JOHAN 4:10 - Zotung Bible 2016

¹⁰ Jesu nynh, “Pachia lasung hynh na la ny lanze thuasah, te, ‘Nia lanpaw tui yn pyabua,’ cite nang ae citupaw hynh hum nynh thua cipaw na ny lanze thuasah amaw hynh na ngiakuh paleih cih zah aning nynh hiinnaw tui kha ae pya cih paw lahyn,” a cipya.

JOHAN 4:10 Iomraidhean Croise

The Psalms 10:17

Pou Bawipaw , thinlung a nepaw nynh a rypaw kha na thaepah cih; mih lungthaw na saesah cih hae.

The Psalms 46:4

Ahang Huaccepaw kya-e athyaapaw umnaw, Pachia khualipi kha a lungtuasahpaw vawpi vakheit a um.

EXODUS 17:6

Horeb mua kya umpaw lungpi vawlan, na malang khe ka thadyn cih. Lungpi kha buatua. Tuh-e lungpi kyate ccungccaw hae nynh a nia lan hae paw tui kha a pou cih,” a ci. Moses nynh Israel piccan hae malang khe tuhcite a cyi.

SOLOMON HLAW 4:15

khokhu khe tuidy, aluapaw tui, Lebanon kyate yn luapaw vaw taraw a um.

ISAIAH 12:3

Nanning nynh lungtuate khumnaw tuisung kya-e tui kha na thekuh cih oh.

ISAIAH 35:6

ccukhou hae nynh sazuh hawte a thohkuh cih hae, byahothya lei hae paw nynh lungtuate hlaw a sah cih hae. Pawccecize ramkaw kya tuidy apou cih zah, laesia ram kya vaw alua cih;

ISAIAH 42:6

Kae tuh Bawipaw nynh ka thua, nang kha dingnaw hanlan kae ko vae, na kuih te kae kyng cih zah kae rin cih; nang na liate minphuin hae ryte byakinnaw ka rae cih zah awnaw kha a umsah cih.

ISAIAH 43:20

Sarangpaw hae, suizaw hae te kalauh pavaw hae nynh kae kha saw yn tua cih hae; pawccecize ka popaw ka ccungccaw hae nynh a nia lan hae cite, ramkaw kya tui ka pya hae zah laesia ram kya vaw ka luasahpya hae.

ISAIAH 44:3

Pawccecize tui ahawpaw ram kha tui ka bu cih zah, aroupaw laephi kyakhe vaw ka luasah cih; na ciihan hae tungvaw kya ka muisaw kha ka bu cih zah, na ccaaw na no hae tungvaw kya ka hythuanaw kha ka bu cih.

ISAIAH 49:10

mih vuelaw lan khyh zah mih tuihaw lan khyh, myarya sopaw khivae te khuanin nynh vawsawnaw pya lan khyh hae, pawccecize minmin tungvaw ngaethyaumsahnaw a hoitupaw nynh a cciakhae cih hae zah, tuidy pe langkhe a cciakhae cih hae.

ISAIAH 9:6

Pawccecize aening hanlan imua lu kheit a pui vae, ccapaw lu kheit pya ah thua oh; aning tuh uknaw kaw a hoi cih; amaw kha Ngaeang lan umpaw Tuanaw pyatu, Athungpaw Pachia, Zungzae tynpaw Paaw, Daenaw Siapharan cite minphu athua cih.

JEREMIAH 2:13

Pawccecize ka ccungccaw hae nynh hoyleinaw phuin ning kha a rae vae hae: hiinnaw tuidy ka thuapaw kae kha yn vua hae zah, tui a ynkuh kho leipaw, azupaw tuikua kha a thaeku vae hae.

EZEKIEL 16:35

Tukeiccuze, pou ohhuanung, Bawipaw bya hynh thaetua:

ZEKHARIAH 13:1

Tuin nin khe David ciihan te Jerusalem khuaccaaw hae mih seinaw te mih nungsikunaw kha ccikan nawlan tuidy ccangkheit aphyh cih.

ZEKHARIAH 14:8

Tuin nin vae tuh Jerusalem kyate hiinnaw tui apou cih, tuh-e tui angankuh tuh nithua lang e rili kalan alua cih zah, angankuh tuh niccaw lang e rili kalan alua cih; hawnin te khuaccih kya po alua cih.

LUKA 11:13

Ccungccaw hoy leipaw mang na thua oh pite nae ccaaw hae kha lasung hoypaw pya lan na ny oh ze, vaawlang umpaw nae Paaw nynh amaw kalan a ngiakuh hae paw kha Thyaa Muisaw tuh houh a pya cih hae!” cite a hopya hae.

