JOHAN 3:5 - Zotung Bible 2016

⁵ Jesu nynh, “Byaccaccing kae hopya, humhung zemah tui te Muisaw te a pui khyh lanze Pachia peenaw lungkhu lang tee kho lan khyh.

JOHAN 3:5 Iomraidhean Croise

MATTHAI 18:3

“Byaccaccing kae hopya oh, nanning nynh na rulaeku khyh oh zah imua taraw hawte na thua khyh oh ze, vaawlang peenaw lungkhu lang papin na tee lan khyh oh.

MATTHAI 19:24

Te bua kae hopya oh, mihoipaw nynh Pachia peenaw kalan tee lae tuh kalauh nynh phynbang khu kya tee nynh azoihua,” a cipya hae.

MATTHAI 21:31

Tuh-e lu ning hae kyaze hum tuh mou a paaw rynaw a cyih?” cite a khia hae. Minmin nynh, “Atawccapaw,” a ci hae. Jesu nynh minmin kha, “Byaccaccing kae hopya oh, ngunto khoi hae paw te ohhuanung hae nynh Pachia peenaw lungkhu lang nae malang te ae teetaw vae cih oh.

MATTHAI 28:19

Tukeiccuze la cceih oh lah minphuin hae balyn kha zuitu lang la rae oh, Paaw, Ccapaw te Thyaa Muisaw min te baptisma la pya oh.

MATTHAI 3:11

“Ngaesikunaw hanlan kae nynh tui kya baptisma kae insah oh; thuasalama kamaw koute yn thua lanpaw aning tuh kae laeze a lesaehua, kae tuh tuh-e paw a phanah ccyngpya lan heize ka ngaekuh khyh; aning nynh nanning kha Thyaa Muisaw kya te maee kya baptisma ae insah cih oh.

MATTHAI 5:20

Pawccecize kae hopya oh, nae dingnaw nynh kawbya sazae hae te Farasi hae dingnaw kha a lawe khyh lanze vaawlang peenaw kya papin na tee lan khyh oh.

MARKA 10:14

Jesu nynh tuh-e tuh he a muih te, a thinria zah minmin kha, “Imua taraw hae kha ka kalan oun cceih hae sah, kang nan oh; pawccecize Pachia peenaw tuh hynhcihawpaw hae elang nynh thua.

MARKA 16:16

Zyn zah baptisma a inpaw tuh khum athua cih; thuasalama a zyn leipaw tuh byapianaw a ing cih.

MARKA 9:47

Na mit nynh seinaw ae raesah ze, poh khoi; mit voi ning hoite hell maee lungkhu lang vuaku laeze mit voi kheit te Pachia peenaw lungkhu lang tee tuh na hanlan ahoyhua.

LUKA 13:24

“Abypaw koikua kyate tee lan zuakuh oh; pawccecize, kae hopya oh, ccungccaw patae nynh tuh-e kya tee lan oun zuakuh cih hae zah tee kho lan khyh hae.

LUKA 13:3

Seihua khyh hae, nanning kae hopya oh; na ngaesiku khyh oh ze, tuh-e hawte marya na chih cih oh.

LUKA 13:5

Seihua khyh hae, nanning kae hopya oh; na ngaesiku khyh oh ze, tuh-e hawte marya na chih cih oh,” a cipya hae.

JOHAN 1:13

Minmin tuh chiisaw te saahpaw ccaaw, pynsaw rynaw te saahpaw ccaaw, ccungccaw rynaw te saahpaw ccaaw thua khyh hae; thuasalama Pachia rynaw te saahpaw ccaaw nynh athua hae.

JOHAN 3:3

Jesu nynh, “Byaccaccing kae hopya, humhung zemah a puithui khyh lanze Pachia peenaw kha muih kho lan khyh,” cite a khung.

JOHAN 3:4

Nikodemu nynh, “A piccan vae paw ccungccaw nynh pawtemou bua a pui kho ung cih? A nung vue lungkhu lang vaeningnaw bua teete a pui kho ung cih zawtou?” cite a khung.

LOCCEIHTU 2:38

Peter nynh minmin kha, “Nae seinaw ngethya athua nawlan ngaesikuh oh lah, nae balyn te Jesu Khri min te baptisma in oh; tetuh Thyaa Muisaw lasung kha na mue cih oh.

LOCCEIHTU 3:19

Tukeiccuze nae seinaw kha ngaethya athua nawlan ngaesikuh oh lah Pachia kalan paleihkuh oh;

Romans 14:17

Pawccecize Pachia peenaw tuh aepaw te niapaw hynh thua leite, Thyaa Muisaw kya dingnaw, daenaw te lungpawnaw nynh thua.

Romans 8:2

Pawccecize Khri Jesu kya umpaw hiinnaw kha yn pyatupaw Muisaw kawbya nynh seinaw kawbya kyate thuasah, chinaw kawbya kyate thuasah kae kha phe yn luesah vae.

1 KORIN 15:50

Uteno hae, e hynh kae hopya oh: chii te saw nynh tuh Pachia peenaw kha ccou kho lan khyh; aroh khopaw nynh aroh kho leipaw kha ccou kho lan khyh.

1 KORIN 2:12

Atu aening nynh laephi muisaw kha ah mue khyh oh, Pachia nynh aening oun pyapaw lasung hae kha ah thaethya nawlan oh, Pachia kyate yn thuapaw Muisaw kha nynh ah mue oh.

1 KORIN 6:11

Nanning kyaze abang tuh khahcihaw hae paw nynh na la thua oh. Thuasalama Bawipaw Jesu Khri min liate thuasah, ah Pachia Muisaw liate thuasah nanning tuh singpya na thua vae oh, thyaasah na thua vae oh zah thyaaccousah na thua vae oh.

GALATI 6:15

Pawccecize Khri Jesu kya tuh vingdungawkunaw thuasah, vingdungawku leinaw thuasah pawsang thane khyh, rae thawpaw thuanaw kha nynh athane.

EFESA 5:26

Khri nynh tuhte a cyipaw tuh, khriccaawbuu kha Pachia bya athuapaw tui te singpyanaw liate a thyaa ccaw cite ccikan khylan,

1 PETER 1:2

Jesu Khri kaw na ngae nawlan oh te a chiise te theipaw na thua nawlan oh, Muisaw liate thyaasah thua hae zah Paaw Pachia paccynnaw thyhte po hae paw: Thawccinaw te daenaw tuh nae kya la lungthung sah.

1 PETER 3:21

Tuh-e tuh atu aening yn khumpaw baptisma muihsahnaw nynh thua. Tuh-e baptisma tuh pynsaw kyate athupaw singpaw kha thua khyh, Jesu Khri thoothuinaw liate ahoypaw mawtemaw nykunaw thinlung kyate Pachia kalan byakinkupaw kha nynh thua.

1 JOHAN 2:29

Khri tuh ading cipaw na ny oh ze, dingnaw a raepaw ccungccaw miakaw tuh Pachia kyate a puipaw nynh thua cipaw na ny oh.

1 JOHAN 5:1

Humhung zemah Jesu tuh Khri nynh thua cite a zynpaw miakaw tuh Pachia ccaaw nynh thua. A saahtupaw Paaw kha a sungsahpaw miakaw nynh tuh Paaw kyate yn puipaw ccaaw kha mah a sungsah.