JOHAN 4:23 - Zotung Bible 2016

²³ Thuasalama Pachia a beik ccaccing hae paw nynh Paaw kha muisaw te thuasah, byaccing te thuasah oun beik hae ccyh yn thua cih, tuh-e ccyh tuh atumaw yn thua vae. Pawccecize Paaw nynh khahcihawpaw ccungccaw hae kha amaw a beiktu lang a ccung hae.

JOHAN 4:23 Iomraidhean Croise

1 SHERIANAW 29:17

Ka Pachia, nang tuh thinlung kha na syntawtua zah dingnaw kyakhe na lungrythua; ka thinlung dingnaw khate hynh-e uccaw balyn hynh lungthote kae pya, atu hein kya umpaw na ccungccaw hae nynh lungthote lungpawte ae pya hae paw kha ka muih vae.

The Psalms 147:11

thuasalama Bawipaw tuh amaw rawrih hae paw te atynpaw a sungsahnaw kha a ngaehoikuh hae paw kyakhe nynh a lungrythua.

The Psalms 17:1

Pou Bawipaw , adingpaw kae ngianaw hynh ngaetua; ka siaruanaw hynh yn thaepya tua; hynpaw bya athua leipaw ka sawsangnaw hynh yn ngaepya tua.

The Psalms 32:2

Bawipaw nynh na sei khyh a cipaw, a thinlung kya lingnaw a um leipaw ccungccaw tuh lungtuapaw nynh thua.

The Psalms 51:6

Adingpaw thinlung kha na ry, tukeiccuze ka thinlung kya hawnaw kha yn ccangpya tua.

PHUNGTANGBYA 15:8

Ccungccaw hoylei hae paw silawnaw tuh Bawipaw hanlan anungsikuh. Thuasalama miding hae sawsangnaw kha tuh a lungrythua.

SOLOMON HLAW 2:14

Muihthya um leinaw lungkarung kya, chiapi lung hae laku kya-e ka vahu, na mitmae beih yn muihsakuh, na roi beih yn thaesah; pawccecize na roi tuh ngae ry um zah, na mitmae tuh sungsah lan kou um.

ISAIAH 10:20

Tuin nin vae tuh a laehypaw Israel hae te ahiinhypaw Jakob ciihan hae nynh minmin a la rohtu hae kha doliaku vae leite, Bawipaw , Israel Pachia Athyaapaw kha thanccingte a doliakuh vae cih hae.

ISAIAH 29:13

Bawipaw nynh, “E ccungccaw hae nynh mih khalang te ka kalan naekuh hae zah, mih munglae te saw oun tua hae, mih thinlung tuh ka kyate asawkuh, minmin nynh kae yn beiknaw hae paw tuh ciakute a ccangku hae paw ccungccaw kawbya kha nynh thua;

ISAIAH 43:21

Kamaw hanlan ka raekupaw tuh-e minphuin nynh kamaw thehoysahnaw kha a siakhae cih.

ISAIAH 58:2

Minmin nynh kae kha nin takyh yn ccung hae zah, ka laanpi ny kha mih lungrythuakhaekuh, dingnaw a raepaw minphuin thua hae zah, mih Pachia phungzae kha vua khyh hae; adingpaw byapianaw kha yn ngia hae zah, Pachia kalan naeku kha mih lungrythua.

JEREMIAH 3:10

E hae balyn koute mah a lungzi leinung a neitawnung Judah tuh a thinlung balyn te ka kalan ki leite, cyisakunynte nynh yn ki, cite Bawipaw nynh a ci.

JEREMIAH 4:2

“Bawipaw tuh a hiin thyhte!” cite byaccing te, byading te dingnaw khate bya na kinku ze thuasah minphuin hae tuh tuh-e Pachia liate hythua a ccou cih hae zah, tuh-e Pachia liate a pookuh cih hae, a ci.

EZEKIEL 22:30

Ram kha ka ro khyh nawlan, khualungrua a raethui cih paw te ating vae paw khualungrua kya ram ccelang ka malang a thadyn cih paw kha ka ccung zah lu kheit sanmah ka muih khyh.

