JOHAN 8:44 - Zotung Bible 2016

⁴⁴ Nanning tuh nae paaw Satan kya-e na thua oh zah, nae paaw rynaw kha na cyi ry oh. Aning tuh atakaw lya mawte ccungccaw theihtupaw thua zah byaccing kya tyn khyh. Pawccecize amaw kya byaccing um khyh. Hynbya a ho vae ze amaw thuanaw kha nynh a ho; pawccecize aning tuh a hynpaw thua zah hynbya a paaw nynh thua.

JOHAN 8:44 Iomraidhean Croise

GENESIS 3:15

Nang te nopinung laku thuasah, na ciihan te a ciihan laku thuasah rawsekunaw ka nung cih; aning nynh na lu kha ae tude cih zah nang nynh a ccukhung kha na tuh cih,” a ci.

1 SIAPHARAN 22:22

Bawipaw nynh, ‘Pawtemou na tuhou cih?’ cipah zah, aning nynh, ‘Ka cceih cih zah profeh hae munglae kyakhe ahynthyapaw muisaw lang ka tang cih,’ a ci. Te Bawipaw nynh, ‘Aning kha na la tuhou cih, phe na tuhou kho cih; la cceih lah tuhcite la cyih,’ a cipya.

1 SHERIANAW 21:1

Satan nynh Israel hae kha dou hae zah Israel ccungccaw hae kha milu ria lan David kha a tuhou.

JOB 1:11

Thuasalama atu na kuih dyng lah, a hoipaw balyn kha na lawpya zetuh na malang mawkhe thya ae law cih,” cite a khung.

MATTHAI 12:34

Pou huparepaw ciihan hae! Nanning tuh na hoy lei oh pite ahoypaw uccaw hae kong kha pawtemou na ho kho cih oh? Pawccecize thinlung kya phe beihpaw kha nynh munglae nynh leih a ho.

MATTHAI 13:15

Pawccecize hynh-e ccungccaw hae thinlung tuh marae aping, mih nakaring tuh phe apan, kae mit te kae muih khyh ccaw cite phang masi hae. Tuhkhyhze tuh mih nakaring nynh a thae cih zah, mih lung nynh a nyhthya cih, te ka kalan oun maekuh cih hae zah minmin kha phe ka dansah cih hae paw,’ a ci.

MATTHAI 13:38

Loo tuh laephi nynh thua; ccacii hoypaw tuh peenaw ccaaw hae nynh thua; lonua hae tuh mihoy leipaw ccaaw hae nynh thua.

JOHAN 6:70

Jesu nynh, “Nanning lu haw lae ning hynh kamaw nynh kae po khyh oh tou? Tuhzemah nanning lakuze lu kheit tuh satan nynh thua,” a ci.

JOHAN 7:17

Ccungccaw lu kheit nynh Pachia rynaw kha a cyi ry lanze, ka ccangpyanaw kong kha a nyh cih, tuh-e tuh Pachia kya-e tou, tuhkhyhze kamaw kya-e tou ka ho cipaw a nyh cih.

JOHAN 8:38

Kae tuh ka Paaw kya ka muihpaw kha ka ho; nanning tuh nae paaw nynh ae hopya oh paw kha na cyi oh,” a ci.

JOHAN 8:41

Nanning tuh nae paaw nynh a cyipaw kha na cyi oh,” a cipya hae. Minmin nynh, “Kaening tuh ohhuakunaw kyate a puipaw kae thua khyh, kaening nynh Paaw lu kheit kyalya kae hoi zah tuh-e tuh Pachia nynh thua,” a cipya hae.

JOHAN 8:55

Tuhzemah amaw kha na nyh khyh oh, kae tuh amaw kha ka ny; amaw kha ka nyh khyh ka ci ze, naemaw hawte mihynpaw nynh ka thua cih, thuasalama amaw kha ka nyh zah a hopaw kha ka zui.

LOCCEIHTU 13:10

“Satan ccapaw, dingnaw hae balyn a rhawtupaw, thyaruhnaw te hynhunaw balyn te phe beihpaw nang tuh Bawipaw kya-e adingpaw laanpi kha kousah leite na um kho khyh tou?

LOCCEIHTU 24:9

Judah hae nynh mah tuh-e bya tuh thanccingpaw nynh thua cite mih nawccawkhae.

LOCCEIHTU 5:3

Peter nynh, “Ananias, pawccemou na thinlung kha Satan na uksakuh zah laephi na zuanaw mee phua abang kha nungkute Thyaa Muisaw tuh na ling?

