JOHAN 6:5 - Zotung Bible 2016

⁵ Jesu nynh ngawdo zah amaw kalan oun cceih hae paw ccungccaw zapi kha he a muih tuh Filip kha, “E ccungccaw hae nynh a ae lan hae paw sanlou kha teilangmou ah re cih oh?” a cipya.

JOHAN 6:5 Iomraidhean Croise

NAMBAR 11:13

E ccungccaw balyn kalan pya lanpaw saw kha tei e mou ka lah cih? Pawccecize minmin nynh raw biate kamaw kalan oun cceih hae zah, ‘Ae lanpaw saw oun pya!’ a ci hae.

MATTHAI 15:33

A zuitu hae nynh, “Hynhzeih ccungccaw zapi dang lanpaw looh tuh phe zaw lan ramkaw kyahin paw kyate mou kae mue cih?” a ci hae.

MARKA 6:32

Te minmin tuh mih makhaete ccungccaw adaenaw lang kohlung te a cceih hae.

LUKA 9:10

Locceihtu hae nynh he oun ki hae te, a cyi hae paw balyn kha Jesu a hopya hae. Jesu nynh minmin kha ko hae zah Bethsaida a ci hae paw khua langkhe mimaw lalouhte a cceih hae.

JOHAN 1:43

Awkhualan Jesu tuh Galilee pee lang ccia lan a paccynkuh. Filip kha muih zah, “Yn zui,” a cipya.

JOHAN 1:44

Filip tuh Andru te Peter hae khua athuapaw Bethsaida khuapaw nynh thua.

JOHAN 1:45

Filip nynh Nethanal kha muih zah, “Moses nynh Kawbya ccauh kya a konglang a zeipaw te profeh hae nynh mah a konglang a zei hae paw kha kaening nynh kae muih vae; aning tuh Josef ccapaw Jesu, Nazareth khuapaw nynh thua,” a cipya.

JOHAN 1:46

Nethanal nynh, “Nazareth khua kyate uccaw hoypaw ccangkhakheit a pou kho cih tou?” cite a khung. Filip nynh, “Rang lah yn dotua,” a cipya.

JOHAN 1:48

Nethanal nynh, “Pawtemou kae hynh nae ny?” cite a khia. Jesu nynh, “Filip nynh ae ko maw, thaeku ku kaw na um lya kha phe kae muih vae,” a cipya.

JOHAN 4:35

‘Sawpaw sah pali a um ung, tukoute loohrue ccyh yn thua vae cih,’ na ci oh. Thuasalama nanning kae hopya oh, loo hae hynh hoyte dotua oh, looh tuh phe voi vae zah rue ccyh azaw vae!