JOHAN 5:9 - Zotung Bible 2016

⁹ Vaekheihmawte ccungccapaw tuh a dan, a iphae kha lawkuh zah a cceih vae. Tuh-e nin tuh sabbath nin nynh thua.

JOHAN 5:9 Iomraidhean Croise

ISAIAH 35:6

ccukhou hae nynh sazuh hawte a thohkuh cih hae, byahothya lei hae paw nynh lungtuate hlaw a sah cih hae. Pawccecize ramkaw kya tuidy apou cih zah, laesia ram kya vaw alua cih;

JEREMIAH 17:21

Bawipaw nynh hynhte a ho: Nae hiinnaw hanlan, nanning nynh sabbath nin kya uccaw na phu khyh nawlan oh te Jerusalem koikua kyate na teekhae khyh nawlan oh raeringkuh oh.

MARKA 1:31

Jesu nynh cceih zah a kuih te kyng zah a tho, te a ngesaw lingpaw tuh vaekheihmawte phe dan zah minmin elang rya a lawpah vae hae.

MARKA 1:42

Tuhte a ho koute vaekheihmawte vaethya ccinaw tuh thyaa zah aning tuh a dan vae.

MARKA 10:52

Jesu nynh, “La cceih ccavae, na zynnaw nynh ae dansah vae,” a cipya. Vaekheihmawte ngawmuih zah laanpi kya Jesu kha a zui vae.

MARKA 5:29

Nopinung tuh vaekheihmawte a chii luapaw tuh phe akan, a pyn kya tuh-e ccinaw kyate ka dan vae cipaw a nyku.

JOHAN 5:14

Tukoute Jesu nynh tuh-e paw tuh beikinn kya muih zah, “Dotua, nang tuh phe na dan vae! Na tungvaw kya houh athah huapaw uccaw a thua khyh nawlan la sei nan vae,” a cipya.

JOHAN 7:23

Moses Kawbya tuh ro athua khyh nawlan ccungccapaw lu kheit tuh sabbath nin kya vingdung a awku lanze, kae nynh sabbath nin kya ccungccaw lu kheit ka dansah keiccu tou ka tungvaw nae thinria?

JOHAN 9:14

Jesu nynh tuiccua kha rae zah tuh-e paw mit a awsah lya tuh sabbath nin nynh thua.