JOHAN 4:21 - Zotung Bible 2016

²¹ Jesu nynh, “Nopinung, kae hynh yn zyn, nanning nynh hynh-e mua vawlan thua leite, Jerusalem kya mah thua leite Paaw kha nae beik ccyh oh yn thua cih.

JOHAN 4:21 Iomraidhean Croise

ISAIAH 66:1

Bawipaw nynh a hopaw tuh: Vaawlui tuh ka bawitungkhung thua zah laephi tuh ka ccu synaw nynh thua; pawcihawpaw inn mou ka hanlan nae sakpah cih oh? Ka umnaw hmin tuh pawcihawpaw mou athua?

EZEKIEL 14:3

Ccungccapaw, e ccungccaw hae nynh mih zohtuh hae kha mih thinlung kya lawkuh hae zah, mih hoyleinaw kha mih malang khe thykunawpaw lang a nungkhaw hae; kae tuh minmin nynh tuanaw ngiakupaw lang ka tang cih tou?

EZEKIEL 20:3

Ccungccapaw, Bawipaw PACHIA nynh a hopaw kha Israel piccan hae kha hopah hae: Kae kha tuanaw ngia khylan pawccemou nae thua oh? Kae tuh ka hiin thyhte, nanning nynh tuanaw nae ngia kho lan khyh oh, cite Bawipaw PACHIA nynh a ci.

MALAKHI 1:11

Khuanin a thuanaw kyate a ccawnaw kyacia ka min tuh minphuin hae laku kya alesae, khyzawvawkaw kya mynkhuhpaw te athyaapaw pyapaw uccaw tuh ka min te a pya hae; ka min tuh minphuin hae kya myarya alesae, cite vaaw Bawipaw nynh a ci.

MATTHAI 18:20

Pawccecize lu ning khyhze lu thum nynh ka min te a sueluakunaw hae kyakhe kae mah minmin kya ka umbua,” a cipya hae.

MATTHAI 28:19

Tukeiccuze la cceih oh lah minphuin hae balyn kha zuitu lang la rae oh, Paaw, Ccapaw te Thyaa Muisaw min te baptisma la pya oh.

LUKA 21:24

Minmin tuh ahepaw thaloi te chia athua cih hae zah minphuin balyn kalan see lang cciakhae athua cih hae; Jerusalem tuh Zenta hae ccyh athang mawlaezung Zenta hae nynh a syde cih hae.

JOHAN 14:6

Jesu nynh, “Kae tuh laanpi, byaccing te hiinnaw nynh ka thua. Kae ka kyate holeite tuh hum sanmah Paaw kalan thua kho khyh.

JOHAN 16:2

Minmin nynh nanning kha sinakok kyate ae dee cih oh; nanning ae theih oh paw ccungccaw nynh Pachia rya nynh ka law cite a tuaku ccyh tuh yn thua vae cih.

JOHAN 16:32

Nae balynte nae umnaw raveih lang nae phiakuh cih oh zah, ka makhaete nae cciataw oh ccyh yn thua cih, atumaw yn thua vae; tuhzemah kae tuh ka makhae thua khyh, pawccecize ka Paaw nynh kae kha yn umkhae.

JOHAN 4:23

Thuasalama Pachia a beik ccaccing hae paw nynh Paaw kha muisaw te thuasah, byaccing te thuasah oun beik hae ccyh yn thua cih, tuh-e ccyh tuh atumaw yn thua vae. Pawccecize Paaw nynh khahcihawpaw ccungccaw hae kha amaw a beiktu lang a ccung hae.

JOHAN 5:25

“Byaccaccing kae hopya oh, a chih hae paw nynh Pachia Ccapaw roi oun thae cih hae zah roi a thae hae paw nynh oun hiinnaw hae ccyh tuh yn thua cih, tuh-e ccyh tuh atu mah a thua vae.

JOHAN 5:28

E konglang hynh nae ngaeangthua nan sah; pawccecize shaw hae kya a um hae paw balyn nynh a roi oun thaenaw hae ccyh yn thua cih,

LOCCEIHTU 6:14

pawccecize, ‘Nazareth khuapaw hynh-e Jesu nynh hynh-e hmin hynh yn roh cih zah Moses nynh aening oun pyapaw phungbya kha yn rulae cih,’ cite hynh-e paw nynh a hopaw kha phe kae thae,” a ci hae.

EFESA 2:18

Pawccecize aening minphuin phuin ning tuh Khri liate Muisaw ccangkheit kyakhe Paaw kalan thua khonaw ah hoi oh.

EFESA 3:14

Hynh-e keiccu nynh kae tuh Paaw malang ccukharu ka tung.

1 TIMOTE 2:8

Te pise hae nynh hmin takyh kya thinrianaw te eikunaw um leite athyaapaw kuih kha hangte sawsang hae sah ci ka ry.

1 PETER 1:17

Ccungccaw miakaw kha a ryalaw thyhte, laesahnaw um lei lante bya a piapaw Paaw kha na ko na ngia oh ze, e laephi vaw na um lungkhu oh balyn amaw rawrinaw te um oh.

BYAPHY 21:22

Tuh-e khuapi kya beikinn ka muih khyh; pawccecize a beikinn tuh Athung huaccepaw Bawipaw Pachia te Tuutaw tuh nynh thua.