JOHAN 4:18 - Zotung Bible 2016

¹⁸ Pawccecize nang tuh vawpaw lu pangaw na hoi vae, atu na hoipaw hynh na vawpaw thua khyh. Na hopaw bya tuh ahmepaw nynh thua!” a cipya.

JOHAN 4:18 Iomraidhean Croise

GENESIS 20:3

Thuasalama khuazi Abimelek a maan kyakhe Pachia nynh langkuh zah, “Nang tuh na umkhaepaw nopi keiccuze na chih cih; pawccecize aning tuh vawpaw hoi vae paw nynh thua,” cite Abimelek kha a cipya.

GENESIS 34:2

Tuh-e ram kyaze bawi athuapaw, Hiv minphuinpaw Hamor ccapaw Shekhem nynh Dinah kha he a muih tuh kyngdete ikhae zah a thethyasah.

GENESIS 34:31

Thuasalama minmin nynh, “Kae ccianung tuh ohhuanung hawte cyisah lan accan tou?” a ci hae.

JEREMIAH 3:20

Thuasalama, pou Israel phin hae, a lungzi leipaw zu nynh a vawpaw kha a cciataw hawte, nanning tuh ka tungvaw nae lungzi vae khyh, cite Bawipaw nynh a ci.

EZEKIEL 16:32

A vawpaw ccelang mingccangpaw kha lehkhanpaw, milae vawpaw te a seinung zu nynh na thua!

EZEKIEL 16:35

Tukeiccuze, pou ohhuanung, Bawipaw bya hynh thaetua:

NAMBAR 5:29

E hynh lunghiinnaw kong kya zui lanpaw upadi nynh thua, nopi nynh a vawpaw kawhoinaw zakaw kya a um lyakhe ccouseikuh zah amaw te amaw kha a nungsisakuh ze thuasah,

MARKA 10:12

Nopinung nynh a vawpaw kha mah zah ccangpaw vawpaw a hoi zetuh vawpaw ccangpaw kya seinaw a raenung nynh thua,” a cipya hae.

JOHAN 4:16

Jesu nynh, “La cceih, na vawpaw kha yn ko lah hynhlang yn thuakhae,” a cipya.

JOHAN 4:17

Nopinung nynh, “Vawpaw ka hoi khyh,” a ci. Jesu nynh, “ ‘Vawpaw ka hoi khyh,’ na cipaw tuh ahmepaw nynh na ho.

JOHAN 4:19

Nopinung nynh, “Bawipaw, nang tuh profeh lu kheit nynh na thua cipaw ka ny.

Romans 7:3

Tukeiccuze a vawpaw phang a hiin lyakhe ccangpaw pise te a umkheih hae ze, aning tuh vawpaw tungvaw a ohhuakuhnung cite ko athua cih; thuasalama a vawpaw tuh a chi ze, aning tuh tuh-e kawbya kyate a lue, tukeiccuze pise ccangpaw te a umkheih hae zemah vawpaw tungvaw ohhuakuhnung thua vae khyh.

HEBRU 13:4

Ccungccaw balyn nynh zuvaw tangnaw hynh sawtua lanpaw nynh thua, te zuvaw tangnawpaw ikhung mah thusah lanpaw thua khyh; a ohhuakuh hae paw te milae zu milae vawpaw ryte a sei hae paw tuh Pachia nynh byapia cih hae.

RUTH 4:10

Michipaw min tuh a puizia hae kyate thuasah, a puinaw khua koikua kyate thuasah zosah leite, michipaw min tuh a rho kya tynsah nawlan, Mahlon zu, Moab minphuinnung Ruth kha mah ka zu lang ka re vae; atunin nanning tuh ccaekia hae nynh na thua oh,” a ci.