JOHAN 7:41 - Zotung Bible 2016

⁴¹ Mingccang hae nynh, “E paw tuh Messiah nynh thua,” a ci hae. Thuasalama abang nynh, “Messiah tuh Galilee kyate yn thua cih zawtou?

JOHAN 7:41 Iomraidhean Croise

JOHAN 1:41

Aning nynh a upaw Simon kha masaty muih zah, “Messiah kha kae muih vae,” a cipya. (Messiah cipaw tuh Khri cipaw nynh thua).

JOHAN 1:46

Nethanal nynh, “Nazareth khua kyate uccaw hoypaw ccangkhakheit a pou kho cih tou?” cite a khung. Filip nynh, “Rang lah yn dotua,” a cipya.

JOHAN 1:49

Nethanal nynh, “Sazae, nang tuh Pachia Ccapaw nynh na thua! Nang tuh Israel Siapharan nynh na thua!” cite a khung.

JOHAN 4:25

Nopinung nynh, “Khri a ci hae paw Messiah tuh yn thua vae cih cipaw ka ny; he yn thua te kaening kha pawpaw balyn pong yn hopah cih,” a cipya.

JOHAN 4:29

“Ka cyi boi paw balyn marya yn hopahpaw ccungccapaw hynh, rang oh lah oun dotua oh! Aning hynh Messiah thua vema?” a cipya hae.

JOHAN 4:42

Minmin nynh nopinung kha, “Nang nynh na hopaw keiccu atu kae zynpaw thua vae khyh; pawccecize kaemaw ccaccei nynh a bya kha kae thae zah, e paw tuh laephi Khumtu ccaccing nynh thua cipaw kae ny,” a cipya hae.

JOHAN 6:69

Nang tuh Pachia kyate yn thuapaw Mi Thyaa nynh na thua cipaw kaening nynh kae zyn zah kae ny,” a cipya.

JOHAN 7:27

Tuhzemah kaening nynh e paw tuh paw kyate yn thuapaw cipaw kae ny; thuasalama Messiah tuh he yn thua te, paw kyate nynh yn thua cipaw hum ccungccaw nynh san nyh lan khyh,” a ci hae.

JOHAN 7:31

Ccungccaw patae nynh amaw kha zyn hae zah, “Messiah tuh he yn thua te, e ccungccapaw nynh a raepaw muihsahnaw laeze alunghua yn rae cih vema?” a ci hae.

JOHAN 7:52

Minmin nynh, “Nang so Galilee paw tou na thuabua? Galilee kyate profeh lu kheit san pou boi khyh cipaw kha ccungtua lah na nyh cih,” cite a khung hae.