JOHAN 3:6 - Zotung Bible 2016

⁶ Pynsaw kyate a puipaw tuh pynsaw thua zah Muisaw kyate a puipaw tuh muisaw nynh thua.

JOHAN 3:6 Iomraidhean Croise

GENESIS 5:3

Adam tuh kum za kheit sung thum he cih tuh amaw muinsan te a lokuh lante ccapaw lu kheit saah zah Seth cite min a phu.

GENESIS 6:12

Te Pachia nynh laephi hynh hoy khyh cite a muih; pawccecize ccungccaw balyn tuh laephi vawlan ahoy leipaw hiinzia te a hiin vae hae.

GENESIS 6:5

Laephi kya ccungccaw hoyleinaw tuh myarya le zah mih thinlung nynh a tuapaw miakaw kya ahoy leipaw cci nynh zungzae a um cipaw kha Bawipaw nynh a muih.

JOB 14:4

Athyaa leipaw lungkhu kyate athyaapaw uccaw kha hummou a thuakhae kho? Humhung nynh mah thuakhae kho khyh.

JOB 25:4

Tuhte athua ze, ccungccaw tuh Pachia malang pawtemou a ding kho cih? Nopi nynh a saahpaw ccungccaw tuh pawtemou athyaa kho cih?

The Psalms 51:10

Pou Pachia, ka lungkhu kya athyaapaw thinlung kha raetua, athawpaw te akyhpaw tuanaw kha ka lungkhu kya yn sangtua.

JOHAN 1:13

Minmin tuh chiisaw te saahpaw ccaaw, pynsaw rynaw te saahpaw ccaaw, ccungccaw rynaw te saahpaw ccaaw thua khyh hae; thuasalama Pachia rynaw te saahpaw ccaaw nynh athua hae.

JOHAN 3:7

‘Nanning na puithui hahe cih oh,’ cite kae hopyapaw hynh na ngaeangthua nan sah.

Romans 7:18

Pawccecize ka lungkhu, ka chiisaw kya ahoypaw kharouh um khyh cipaw ka ny; pawccecize ahmepaw cyi rynaw thinlung tuh ka lungkhu kya um salamah tuh-e tuh ka cyih kho khyh.

Romans 7:25

Ah Bawipaw Jesu Khri liate yn luesahtupaw Pachia kya thehoynaw um sah! Tukeiccuze ka thinlung tetuh Pachia Kawbya kha ka zui, thuasalama ka pynsaw lante tuh seinaw kawbya kha nynh ka zui.

Romans 7:5

Pawccecize pynsaw kya ah hiin lya oh tuh, Kawbya keiccu yn langkuhpaw sei rynaw thinlung nynh chinaw hanlan athae poukhae khylan aening ah pyn kya-e hae kyakhe rya a law.

Romans 8:13

Pawccecize pynsaw rynaw thyhte na hiin oh ze na chih cih oh; thuasalama Muisaw liate pyn a cyisahnaw kha na chisah oh ze na hiin cih oh.

1 KORIN 6:17

Thuasalama Bawipaw te a kyngkuhpaw tuh amaw te muisaw ccangkheit nynh athua hae.

2 KORIN 5:17

Tukeiccuze humhung zemah Khri kya a um lanze, aning tuh rae thawpaw ccungccaw nynh thua; arynpaw uccaw miakaw tuh marya zo zah, pawpaw balyn tuh athawpaw lang a tang vae.

GALATI 5:24

Khri Jesu kya-e ccungccaw hae nynh tuh pynsaw kha thuasah, pynsaw rynaw te duaanaw hae kha thuasah vaelantung kya phe a khiade vae hae.

EFESA 2:3

Aening balyn tuh langmawlya tuh-e hae kyakhe pynsaw rynaw te thinlung rynaw kha zuite, ah pynsaw duaanaw kyakhe ah la ciakuh bua oh; mingccang hae hawte aening mah aphung thyhte thinrianaw a ccou hae paw ccaaw hae nynh ah la thua oh.

KOLOSE 2:11

Khri kya-e vingdungawkunaw liate chiisaw te asekuhpaw pyn kha khahkute, kuih te rae leipaw vingdungawkunaw khate nanning mah amaw kya vingdungaw na thua oh.

1 JOHAN 3:9

Pachia kyate yn puipaw ccungccaw miakaw nynh tuh seinaw kha rae khyh; pawccecize Pachia ccacii kha tuh-e paw kya atyn, aning tuh Pachia kyate yn puipaw athua keiccuze sei kho khyh.