JOHAN 4:9 - Zotung Bible 2016

⁹ Samarianung nynh, “Nang tuh Judah paw na thua zah kae tuh Samarianung nynh ka thua, pawccemou tui nia lanpaw nae ngiaku?” a cipya. (Pawccecize Judah hae tuh Samaria hae te ccuepekuh khyh hae.)

JOHAN 4:9 Iomraidhean Croise

MATTHAI 10:5

E lu haw lae ning hynh Jesu nynh saw hae zah hynhte kaw a pya hae: “Zenta hae ram lang la cceih nan oh, Samaria hae khua lang mah la tee nan oh.

LUKA 10:33

Thuasalama Samariapaw lu kheit tuh khuaccong zah tuh-e paw umnaw kya a thua te he a muih tuh ngaethya a umsah.

JOHAN 4:27

Tuh ccyh lyakhe a zuitu hae oun thua hae zah nopinung ryte bya a hoku hae paw kha mih ngaeangthua. Tuhzemah hum nynh sanmah, “Pawmou na peki? Pawccemou hynh-e nung te bya na hoku oh?” cite khia khyh hae.

JOHAN 8:48

Judah hae nynh Jesu kha, “Nang tuh Samariapaw na thua zah raerangsaro bahkuhpaw nynh na thua cipaw hmerarih lan kae hopah khyh tou?” a cipya hae.

LOCCEIHTU 1:8

Thuasalama nae tungvaw Thyaa Muisaw he yn thua te, thungnaw huhan kha nae mue cih oh zah, Jerusalem khua, Judea ram balyn, Samaria ram te laephi adianaw kyacia ka ccaekia na thua cih oh,” a cipya hae.

LOCCEIHTU 10:28

Peter nynh, “Judah ccungccaw lu kheit nynh Zentapaw kalan paebua lanpaw te vaeccawku lanpaw tuh aphung thua khyh cipaw na ny oh; thuasalama hum ccungccaw kha sanmah anungsikuhpaw te athyaa leipaw cite ka ci vae khyh nawlan Pachia nynh yn muihsah vae.

LOCCEIHTU 10:32

Tukeiccuze Joppa khua lang ccungccaw saw lah Peter a ci hae paw Simon kha kokuh; aning tuh rili kin kya saphua uccaw a raetupaw Simon inn kya nynh a thua,’ yn cipya.