JOHAN 1:17

Pawccecize kawbya tuh Moses liate pya athua, thawccinaw te byaccing tuh Jesu Khri liate nynh yn thua.

JOHAN 12:23

Jesu nynh minmin kyakhe, “Ccungccaw Ccapaw nynh phu-enaw a mue ccyh athua vae.

JOHAN 16:2

Minmin nynh nanning kha sinakok kyate ae dee cih oh; nanning ae theih oh paw ccungccaw nynh Pachia rya nynh ka law cite a tuaku ccyh tuh yn thua vae cih.

JOHAN 16:32

Nae balynte nae umnaw raveih lang nae phiakuh cih oh zah, ka makhaete nae cciataw oh ccyh yn thua cih, atumaw yn thua vae; tuhzemah kae tuh ka makhae thua khyh, pawccecize ka Paaw nynh kae kha yn umkhae.

JOHAN 4:21

Jesu nynh, “Nopinung, kae hynh yn zyn, nanning nynh hynh-e mua vawlan thua leite, Jerusalem kya mah thua leite Paaw kha nae beik ccyh oh yn thua cih.

JOHAN 5:25

“Byaccaccing kae hopya oh, a chih hae paw nynh Pachia Ccapaw roi oun thae cih hae zah roi a thae hae paw nynh oun hiinnaw hae ccyh tuh yn thua cih, tuh-e ccyh tuh atu mah a thua vae.

JOHAN 5:28

E konglang hynh nae ngaeangthua nan sah; pawccecize shaw hae kya a um hae paw balyn nynh a roi oun thaenaw hae ccyh yn thua cih,

Romans 1:9

A Ccapaw kya-e thehoypaw kha hote ka thinlung balyn te rya ka lawpyapaw Pachia tuh ka sawsangnaw kya nanning kha zungzae kae lia oh cipaw a nyhtu ka ccaekia nynh thua.

Romans 8:15

Pawccecize nanning nynh bua a rihthyapaw see thinlung kha Pachia kyate mue leite, ccaaw thinlung kha nynh na mue oh. “Ka Paaw! Ka Paaw!” cite aening nynh ah sia vae oh ze,

Romans 8:26

Tuhawte aening ah thawzyanaw kya Muisaw nynh oun bawm; pawccecize aening nynh pawtemou sawsang lan accan cipaw kha ah nyh khyh oh; thuasalama bya te ho kho leipaw hawkhaekunaw khate Muisaw amaw ccaccei nynh aening hanlan oun ngiapya.

GALATI 4:6

Nanning tuh ccaaw hae na thua oh keiccuze, “Abba! Ka Paaw!” cite a kopaw a Ccapaw kya-e Muisaw kha aening thinlung kalan Pachia nynh a saw vae.

EFESA 6:18

Sawsangnaw te ngianaw phuin balyn khate Muisaw kya sawsang zungzae oh. Mithyaa hae balyn hanlan ngia oh lah, lungthang leite zuaku biate raeringkute um oh.

FILIPI 3:3

Pawccecize aening tuh Muisaw kya Pachia beik hae paw, Khri Jesu kya lungtua hae paw, te pynsaw lante zynkunaw a hoi lei hae paw, vingdungawkuh ccaccing hae paw nynh ah thua oh.

JOSHUA 24:14

“Tukeiccuze atu tuh Bawipaw kha rih oh lah, amaw rya kha lungthyaanaw te lungzinaw khate lawtua oh; Vaw khuraw lang te Izip ram kya nae minpaaw hae nynh a la beik hae paw pachia hae kha vua oh lah, Bawipaw kha beik oh.

1 PETER 2:9

Thuasalama nanning tuh mohnaw kyate ngaeang lan umpaw amaw kya-e awnaw lungkhu lang ae kotu oh paw a hoynaw kha siakhae khylan popaw ccungccaw, bawi phin ranpibawi ciihan, athyaapaw minphuin, Pachia ccungccaw nynh na thua oh.

1 SAMUEL 12:24

Bawipaw kha rih oh lah, nae thinlung balyn te lungzite a rya kha lah oh; pawccecize nae hanlan ryalaw lepaw a lawpaw kha tua oh.