2 KORIN 11:3

Thuasalama hupaw nynh a thyaruhnaw khate Evi kha a ling hawte nae thinlung kha thyaararih lan Khri na zuinaw oh kyate ae cciakhaesei cih oh cipaw ka thinphang.

1 PETER 5:8

Hawrarih lan um oh; raeringkute um oh; pawccecize nae rhawpaw Satan tuh a sia a ruapaw chindeih hawte hum vema ka laang cih cite ccungkute a khiakuh.

2 PETER 2:4

Pawccecize Pachia nynh seinaw a raepaw vaaw hae kha haang khyh hae; hell lungkhu lang sah hae zah byapia khylan nungdete mohnaw sivawrui te a khii hae.

1 JOHAN 1:8

Aening nynh seinaw ah hoi khyh oh cite ah ho oh ze, ahmaw te ahmaw ah lingkuh oh paw thua zah, byaccing tuh aening kya um khyh.

1 JOHAN 2:21

Nanning nynh byaccing kha na ny khyh oh keiccu nae kalan ccaw ka zei cipaw thua khyh. Nanning nynh byaccing kha na nyh oh zah, hynbya tuh byaccing te sekuh khyh cipaw na ny keiccu oh nynh nae kalan ccaw ka zei.

1 JOHAN 2:4

Amaw kha ka nyh cite ho zah a kawbya hae a zui leipaw ccungccaw tuh mihynpaw nynh thua; tuh-e paw kya byaccing um khyh.

1 JOHAN 3:12

Satan kya-e thua zah amaw a neitaw a theihpaw Kain hawte thua nan oh sih. Pawccemou a neitaw kha a chia ci ze, amaw a cyisahnaw tuh hoy khyh zah, a neitawpaw a cyisahnaw tuh ading keiccu nynh thua.

1 JOHAN 3:15

Humhung zemah a uno a huapaw tuh ccungccaw a theihtu nynh thua; ccungccaw a theihtupaw kya tuh zungzae hiinnaw um khyh cipaw na ny oh.

JUDE 1:6

Mimaw kawhoinaw lungkhu um leite mih umnaw hmin a cciataw hae paw vaaw hae kha byapia khylan alesaepaw nin kyacia Pachia nynh mohnaw kyakhe zungzae atynpaw sivawrui te phang a khung hae.

BYAPHY 12:9

Laephi pynpi a lingpaw, Raerangsaro te Satan a ci hae paw langmawlya e hupaw, myarya lepaw nakaa-hupi tuh laephi kalan vua athua, amaw ryte a vaawccungccaw hae tuh vua athua hae.

BYAPHY 13:14

Aning nynh masaty e sarepaw malang langsakunaw kaw a muepaw muihsahnaw hae liate laephi vawlan a um hae paw kha a ling hae. Thaloi te vaemaw a mue zemah a hiin ungpaw sarepaw azuh kha raeku lan laephi vawlan a um hae paw kha a hopya hae.

BYAPHY 2:10

Na teing lanpaw vawsawnaw kha rih nan. Dotua, nanning tuh syntawnaw teing khylan Satan nynh nanning kyaze abang kha thonginn lungkhu lang a sang cih hae, te nin haw lungkhu vawsawnaw na tung cih oh. Nang tuh chinaw kyacia a lungzipaw la thua, tuhteze tuh hiinnaw bawilukhung kha kae pya cih.

BYAPHY 21:8

Thuasalama mih rawthah hae paw, a zyn lei hae paw, luathua-ae-ui lan um hae paw, ccungccaw theih hae paw, a ohhuakuh hae paw, naawthya hae paw, zohtuh beik hae paw te a hyn hae paw balyn tuh kemaee te aruapaw maee tuili kyakhe nynh mih hanpaw a hoi cih hae, tuh-e tuh vaening chinaw nynh thua,” yn cipya.

BYAPHY 22:15

Tuhzemah atolang tuh ui hae, naawthya hae paw, a ohhuakuh hae paw, ccungccaw theih hae paw, zohtuh beik hae paw te hynbya kha sungsah zah a hopaw miakaw nynh a um hae.

BYAPHY 9:11

Minmin nynh siapharan lu kheit hoi hae zah, tuh-e paw tuh adianaw um lei lan akhupaw laekarung kya-e vaawpaw nynh thua. A min tuh Hebru bya te Abaddon cikuh zah Grik bya te Apollyon acikuh.