JOHAN 8:51 - Zotung Bible 2016

⁵¹ Byaccaccing kae hopya oh, humhung zemah ka bya a zuipaw tuh chinaw tung boi vae lan khyh,” a ci.

JOHAN 8:51 Iomraidhean Croise

The Psalms 89:48

Chi leite a hiin khopaw hummou a um? Michi khua huhan kyate hummou a lue kho?

MATTHAI 16:28

Byaccaccing kae hopya oh, Ccungccaw Ccapaw nynh a peenaw te yn thuapaw kha a muih hae cia a chih cih lei hae paw abang tuh hein kya a thadyn hae,” cite a hopya hae.

LUKA 2:26

Thyaa Muisaw nynh amaw kha, Bawipaw kya-e Messiah kha na muih makhia na chih lan khyh, cite a hopya.

JOHAN 14:23

Jesu nynh, “Kae yn sungsahpaw tuh ka bya kha a ngae cih; ka Paaw nynh amaw kha a sungsah cih, kaening nynh amaw kalan kae thua cih zah amaw ryte umnaw kae raekuh cih.

JOHAN 15:20

‘See tuh a bawipaw laeze lehua khyh,’ cite kae hopya oh paw ka bya kha liathui oh. Minmin nynh kae hynh vawsaw yn pya hae ze nanning kha mah vawsaw ae pya cih oh; minmin nynh ka bya kha a ngae hae ze nae bya kha mah a ngae cih hae.

JOHAN 17:6

“Laephi kyate nae pyapaw ccungccaw hae kya na min kha ka langsah vae, minmin tuh na kya-e thua hae zah kamaw kha nae pya, te na bya kha a zui hae.

JOHAN 5:24

Byaccaccing kae hopya oh, ka bya thae zah kae yn sawtupaw a zynpaw ccungccaw tuh zungzae hiinnaw a hoi; byapianaw ing vae lan khyh, chinaw kyate hiinnaw kalan phe a sulue vae.

JOHAN 6:50

Vaawlang te yn rungbungpaw sanlou a aepaw miakaw tuh chih lan khyh hae.

JOHAN 8:12

Jesu nynh, “Kae tuh laephi awnaw nynh ka thua. Kae yn zuipaw tuh mohnaw kya cceih lan khyh, hiinnaw awnaw kha a hoi cih,” cite bua a hopya hae.

JOHAN 8:52

Judah hae nynh Jesu kha, “Nang tuh raerangsaro bahkuhpaw cipaw atu kae ny. Abraham tuh a chih, profeh hae mah a chih hae; nang nynh, ‘Humhung zemah ka bya a zuipaw tuh chinaw tung boi vae lan khyh,’ na ci.

JOHAN 8:55

Tuhzemah amaw kha na nyh khyh oh, kae tuh amaw kha ka ny; amaw kha ka nyh khyh ka ci ze, naemaw hawte mihynpaw nynh ka thua cih, thuasalama amaw kha ka nyh zah a hopaw kha ka zui.

HEBRU 11:5

Enok tuh chinaw a tung vae khyh ccaw cite zynnaw liate lawthung athua. Pachia nynh amaw kha a lawthung vae keiccuze aning tuh muih lan um vae khyh. Pawccecize lawthung athua maw, “Aning tuh Pachia lungry a tung,” cipaw ccaekia kha a hoi.

HEBRU 2:9

Thuasalama Pachia thawccinaw liate ccungccaw miakaw hanlan chinaw taangtua khylan, vaaw hae laeze ccapyh anehua lante rae athuapaw Jesu kha aening nynh ah muih oh. Chinaw a teing keiccuze aning tuh phu-enaw te sawtuanaw lukhung kha khungsah athua.