JOHAN 7:12 - Zotung Bible 2016

¹² Amaw te asekuh lante ccungccaw zapi laku kya byalungnaw patae a um; pawccecize ccungccaw abang nynh, “Aning tuh ccungccaw hoypaw nynh thua,” a ci hae. Mingccang hae nynh, “Ccungccaw hoypaw thua khyh, aning nynh ccungccaw hae kha a ling hae,” a ci hae.

JOHAN 7:12 Iomraidhean Croise

MATTHAI 10:25

Siaimua nynh a sazae hawte athua ze azaw vae, see mah a bawipaw hawte athua ze azaw vae. Minmin nynh inn hoitu kha Beelzebul cite a ko hae ze a innbyn hae thathy tuh athah huapaw min te khaw a ko vae cih hae!

MATTHAI 21:46

Minmin nynh Jesu kha kyng lan a ry hae zemah ccungccaw zapi raw kha a rih hae; pawccecize ccungccaw hae nynh Jesu tuh profeh cite a tua hae paw nynh thua.

MATTHAI 27:63

“Bawipaw, e mihynpaw nynh a hiin lyaze, ‘Nin thum koute ka thoothui cih,’ cite a hopaw kha kae syntaw.

LUKA 18:19

Jesu nynh, “Pawccemou kae hynh ahoypaw cite nae ko? Pachia lu kheit laelan ahoypaw hum sanmah um khyh.

LUKA 23:47

Acyihkuhpaw kha rhawbawipaw nynh he a muih tuh Pachia kha thehoysah zah, “Thanccingte, e paw tuh adingpaw ccungccaw nynh thua!” a ci.

LUKA 23:50

Judea ram kya Arimathea khuapaw Josef ci hae paw lu kheit a um. Aning tuh mihoypaw te midingpaw thua zah Pachia peenaw kha ngaehoite a ngawpaw nynh thua, aning tuh kungsi memba lu kheit athua zemah, kungsi memba hae mih khuakhannaw te mih cyisahnaw kha a nawccah leipaw nynh thua.

LUKA 6:45

Ccungccaw hoypaw nynh a thinlung kya umpaw sisua bawng kya-e ahoypaw kha a pousah, ccungccaw hoyleipaw nynh a thinlung kya umpaw ahoy leipaw sisua bawng kya-e ahoy leipaw kha a pousah; pawccecize thinlung kya phe abeihpaw kha mung nynh a ho.

LUKA 7:16

Mih balynte mih rikawthua zah Pachia kha the a hoysah hae. Abang nynh, “Aening laku alesaepaw profeh nynh yn langkuh vae! Pachia nynh a ccungccaw hae kha a bawm vae hae!” a ci hae.

JOHAN 6:14

Jesu nynh a raepaw muihsahnaw kha tuh-e ccungccaw hae nynh he a muih hae tuh, “E paw tuh lae vawlan yn thua cih a ci hae paw profeh ccaccing nynh thua,” a ci hae.

JOHAN 7:32

Ccungccaw hae nynh Jesu konglang tuhte palei a hoku hae paw kha Farasi hae nynh a thae hae; tetuh Farasi hae te ranpibawi lepaw hae nynh amaw kha kyng khylan beikinn ngawtu hae kha a saw hae.

JOHAN 7:47

Farasi hae nynh, “Nanning so phe ae lingbua vae oh tou?

JOHAN 7:52

Minmin nynh, “Nang so Galilee paw tou na thuabua? Galilee kyate profeh lu kheit san pou boi khyh cipaw kha ccungtua lah na nyh cih,” cite a khung hae.

JOHAN 9:16

Tukeiccuze Farasi hae abang nynh, “Tuh-e ccungccapaw tuh Pachia kyate yn thuapaw thua khyh, pawccecize sabbath nin kha sung khyh,” a ci hae. Mingccang hae nynh, “Pawcihtemou miseipaw lu kheit nynh hynhcihawpaw muihsahnaw tuh a rae kho cih?” a ci hae. Te minmin laku kya phiakunaw a um.

LOCCEIHTU 11:24

pawccecize Barnabas tuh ccungccaw hoypaw thua zah Thyaa Muisaw te thuasah, zynnaw te thuasah phe beihpaw nynh thua. Ccungccaw patae kha Bawipaw kalan a thuakhae hae.

Romans 5:7

Adingpaw ccungccaw hanlan a chipah cih paw ccungccaw kou akhin cih, tuhzemah ccungccaw hoypaw hanlan a chih nganpaw poh um ccamah ny lei.

FILIPI 2:14

Ccohku leite, eiku leite pawpaw balyn kha cyih oh,