JOHAN 7:4 - Zotung Bible 2016

⁴ Pawccecize ccungccaw patae nynh oun nyh hae sah ci a rypaw nynh tuh pawsang mah aphirute cyih boi khyh. Nang nynh e uccaw hae hynh na cyi lan thua ze, laephi ccungccaw hae kalan langku tua,” a cipya hae.

JOHAN 7:4 Iomraidhean Croise

1 SIAPHARAN 22:13

Mikaiah ko lan a cceihpaw locceihtupaw nynh Mikaiah kha, “Dotua, profeh hae nynh siapharan kyakhe bya hoypaw kha phe lokuh lante a hopya hae; nang nynh mah minmin hawte bya hoypaw kha hopah bua,” a cipya.

MATTHAI 23:5

Thuasalama rya a law hae paw balyn kha ccungccaw hae nynh muih hae sah cite leih a law hae. Mih terui kya te mih kuihbaw kya a khiibiaku hae paw Ccathyaa zeikuhpaw bawngtaraw kha kosah hae zah mih angkile adung kha a ccuasaku hae.

MATTHAI 4:6

Te Jesu kha, “Nang tuh Pachia Ccapaw na thua ze toiku tua; pawccecize Ccathyaa kya, ‘Nang te asekuh lante Pachia nynh a vaawccungccaw hae kha kaw a pya cih hae zah, lung kya na ccu na thuhku khyh nawlan minmin nynh mih kuih te ae hoeilang cih hae,’ cite azeikuh,” a cipya.

MATTHAI 6:16

“Looh-ae na sung oh ze, thyaruh hae hawte a ngaethahpaw maesue te la um nan oh; pawccecize minmin tuh looh-ae a sung hae paw kha ccungccaw hae nynh oun nyh hae sah cite mih maesue te a langsaku hae. Byaccaccing kae hopya oh, minmin tuh mih ryalaw mee kha phe mue vae hae.

MATTHAI 6:5

“Te saw na sang vae oh ze thyaruh hae hawte la cyih nan oh; pawccecize minmin tuh sinakok hae kya te laanpi hae atungkunaw kya ccungccaw hae nynh yn muih hae sah cite thadyn lante sawsang a ry hae. Byaccaccing kae hopya oh, minmin tuh mih ryalaw mee kha phe a mue vae hae.

LUKA 6:45

Ccungccaw hoypaw nynh a thinlung kya umpaw sisua bawng kya-e ahoypaw kha a pousah, ccungccaw hoyleipaw nynh a thinlung kya umpaw ahoy leipaw sisua bawng kya-e ahoy leipaw kha a pousah; pawccecize thinlung kya phe abeihpaw kha mung nynh a ho.

JOHAN 18:20

Jesu nynh, “Laephi ccungccaw hae kya alangkuh lante phe ka ho vae; Judah hae nynh leih a tungkunaw hae sinakok hae kya te beikinn kya palei ka ccangpah hae. Aphiruh lante ka ho boi khyh.

JOHAN 7:3

Tukeiccuze a neitaw hae nynh Jesu kha, “Na zuitu hae nynh mah rya na lawpaw kha a muihbua ccaw hae, e kyate toikuh lah Judea pee lang cceih ccavae.

JOHAN 7:5

(Pawccecize amaw a neitaw hae nynh heize amaw kha zyn khyh hae.)