JOHAN 5:16 - Zotung Bible 2016

¹⁶ Tuh-e tuh sabbath nin kya a cyi keiccuze Judah hae nynh Jesu kha a tuaa a sah hae.

JOHAN 5:16 Iomraidhean Croise

MATTHAI 12:13

Te Jesu nynh ccungccapaw kha, “Na kuih dyngtua,” a cipya. Aning nynh a kuih kha dyng zah voihawlang kuih hawte a dan vae.

MARKA 3:6

Te Farasi hae tuh pou hae zah Jesu kha pawtemou chia lan cipaw tuh Herod ccungccaw hae ryte palou khua a khanku hae.

LUKA 6:11

Minmin tuh myarya mih thinria zah Jesu kha pawtemou cyi lan cipaw a hoku hae.

JOHAN 1:19

Judah hae nynh, “Nang hynh hummou?” cite Johan kha khia khylan Jerusalem kyate ranpibawi hae te Levi hae kha a saw lya hae ze Johan nynh hynhte ccaekia a khan.

JOHAN 10:39

Tukeiccuze Jesu kha kyng lan bua a zuaku hae, thuasalama mih kuih kyate phe a lue.

JOHAN 15:20

‘See tuh a bawipaw laeze lehua khyh,’ cite kae hopya oh paw ka bya kha liathui oh. Minmin nynh kae hynh vawsaw yn pya hae ze nanning kha mah vawsaw ae pya cih oh; minmin nynh ka bya kha a ngae hae ze nae bya kha mah a ngae cih hae.

JOHAN 5:10

Tukeiccuze Judah hae nynh dannaw a muetupaw kha, “Sabbath nin nynh thua, na iphae lawku lan ccan khyh,” a cipya hae.

JOHAN 5:13

Dannaw a muetupaw nynh Jesu kha hum nynh thua cipaw nyh khyh; pawccecize tuin kya ccungccaw patae um hae zah Jesu tuh zya a pou vae.

JOHAN 5:15

Tuh-e paw nynh cceih zah amaw a dansahpaw tuh Jesu nynh thua cite Judah hae kha a hopya hae.

JOHAN 5:17

Thuasalama Jesu nynh minmin kha, “Ka Paaw tuh atu cia ryalah zah kae mah rya ka lah,” cite a khung hae.

JOHAN 5:18

E kong keiccuze Judah hae nynh amaw kha chia lan cite houh a nounuaku hae, pawccecize aning nynh sabbath nin a ro kyalya thua leite Pachia kha mah ka Paaw ci zah tuhte amaw te amaw kha Pachia te a ngingsaku, a ci hae.

JOHAN 7:21

Jesu nynh, “Kae nynh ryalaw ccangkheit ka lah zah nae balynte nae ngaeangthua.

JOHAN 7:25

Jerusalem khua e ccungccaw abang nynh, “E paw tuh minmin nynh chia lan cite a ccung hae paw kha thua khyh tou?