JOHAN 7:1 - Zotung Bible 2016

¹ Tukoute Jesu tuh Galilee pee kya khua a ccong; pawccecize Judah hae nynh chia lan a ccung hae keiccuze Judea pee kya khuaccong ry khyh.

JOHAN 7:1 Iomraidhean Croise

MATTHAI 10:23

Khua khuakheit kya ae tuaa ae sah oh ze, khua ccanglang la ccue oh; pawccecize byaccaccing kae hopya oh, Ccungccaw Ccapaw yn thua maw nanning nynh Israel khua miakaw kalan na cceih kou lan khyh oh.

MATTHAI 21:38

Thuasalama khokhu a hohtu hae nynh a ccapaw kha he a muih hae tuh, ‘E paw hynh rhoccoutu nynh thua, rang oh, amaw hynh theih oh sih lah a rho kha lawkuh oh sih’ cite a hoku hae.

MARKA 11:18

Kawbya sazae hae te ranpibawi lepaw hae nynh he a thae hae tuh Jesu chianaw laanpi kha a ccung hae; pawccecize ccungccaw balyn nynh a ccangpyanaw kha mih ngaeangthua keiccuze minmin nynh amaw raw a rih hae.

JOHAN 1:19

Judah hae nynh, “Nang hynh hummou?” cite Johan kha khia khylan Jerusalem kyate ranpibawi hae te Levi hae kha a saw lya hae ze Johan nynh hynhte ccaekia a khan.

JOHAN 4:3

Judea pee kha cciataw zah Galilee ram lang a ki.

JOHAN 4:54

E tuh Jesu nynh Judea pee kyate Galilee pee lang a thua koute bua a raepaw vaeningnaw muihsahnaw nynh thua.

JOHAN 6:1

Tukoute Jesu tuh Tiberias Rili a ci hae paw Galilee Rili khuraw lang a zua.

JOHAN 7:11

Judah hae nynh poi kya amaw kha ccung hae zah, “Jesu tuh teimou a um?” a ci hae.

JOHAN 7:13

Tuhzemah Judah hae raw a ri hae keiccuze hum nynh sanmah amaw kong kha alangkuh lante ho ngan khyh hae.

JOHAN 7:19

“Moses nynh nanning kha kawbya ae pya khyh oh tou? Tuhzemah hum nynh san kawbya kha na zui khyh oh? Pawccemou kae hynh chia lan nae ccung oh?” a cipya hae.

JOHAN 7:25

Jerusalem khua e ccungccaw abang nynh, “E paw tuh minmin nynh chia lan cite a ccung hae paw kha thua khyh tou?

JOHAN 7:35

Judah hae nynh, “Aening nynh ah muih leinaw lang oh aning tuh teilangmou a cceih cih? Grik hae laku um hae paw a phiakuh hae paw Judah hae kalan a cceih cih zah Grik hae kha a ccangpah cih hae tou?

JOHAN 8:37

Abraham ciihan nynh na thua oh cipaw tuh ka ny; thuasalama ka bya tuh nae kya umnaw a hoi khyh keiccuze kae kha chia lan nae paccynnuaku oh.

JOHAN 8:40

Atu tuh Pachia kya-e ka thaepaw byaccing kha nanning kae hopah oh paw kamaw hynh chia lan na zuaku oh; Abraham tuh hynhte cyih khyh.

LOCCEIHTU 10:38

Tuh-e tuh: Pachia nynh Thyaa Muisaw te thuasah, thungnaw te thuasah Nazareth khuapaw Jesu kha chitui a thuh; Pachia nynh a umkhae keiccuze aning tuh ahoypaw rya kha lah zah, Satan nynh vawsaw a pya hae paw balyn kha dansah te khua a ccong cipaw na ny oh.