JOHAN 5:10 - Zotung Bible 2016

¹⁰ Tukeiccuze Judah hae nynh dannaw a muetupaw kha, “Sabbath nin nynh thua, na iphae lawku lan ccan khyh,” a cipya hae.

JOHAN 5:10 Iomraidhean Croise

ISAIAH 58:13

Nang nynh sabbath nin kha thethyasah leite, athyaapaw ka nin kyakhe namaw rynaw kha zui leite, sabbath nin kha lungrythua lan umpaw nin, sawtua lan umpaw Bawipaw nin athyaapaw cite na ko ze thuasah, namaw rynaw kalan ccia leite, namaw rynaw kha zui leite, namaw pekipaw kha cyi leite, sabbath nin kha saw na tua ze thuasah

JEREMIAH 17:21

Bawipaw nynh hynhte a ho: Nae hiinnaw hanlan, nanning nynh sabbath nin kya uccaw na phu khyh nawlan oh te Jerusalem koikua kyate na teekhae khyh nawlan oh raeringkuh oh.

JEREMIAH 17:27

Thuasalama ka bya na ngae khyh oh zah, sabbath nin thyaasah lanpaw te sabbath nin kya Jerusalem koikua hae kyate uccaw phute teekhae lei lanpaw ka bya kha na ngae khyh oh zetuh, tuh-e khua koikua kyakhe maee ka ruasah cih; tuh-e maee nynh Jerusalem khua e siapharan inn hae kha khaleih a u cih zah, tuh-e maee tuh the thua lan khyh.

MATTHAI 12:10

Tuin kyakhe a kuih voihawlang achihpaw ccungccapaw lu kheit a la um. Minmin nynh Jesu kha a seinaw kae kyngpya ccaw cite, “Sabbath nin kya dansah lan kawbya nynh a ua tou?” cite a khia hae.

MARKA 2:24

Farasi hae nynh Jesu kha, “Dotua, pawccemou sabbath nin kya kawbya nynh a kheepaw kha minmin nynh a cyi hae?” cite a khia hae.

MARKA 3:4

Tukoute Jesu nynh minmin kha, “Sabbath nin kya ahoypaw cyi lan kawbya nynh a ua tou? Tuhkhyhze ahoy leipaw cyi lan tou a ua? Hiinnaw kha so khum lan a ua tou? Tuhkhyhze chia lan tou a ua?” cite a khia hae. Thuasalama minmin tuh yccae khyh hae.

LUKA 13:14

Tuhte Jesu nynh sabbath nin kya a dansah keiccuze sinakok uktupaw nynh a thinria zah ccungccaw hae kyakhe, “Ryalaw lawku nin nintaruh a um, tuh-e nin hae kyakhe oun cceih oh lah dannaw mue oh, sabbath nin kya tuh mue nan oh,” a cipya hae.

LUKA 23:56

Minmin tuh ki hae zah amynkhuhpaw te zimuin kha a paccyn hae. Sabbath nin kya tuh kawbya thyhte a haeung hae.

LUKA 6:2

Farasi hae abang nynh minmin kha, “Sabbath nin kya kawbya nynh cyi lan a ua leipaw kha pawccemou na cyi oh?” a cipya hae.

JOHAN 1:19

Judah hae nynh, “Nang hynh hummou?” cite Johan kha khia khylan Jerusalem kyate ranpibawi hae te Levi hae kha a saw lya hae ze Johan nynh hynhte ccaekia a khan.

JOHAN 5:11

Thuasalama aning nynh, “Kae yn dansahtupaw nynh, ‘Na iphae kha lawkuh lah cceih ccavae,’ yn cipya,” cite a khung hae.

JOHAN 5:15

Tuh-e paw nynh cceih zah amaw a dansahpaw tuh Jesu nynh thua cite Judah hae kha a hopya hae.

JOHAN 5:16

Tuh-e tuh sabbath nin kya a cyi keiccuze Judah hae nynh Jesu kha a tuaa a sah hae.

JOHAN 7:23

Moses Kawbya tuh ro athua khyh nawlan ccungccapaw lu kheit tuh sabbath nin kya vingdung a awku lanze, kae nynh sabbath nin kya ccungccaw lu kheit ka dansah keiccu tou ka tungvaw nae thinria?

JOHAN 9:16

Tukeiccuze Farasi hae abang nynh, “Tuh-e ccungccapaw tuh Pachia kyate yn thuapaw thua khyh, pawccecize sabbath nin kha sung khyh,” a ci hae. Mingccang hae nynh, “Pawcihtemou miseipaw lu kheit nynh hynhcihawpaw muihsahnaw tuh a rae kho cih?” a ci hae. Te minmin laku kya phiakunaw a um.