JOHAN 8:12 - Zotung Bible 2016

¹² Jesu nynh, “Kae tuh laephi awnaw nynh ka thua. Kae yn zuipaw tuh mohnaw kya cceih lan khyh, hiinnaw awnaw kha a hoi cih,” cite bua a hopya hae.

JOHAN 8:12 Iomraidhean Croise

JOB 33:28

Michi khua lang ccianaw kyate ka muisaw kha yn shawkhaw vae zah, ka hiinnaw nynh awnaw kha a muih cih,’ a ci.

The Psalms 18:28

Pou Bawipaw , nang tuh ka maeekhua yn awsahpahtu nynh na thua; Bawipaw , ka Pachia nynh ka mohnaw kha a awsah.

The Psalms 49:19

awnaw a muihthui lei vae cih hae paw mih minpaaw hae phu kalan khe a cceihbua cih hae.

The Psalms 97:11

Awnaw tuh miding hae hanlan aw zah, lungtuanaw tuh thinlung ading hae paw hanlan a aw.

ISAIAH 49:6

Bawipaw nynh a hopaw tuh: “Jakob phin kha hangthung khylan te ahiinhypaw Israel hae kha langmawlya hawte bua thuasah khylan hae, ka ryalahtu lang na tang lanpaw tuh myaryamaw adihpaw ryalaw nynh thua; ka khumnaw tuh laephi adianaw cia a thua nawlan, nang kha minphuin hae hanlan awnaw lang kae rae cih,” a ci.

ISAIAH 50:10

Nanning laku kyaze hummou Bawipaw kha rih zah, a ryalahtupaw bya kha a ngae? Mohnaw kya cceih zah awnaw a hoi leipaw nynh Bawipaw min kha doliakuh sah lah, a Pachia kya reihpekuh sah.

ISAIAH 9:2

Mohnaw kya a cceih hae paw ccungccaw hae nynh awnaw alepaw kha a muih vae hae; marae amohnaw ram kya a um hae paw kyakhe awnaw tuh a ak vae.

HOSEA 6:3

Bawipaw kha nyh oh sih, amaw kha ny lan zuakuh oh sih; aning yn langku lanpaw tuh khua yn dae lanpaw hawte phe aria; pharyphary rahpaw khuaa hawte thuasah, laephi kha tui a bupaw hawkhuaa hawte thuasah aning tuh aening kalan yn thua cih,” a ci.

MALAKHI 4:2

Thuasalama ka min saw na tua oh paw nanning hanlan tuh a sake kya dannaw a umpaw dingnaw khuanin yn thua cih. Sahiinkhia kyate vaetuataw hae thohkute a pou hae hawte lungtuate na pou cih oh.

MATTHAI 5:14

“Nanning tuh laephi awnaw nynh na thua oh. Mua vawlan sakpaw khua tuh thuruh kho thua khyh.

LUKA 2:32

tuh-e tuh Zenta hae a awsah cih paw awnaw te na ccungccaw Israel hae hanlan phu-enaw nynh thua,” cite a ho.

JOHAN 12:35

Jesu nynh, “Awnaw tuh nae kya sosoh a um, mohnaw nynh ae phya khyh nawlan oh, awnaw na hoi lya oh hin cceih oh, pawccecize mohnaw kya a cceihpaw tuh teilang nynh ka ccia cipaw nyh khyh.

JOHAN 12:36

Awnaw na hoi lya oh hin awnaw ccaaw lang na tang nawlan oh, awnaw kha zyn oh,” a cipya hae. Jesu nynh hynh-e bya a ho koute mih kyate pou zah zya a rekuh.

JOHAN 12:46

Kae yn zynpaw miakaw nynh mohnaw kya a um khyh nawlan hae, kae tuh awnaw lante laephi vawlan kae thua.

JOHAN 14:6

Jesu nynh, “Kae tuh laanpi, byaccing te hiinnaw nynh ka thua. Kae ka kyate holeite tuh hum sanmah Paaw kalan thua kho khyh.

JOHAN 3:19

Byapianaw tuh hynhte nynh thua; awnaw tuh laephi vawlan hin yn thua, thuasalama ccungccaw hae tuh mih cyisahnaw ahoy khyh keiccuze awnaw laeze mohnaw kha a ryhua hae.

JOHAN 7:17

Ccungccaw lu kheit nynh Pachia rynaw kha a cyi ry lanze, ka ccangpyanaw kong kha a nyh cih, tuh-e tuh Pachia kya-e tou, tuhkhyhze kamaw kya-e tou ka ho cipaw a nyh cih.

JOHAN 9:5

Laephi kya ka um lungkhu balyn kae tuh laephi awnaw nynh ka thua,” a ci.

LOCCEIHTU 13:47

Pawccecize Bawipaw nynh, ‘Laephi adianaw cia khumnaw kha na thuakhae nawlan oh, nanning kha Zenta hae hanlan awnaw lang phe kae khang vae oh,’ cite kaening kha kaw phe oun pya vae,” cite rawhoyte a ho hae.

LOCCEIHTU 26:23

Messiah nynh a teing lanpaw kha thuasah, a chih hae paw kyate masaty a thoothui cih zah Judah hae te Zenta hae kalan awnaw bya a thaesah lan hae paw kha thuasah minmin nynh a ho hae,” cite a ho.

2 PETER 2:17

Hynh-e hae tuh tui a um leipaw tuisung hae, khisan nynh a mungpaw maeking hae nynh thua hae. Minmin hanlan marae zipaw mohnaw kha zungzae nungpya athua.

2 PETER 2:4

Pawccecize Pachia nynh seinaw a raepaw vaaw hae kha haang khyh hae; hell lungkhu lang sah hae zah byapia khylan nungdete mohnaw sivawrui te a khii hae.

1 JOHAN 1:6

Aening nynh amaw ryte vaeccawkunaw ah hoi oh cite ah ho oh zah mohnaw kya ah um oh ze, ah hyn oh paw thua zah byaccing kya ah hiin khyh oh.

JUDE 1:13

mimaw maethyanaw kha tuiphue hawte a pousahpaw rili tuileih kou rupaw hawte thua hae zah a zou bungthungpaw awsi hae hawte nynh athua hae, tuh-e awsi hae hanlan marae zipaw mohnaw kha zungzae paccynpya athua hae.

JUDE 1:6

Mimaw kawhoinaw lungkhu um leite mih umnaw hmin a cciataw hae paw vaaw hae kha byapia khylan alesaepaw nin kyacia Pachia nynh mohnaw kyakhe zungzae atynpaw sivawrui te phang a khung hae.

BYAPHY 21:24

Khumnaw a muepaw minphuin hae nynh tuh-e khuapi a awnaw kyakhe a pae cih hae; laephi siapharan hae nynh mih phu-enaw kha tuh-e khuapi lungkhu lang a thuakhae cih hae.