JOHAN 8:16 - Zotung Bible 2016

¹⁶ Tuhzemah kae tuh bya ka pia ze, ka byapianaw tuh ahme, pawccecize ka makhaete bya ka pia khyh, kae yn sawtupaw Paaw ryte nynh kae um.

JOHAN 8:16 Iomraidhean Croise

The Psalms 98:9

pawccecize aning tuh laephi kha byapia khylan yn thua. Aning nynh laephipi kha dingnaw te bya a pia cih zah, ccungccaw hae kha ahmete bya a pia cih hae.

The Psalms 99:4

Athungpaw Siapharan, nang tuh byading a rypaw na thua zah, ahmepaw kha na tynsah vae; byading te dingnaw kha Jakob ciihan kya na rae vae.

ISAIAH 9:7

A uknaw kaw tuh houhouh a lethung cih, David kya-e bawitungkhung te a peenaw hanlan athangthya leipaw daenaw a um cih. Tuh-e tuh aning nynh byading te dingnaw khate atu te malang zungzae cia a tynsah cih zah a uk cih. E hynh vaaw Bawipaw nynh lungthote a cyih cih.

ZEKHARIAH 9:9

Pou Zion ccanung, na lung myarya tua sah! Pou Jerusalem ccanung, thawte siatua! Pawccecize na siapharan tuh na kalan yn cceih cciamang; aning tuh taetu thua zah taenaw te yn cceih, thinlung nepaw thua zah lann tungvaw a ccikuh, lann taraw tungvaw, lann a taw tungvaw ccikute yn cceih.

JOHAN 16:32

Nae balynte nae umnaw raveih lang nae phiakuh cih oh zah, ka makhaete nae cciataw oh ccyh yn thua cih, atumaw yn thua vae; tuhzemah kae tuh ka makhae thua khyh, pawccecize ka Paaw nynh kae kha yn umkhae.

JOHAN 8:29

Kae yn sawtupaw tuh ka kya um zah ka makhaete yn cciataw boi khyh, pawccecize a lungrypaw kyalya kha kae nynh ka cyi,” a cipya hae.

LOCCEIHTU 17:31

Pawccecize Pachia nynh a po vae paw ccungccapaw liate laephi hynh dingnaw te bya a pia cih nin kha phe a khyade vae. Tuh-e paw kha chinaw kyate a thoosahnaw liate ccungccaw balyn hanlan atynpaw ccaekia kha a langsah vae,” cite Paul nynh a ho.

BYAPHY 19:11

Vaawlang tuh hungkuh zah marang rawpaw sa kheit kha ka muih. Tuh-e marang tungvaw a ccikuhpaw tuh Alungzipaw, Ahmepaw cite ko athua; aning tuh dingnaw te byapia zah rhaw a tuk.

1 SAMUEL 16:7

Thuasalama Bawipaw nynh Samuel kha, “A muinsan te a pynrua ahangpaw kha do nan, pawccecize amaw kha ka vua vae; pawccecize Bawipaw nynh tuh ccungccaw nynh do hawte do khyh; ccungccaw nynh tuh atolang e muinsan kha a do, thuasalama Bawipaw nynh tuh thinlung kha a do,” a cipya.