JOHAN 4:3 - Zotung Bible 2016

³ Judea pee kha cciataw zah Galilee ram lang a ki.

JOHAN 4:3 Iomraidhean Croise

MATTHAI 10:23

Khua khuakheit kya ae tuaa ae sah oh ze, khua ccanglang la ccue oh; pawccecize byaccaccing kae hopya oh, Ccungccaw Ccapaw yn thua maw nanning nynh Israel khua miakaw kalan na cceih kou lan khyh oh.

MARKA 3:7

Jesu te a zuitu hae tuh rili kalan cceih hae zah Galilee pee um hae paw ccungccaw patae nynh amaw kha a zui hae;

LUKA 17:11

Jesu tuh Jerusalem lang a ccia lyakhe Samaria te Galilee laku kyate po a cceih.

JOHAN 1:43

Awkhualan Jesu tuh Galilee pee lang ccia lan a paccynkuh. Filip kha muih zah, “Yn zui,” a cipya.

JOHAN 10:40

Jesu tuh Jordan vaw khuraw lang, Johan nynh baptisma a pyanaw langkhe bua cceih zah tuin kya a um.

JOHAN 11:54

Tukeiccuze Jesu tuh Judah hae laku alangkuh lante cceih vae khyh, tuin kyate pou zah ramkaw te anaekunaw Efraim a ci hae paw khua lang a cceih; tuin kyakhe a zuitu hae ryte a um hae.

JOHAN 2:11

Jesu nynh a raepaw ngaeangnaw hae kyaze masaty a raepaw hynh-e ngaeangnaw hynh Galilee pee Kana khua kya rae zah a phu-enaw kha a langsahpya hae, te a zuitu hae nynh amaw kha a zyn hae.

JOHAN 3:22

Tukoute Jesu te a zuitu hae tuh Judea ram lang cceih hae zah, tuin kyakhe minmin ryte sosoh um hae zah ccungccaw hae kha baptisma a pya hae.

JOHAN 3:32

Aning nynh a muihpaw te a thaepaw kha ccaekia a khan zemah hum nynh sanmah tuh-e ccaekia a khanpaw tuh lehkhan khyh hae.

JOHAN 4:47

Tuh-e paw nynh Judea pee kyate Galilee pee lungkhu lang Jesu yn thua cipaw he a thae tuh, a kalan cceih zah vyavya chihpaw a ccapaw kha ccianuate a dansah nawlan thawte a ngia.

JOHAN 7:1

Tukoute Jesu tuh Galilee pee kya khua a ccong; pawccecize Judah hae nynh chia lan a ccung hae keiccuze Judea pee kya khuaccong ry khyh.