JOHAN 8:2 - Zotung Bible 2016

² Awkhua takaw te beikinn lang bua a cceih. Ccungccaw hae balyn tuh Jesu kalan oun cceih hae, te aning nynh haung zah minmin kha a ccangpya hae.

JOHAN 8:2 Iomraidhean Croise

PHUNGHOTU 9:10

Na law lanpaw ryalaw miakaw kha na thawzung balyn te lawtua; pawccecize na cceih cihnaw Sheol kya tuh ryalaw, tuanaw, nynaw te hawnaw um vae khyh.

JEREMIAH 25:3

Amon ccapaw Josiah nynh Judah Siapharan lang a tangnaw kum haw lae thumnaw kyate atunin cia, kum kuin lae thum lungkhu, ka kya yn thuapaw Bawipaw bya kha nae kalan apaekuh lei lan kae hopya oh, thuasalama na ngae khyh oh.

JEREMIAH 32:33

Minmin nynh mih malang sangsah leite mih nulang yn sangsah hae; apaekuh lei lan ka hopya hae zemah, ka bya ngae leite thuiheinaw kha lawkuh khyh hae.

JEREMIAH 44:4

Ka ryalahtu profeh hae balyn kha apaekuh lei lan nae kalan ka saw hae zah, “Ka huapaw hynh-e anungsikuhpaw uccaw hynh na cyi khyh nawlan oh, kae ngia oh!” cite ae hopya oh.

MATTHAI 26:55

Tuin ccyh kyakhe Jesu nynh ccungccaw zapi kha, “Kae hynh miruh hawte kyng khylan thaloi te, tungbang te nae ccianua oh tou? Beikinn kya ka haung zah nin takyh kae ccangpya lya oh ze nae kyng khyh oh.

LUKA 21:37

Jesu nynh beikinn kya nin takyh a ccangpya hae, khuazi ccyh kya pou zah Oliv a ci hae paw mua kya a rya.

LUKA 21:38

Awkhua takaw te ccungccaw hae balyn nynh a bya kha ngae khylan beikinn lang oun cceih hae.

LUKA 4:20

Jesu nynh ccakue kha kue zah a ccytupaw kha a pya koute a haung. Sinakok kya um hae paw balyn nynh Jesu kha mih mitvoh leite a do hae.

LUKA 5:3

Jesu tuh kohlung ccangning lakuze Simon kya-e kohlung kalan khe tee zah varang langte takyh nuesaku lan Simon kha a ngia. Te tuh-e kohlung kya haung zah ccungccaw hae kha a ccangpya hae.

JOHAN 4:34

Jesu nynh minmin kha, “Ka looh tuh kae yn sawtupaw rynaw cyi lanpaw te a ryalaw thangsah lanpaw hynh nynh thua.

JOHAN 8:20

Jesu nynh e bya hynh beikinn lungkhu sisuakhaan kya a ccangpya lya hae nynh a ho; amaw ccyh azaw loh khyh keiccuze hum nynh sanmah kyng khyh hae.

JOHAN 8:3

Kawbya sazae hae te Farasi hae nynh a vawpaw thua leipaw pise te a sei cciamangpaw nopinung kha oun cciakhae hae zah mih balyn malang khe a nung hae,

LOCCEIHTU 5:21

Minmin nynh tuh-e bya he a thae hae te, awkhua takaw khe beikinn lungkhu lang tee hae zah a ccangpya hae. Ranpibawi lupi te amaw ryte a umkheih hae paw nynh oun thua hae zah kungsi hae te Israel piccan hae balyn kha a ko hae; te locceihtu hae kha mih kalan cciakhae khylan ccungccaw hae kha thonginn lang a saw hae.