JOHAN 4:34 - Zotung Bible 2016

³⁴ Jesu nynh minmin kha, “Ka looh tuh kae yn sawtupaw rynaw cyi lanpaw te a ryalaw thangsah lanpaw hynh nynh thua.

JOHAN 4:34 Iomraidhean Croise

JOB 23:12

A mung kyate a poupaw kawbya kha ka vua khyh; a hopaw bya kha ka by kya ka ccykeku.

The Psalms 40:8

Pou ka Pachia, na rynaw rae tuh ka lungrythuakhaekuh; na ccangpyanaw tuh ka thinlung kya a um,” cite kae khung.

MATTHAI 26:39

Te takyh asawnaw lang a cceih koute laekhu kya bakhung zah, “Pou ka Paaw, athua kho ze e banang nynh kae hynh yn kawtaw sah; thuasalama kae ka ry hawte thua nan sah, na ry hawte thua sah,” cite saw a sang.

MATTHAI 3:15

Thuasalama Jesu nynh, “Atu tuh hynhcite cyihkuh hin sah, pawccecize dingnaw balyn marya accing nawlan aening nynh hynhcimawte cyi lanpaw nynh thua,” a cipya. Tetuh Johan tuh a nawccah.

MATTHAI 9:19

Jesu nynh thokuh zah tuh-e paw tuh a zui, a zuitu hae mah a zuikuh bua hae.

LUKA 15:10

Tuhawte, kae hopya oh, a ngaesikuhpaw misei lu kheit hanlan Pachia kya-e vaaw hae tuh mih lungtua,” a cipya hae.

LUKA 19:10

Pawccecize Ccungccaw Ccapaw tuh azopaw ccung khylan te khum khylan nynh yn thua,” a ci.

LUKA 2:49

Jesu nynh minmin kha, “Pawccemou nae ccung oh? Ka Paaw inn kya ka um lanpaw nynh ka thua cipaw na nyh khyh oh tou?” a cipya hae.

JOHAN 17:4

Law lan nae pyapaw rya kha thangsahte, laephi vaw kya na phu-enaw kha ka langsah vae.

JOHAN 19:28

Tukoute Jesu nynh atu tuh pawpaw balyn marya accing vae cipaw nyh zah, Ccathyaa kya a umpaw kha accing nawlan, “Tui ka haw,” a ci.

JOHAN 19:30

Jesu nynh misutui ariapaw kha a neih koute, “Athang vae,” a ci; tukoute a lu ting zah a hy athang.

JOHAN 4:32

Thuasalama Jesu nynh minmin kha, “Nanning nynh na ny lei oh paw ae lanpaw looh ka hoi,” a cipya hae.

JOHAN 5:30

“Kae tuh kamaw kaw te pawsang ka cyih kho khyh. Ka thae thyhte bya ka pia; ka byapianaw tuh ahme, pawccecize kamaw rynaw kha ka ccung khyh, kae yn sawtupaw a rynaw kha nynh ka ccung.

JOHAN 5:36

Thuasalama kae tuh Johan kya-e laeze ale huapaw ccaekia ka hoi; phe thang lan law lan cite Paaw nynh yn pyapaw ryalaw hae kha kae nynh ka law, tuh-e ryalaw hae nynh kae tuh Paaw nynh a sawpaw cipaw kha ccaekia a khan hae.

JOHAN 6:33

Pawccecize Pachia kya-e sanlou tuh vaawlang te yn rungbung zah laephi ccungccaw hae kalan hiinnaw a pyatupaw nynh thua,” a cipya hae.

JOHAN 6:38

Pawccecize kae tuh kamaw rynaw kha cyi khylan vaawlang te kae rungbung khyh, kae yn sawtupaw rynaw cyi khylan nynh kae rungbung.

JOHAN 8:29

Kae yn sawtupaw tuh ka kya um zah ka makhaete yn cciataw boi khyh, pawccecize a lungrypaw kyalya kha kae nynh ka cyi,” a cipya hae.

LOCCEIHTU 20:35

Tuhcite atyn-are kya thawte ryalaw lan zah anyaa hae paw kha bawm lan hae cipaw tuh marya kae muihsah vae oh; Bawi Jesu nynh, ‘Muenaw kya laeze pyanaw kya hythuanaw a umhua,’ a cipaw bya kha la liathui oh,” cite a hopya hae.

HEBRU 12:2

Aening zynnaw a thotu te a ccingsahtupaw Jesu kha riri dote ccue oh sih. Aning tuh maethyanaw kha pawlangria leite amaw malang nungpya athuapaw lungtuanaw hanlan vaelantung kya teingnaw kha ngaesang zah Pachia kya-e bawitungkhung ranglang khe a dahung vae.