JOHAN 5:4 - Zotung Bible 2016

⁴ Pawccecize vaawpaw nynh ccyhkhakheit kya kuaa lungkhu lang rungbung zah tui kha a piasah; tuhte tui he a pia koute masaty a phungkuhpaw tuh a ccinaw kha phe a dan.

JOHAN 5:4 Iomraidhean Croise

2 SIAPHARAN 5:10

Elisha nynh Namaan kalan locceihtupaw kha saw zah, “La cceih lah, Jordan vaw kya vae sari tui la singkuh, te na ngesaw tuh amaw mamin lang a tang cih zah na thyaa cih,” cite a hosah pya.

The Psalms 119:60

Na kawbya zui lan ka rangsakuh zah ka thysung khyh.

PHUNGTANGBYA 6:4

Na mit kha isah nan lah, na mit masite na ithua nan sah;

PHUNGTANGBYA 8:17

Yn sungsah hae paw kha ka sungsah hae zah, zuakute yn ccung hae paw tuh yn muih hae.

PHUNGHOTU 9:10

Na law lanpaw ryalaw miakaw kha na thawzung balyn te lawtua; pawccecize na cceih cihnaw Sheol kya tuh ryalaw, tuanaw, nynaw te hawnaw um vae khyh.

EZEKIEL 47:8

Aning nynh kae kha, “E tui hynh nithua lang lua zah Arabah lang aluabung; te rili kya he apyakuh te, a-yhkuhpaw rili tuh tui thawpaw lang a tang cih.

HOSEA 13:13

Neitangia ccinaw nynh aning kha a thuanua vae, thuasalama aning tuh angaeepaw ccapaw nynh thua; pui azaw ccyh lya a nung vue kyate a pui leipaw imua hawte nynh athua.

ZEKHARIAH 13:1

Tuin nin khe David ciihan te Jerusalem khuaccaaw hae mih seinaw te mih nungsikunaw kha ccikan nawlan tuidy ccangkheit aphyh cih.

ZEKHARIAH 14:8

Tuin nin vae tuh Jerusalem kyate hiinnaw tui apou cih, tuh-e tui angankuh tuh nithua lang e rili kalan alua cih zah, angankuh tuh niccaw lang e rili kalan alua cih; hawnin te khuaccih kya po alua cih.

MATTHAI 11:12

Baptisma pyatu Johan ccyh kyate tho zah atu cia vaawlang peenaw tuh doukunaw teing zah a doutu hae nynh nangsete a lawkude hae.

MATTHAI 6:33

Pachia peenaw te a dingnaw kha masaty ccung oh, te hynh-e uccaw hae balyn kha pyachih na thua cih oh.

LUKA 13:24

“Abypaw koikua kyate tee lan zuakuh oh; pawccecize, kae hopya oh, ccungccaw patae nynh tuh-e kya tee lan oun zuakuh cih hae zah tee kho lan khyh hae.

LUKA 16:16

“Kawbya te profeh hae ccauh tuh baptisma pyatu Johan kyacia hanlan nynh thua. Johan ccyh kyate vae tuh Pachia peenaw thehoypaw kha ho thua vae zah ccungccaw miakaw nynh tuh-e peenaw lungkhu lang thawte a tee vae hae.

JOHAN 5:3

Tuh-e bu hae kyatuin a mitmohpaw, a ccukhoupaw, kuihccuchih hae paw te ccinaw hoipaw ccungccaw patae nynh tui yn theku lanpaw kha ngawte a huekuh hae.

JOHAN 5:5

Sung thum kum tarya cia a ccihpaw lu kheit tuh tuin kya a la um.

JOHAN 5:7

Ngeccihpaw nynh, “Bawipaw, tui he yn pia vae ze kuaa lungkhu lang yn phungbua lanpaw ccungccaw ka hoi khyh, he ka ccia lyakhe mingccangpaw nynh ka malang te phe leih a phungku,” cite a khung.

1 KORIN 6:11

Nanning kyaze abang tuh khahcihaw hae paw nynh na la thua oh. Thuasalama Bawipaw Jesu Khri min liate thuasah, ah Pachia Muisaw liate thuasah nanning tuh singpya na thua vae oh, thyaasah na thua vae oh zah thyaaccousah na thua vae oh.

1 JOHAN 1:7

Thuasalama Pachia tuh awnaw kya a um hawte, aening nynh awnaw kya ah um oh ze, aening tuh lu kheit te lu kheit vaeccawkunaw ah hoi oh zah, a Ccapaw Jesu Khri chiise nynh seinaw balyn kyate oun thyaasah.