JOHAN 16:3

Ka Paaw te kae hynh oun ny khyh hae keiccuze tuhcite oun cyih cih hae.

JOHAN 17:3

Zungzae hiinnaw cipaw tuh, ahmepaw Pachia nang kyalya te na sawpaw Jesu Khri hynh minmin nynh a ny hae paw kha nynh thua.

JOHAN 3:16

“Pawccecize Pachia nynh laephi hynh eih a sungsah keiccuze a Ccapaw lu kheit kyalyapaw kha oun pya; tukeiccuze amaw a zynpaw miakaw tuh chih vae lan khyh zah zungzae hiinnaw a hoi cih.

JOHAN 4:14

thuasalama kae nynh ka pya lanpaw tui a neihpaw ccungccaw tuh a tuihaw boi vae lan khyh. Kae nynh ka pya lanpaw tui tuh tuh-e paw kya zungzae hiinnaw hanlan aphyhthungpaw tuidy athua cih,” a cipya.

JOHAN 6:35

Jesu nynh, “Kae tuh hiinnaw sanlou nynh ka thua. Ka kalan yn cceihpaw ccungccaw tuh a vuelaw boi vae lan khyh, kae yn zynpaw tuh a tuihaw boi vae lan khyh.

JOHAN 6:51

Kae tuh vaawlang te yn rungbungpaw ahiinpaw sanlou nynh ka thua. Humhung zemah e sanlou a aepaw tuh zungzae a hiin cih; kae nynh laephi hiinnaw hanlan ka pya lanpaw sanlou tuh ka saw nynh thua,” cite a hopya hae.

LOCCEIHTU 9:11

Bawipaw nynh, “Thokuh lah Laan Ding a ci hae paw laanpi langkhe cceih lah, Judas inn kyakhe Tarsas khuapaw Saul a ci hae paw kha la ccung, aning tuh saw a sang cciamang.

Romans 8:32

A Ccapaw heize haang leite aening balyn hanlan oun pyatupaw Pachia nynh Ccapaw ryte pawpaw balyn kha alakawte oun pya lan khyh tou?

1 KORIN 1:30

Khri Jesu kya atynpaw nae hiinnaw a thotakawnaw tuh Pachia nynh thua. Khri tuh aening hanlan hawnaw, dingnaw, thyaapapingnaw te shawkhawnaw lang Pachia nynh a rae vae.

1 KORIN 10:4

mih balynte phuin kheitpaw muisaw tui kha a la neih hae. Pawccecize mih nulang te azuikuhpaw muisaw lungpi kyate a poupaw muisaw tui kha nynh a nia hae, tuh-e lungpi tuh Khri nynh thua.

2 KORIN 9:15

Ho kho um leipaw a lasung hanlan Pachia kya thehoynaw um sah!

EFESA 2:8

Pawccecize thawccinaw keiccuze zynnaw liate khum na thua vae oh, tuh-e tuh naemaw nynh na cyiku oh paw thua khyh, Pachia lasung nynh thua.

HEBRU 6:4

Pawccecize vaekheit awsah athua vae hae paw, vaawlang e lasung a taangtua vae hae paw, te Thyaa Muisaw a ccoubua vae hae paw,

1 JOHAN 5:20

Ahmepaw Pachia kha ah ny nawlan oh, Pachia Ccapaw tuh yn thua vae zah, aening kha thaethyanaw oun pya vae cipaw ah ny oh; aening tuh ahmepaw Pachia kya te a Ccapaw Jesu Khri kya nynh ah um oh. Aning tuh ahmepaw Pachia thua zah zungzae hiinnaw mah athua.

BYAPHY 21:6

Aning nynh kamaw kha, “Phe athang vae! Kae tuh Alfa te Omega, athonaw te athangnaw nynh ka thua. A tuihawpaw ccungccaw tuh hiinnaw tuidy kya-e tui kha amee leite ka pya cih.

BYAPHY 22:17

Akaepaw liaccanung te Muisaw nynh, “Rang!” a ci hae. A thaepaw ccungccaw nynh, “Rang!” ci sah. A tuihawpaw ccungccaw tuh yn cceih sah. A rypaw ccungccaw tuh hiinnaw tui hynh amee leite lawkuh sah.

BYAPHY 7:17

Pawccecize bawitungkhung angaelung kya a umpaw Tuutaw nynh minmin kha a rin cih hae zah, hiinnaw tuidy kalan a cciakhae cih hae, te Pachia nynh mih mit kya-e mitphi balyn kha a hupah cih hae,” yn cipya.