JOHAN 8:53 - Zotung Bible 2016

⁵³ Nang tuh a chih vae paw kae paaw Abraham laeze na lesaehua tou? Profeh hae mah a chih hae; nang tuh humlangmou na riakuh?” a ci hae.

JOHAN 8:53 Iomraidhean Croise

ISAIAH 9:6

Pawccecize aening hanlan imua lu kheit a pui vae, ccapaw lu kheit pya ah thua oh; aning tuh uknaw kaw a hoi cih; amaw kha Ngaeang lan umpaw Tuanaw pyatu, Athungpaw Pachia, Zungzae tynpaw Paaw, Daenaw Siapharan cite minphu athua cih.

MATTHAI 12:6

Byaccaccing kae hopya oh, Beikinn laeze alesae huapaw tuh hein kya a um.

MATTHAI 3:9

‘Abraham tuh kae paaw nynh thua,’ cite tuakuh nan oh. Pawccecize Pachia tuh hynh-e lung hae kyate Abraham ccaaw hae kha a rae kho cipaw kae hopya oh.

JOHAN 10:33

Judah hae nynh, “Ahoypaw ryalaw keiccu lung te kae deih lan khyh, nang tuh ccungccaw huataw mang na thua pite Pachia lang na riakuh zah Pachia thethya na ho keiccu nynh lung te kae deih cih,” a ci hae.

JOHAN 12:34

Ccungccaw hae nynh, “Messiah tuh zungzae a hiin cih cite Kawbya kyate kae thae; tuhte athua ze pawccemou nang nynh, ‘Ccungccaw Ccapaw tuh saethung athua cih,’ na ci? Tuh-e Ccungccaw Ccapaw tuh hummou?” a ci hae.

JOHAN 19:7

Judah hae nynh, “Phung ccangkheit kae hoi zah tuh-e phung thyhte aning tuh chi lan accan, pawccecize Pachia Ccapaw nynh ka thua a ciku,” cite a khung hae.

JOHAN 4:12

Kae minpaaw Jakob nynh e tuisung hynh kaening oun pya; amaw te a ccaaw hae te a sahiin hae nynh e tuisung kya-e tui hynh a nia hae; nang tuh Jakob laeze na lesaehua tou?” a cipya.

JOHAN 5:18

E kong keiccuze Judah hae nynh amaw kha chia lan cite houh a nounuaku hae, pawccecize aning nynh sabbath nin a ro kyalya thua leite Pachia kha mah ka Paaw ci zah tuhte amaw te amaw kha Pachia te a ngingsaku, a ci hae.

JOHAN 8:58

Jesu nynh, “Byaccaccing kae hopya oh, Abraham a um mawze kae tuh ka um vae,” a cipya hae.

Romans 9:5

Minmin tuh minpaaw hae te mah sekuh hae zah, pynsaw lante Messiah tuh minmin kyate nynh yn thua. Aning tuh tynre balyn kya kawhoitu thua zah zungzae hythuapyatu Pachia nynh thua. Amen.