JOHAN 8:41 - Zotung Bible 2016

⁴¹ Nanning tuh nae paaw nynh a cyipaw kha na cyi oh,” a cipya hae. Minmin nynh, “Kaening tuh ohhuakunaw kyate a puipaw kae thua khyh, kaening nynh Paaw lu kheit kyalya kae hoi zah tuh-e tuh Pachia nynh thua,” a cipya hae.

JOHAN 8:41 Iomraidhean Croise

EXODUS 4:22

Oute nang nynh Faro kyakhe, ‘Bawipaw nynh hynhte a ho: Israel tuh ka ccatawccaw nynh thua,

ISAIAH 63:16

Abraham nynh kaening kha oun nyh khyh zah, Israel nynh mah oun ny khyh zemah nang tuh kae Paaw nynh na thua. Pou Bawipaw , nang tuh kae Paaw nynh na thua; langmawlya mawte kaening oun Shawkhawtu tuh na min nynh thua.

ISAIAH 64:8

Tuhzemah, pou Bawipaw , nang tuh kae Paaw nynh na thua, kaening tuh anglae kae thua zah, nang tuh kaening oun raetupaw ang raetu nynh na thua; kaening balyn tuh na kuih te nae raekupaw nynh kae thua.

JEREMIAH 3:19

Nang kha ka ccaaw hae laku kya pawtemou kae nung cih cipaw te ram hoypaw, ram balyn kyaze apuithya huaccepaw rho kha pawtemou kae pya cih cipaw kha ka tua. Te nang nynh kae kha, Apang cite nae ko cih zah, kae nae zuinaw kyate ccanglang na cceihsei lan khyh cite ka tua.

JEREMIAH 31:20

Efraim tuh ka sungsahpaw ka ccapaw athua tou? Ka lungrythuapaw ccaaw athua tou? Amaw konglang ka ho takyh vae ze palei ka liathui ung. Tukeiccuze ka thinlung nynh ngae ccaccing zah, a tungvaw thawccinaw ka hoi ccaccing cih, cite Bawipaw nynh a ci.

HOSEA 1:2

Bawipaw nynh Hosea kyate masaty bya he a ho te, Bawipaw nynh Hosea kha, “Cceih lah, ohhuanung kha zu lang dykute ohhuakunaw ccaaw hae kha saahku tua, pawccecize e ram nynh Bawipaw kha vua zah myarya lepaw ohhuakunaw kha a rae vae,” a cipya.

MALAKHI 1:6

Ccapaw nynh a paaw kha sawtua zah, ryalahtu hae nynh mih bawipaw kha saw a tua hae. Kae tuh paaw ka thua lanze, ka tungvaw sawtuanaw tuh teimou a um? Kae tuh bawi ka thua lanze, ka tungvaw sawtuanaw tuh teimou a um? cite vaaw Bawipaw nynh a min pawlangria lei hae paw nanning, ranpibawi hae kha ae hopya oh. Nanning nynh, “Pawcihtemou na min tuh pawlang kae ria khyh?” na ci oh.

MALAKHI 2:11

Judah tuh a lungzi vae khyh, Israel te Jerusalem kya anungsikuhpaw kha rae athua vae; Bawipaw nynh a rypaw beikinnthyaa kha Judah nynh thusah zah, ramccang pachia ccanung kha zu lang a umkhae.

JOHAN 8:38

Kae tuh ka Paaw kya ka muihpaw kha ka ho; nanning tuh nae paaw nynh ae hopya oh paw kha na cyi oh,” a ci.

JOHAN 8:44

Nanning tuh nae paaw Satan kya-e na thua oh zah, nae paaw rynaw kha na cyi ry oh. Aning tuh atakaw lya mawte ccungccaw theihtupaw thua zah byaccing kya tyn khyh. Pawccecize amaw kya byaccing um khyh. Hynbya a ho vae ze amaw thuanaw kha nynh a ho; pawccecize aning tuh a hynpaw thua zah hynbya a paaw nynh thua.

DEUTERONOMY 14:1

Nanning tuh Bawipaw nae Pachia ccaaw hae nynh na thua oh. Michi hanlan nae ngesaw na awkuh lan khyh oh, nae mitteky laku e nae ming kha na ngokuh lan khyh oh.

DEUTERONOMY 32:6

Pou mingaee hae te tuanaw hoi leipaw ccungccaw hae, tuhcite tou Bawipaw kha na pyaru cih oh? Aning tuh nanning lang ae tangsah oh paw nae paaw, ae raetu oh paw te ae tynsah oh paw thua khyh tou?

1 JOHAN 3:12

Satan kya-e thua zah amaw a neitaw a theihpaw Kain hawte thua nan oh sih. Pawccemou a neitaw kha a chia ci ze, amaw a cyisahnaw tuh hoy khyh zah, a neitawpaw a cyisahnaw tuh ading keiccu nynh thua.