha a ccangpya hae.

1 KORIN 10:9

Minmin abang nynh Pachia kha syntawtua hae zah hupaw nynh a ro hae hawte, aening tuh Khri kha syntawtua nan oh sih.