JOHAN 3:34 - Zotung Bible 2016

³⁴ Pachia nynh yn sawpaw ccungccaw nynh tuh Pachia bya kha a ho; pawccecize Pachia nynh tuh-e paw tuh Muisaw kha phe beih lan a pya.

JOHAN 3:34 Iomraidhean Croise

2 SIAPHARAN 2:9

Vaw he a zua kou hae te, Elijah nynh Elisha kha, “Na kyate law ka thua maw, pawmou kae cyipah cih, yn hopah,” a cipya. Elisha nynh, “Na muisaw kha leit ning beih yn ccousah,” a cipya.

The Psalms 45:7

dingnaw kha na ry zah hoyleinaw kha na hua. Tukeiccuze na Pachia athuapaw Pachia nynh na ruiban hae laeze nang kha lungtuanaw chitui ae thuh vae;

ISAIAH 59:21

E ka byakinnaw hynh minmin ryte ka rae, cite Bawipaw nynh a ci: Nae tungvaw a umpaw ka muisaw te nae munglae kya ka nung vae paw ka bya tuh nae munglae, nae ccaaw hae munglae, nae mintaw hae munglae kyate atu te zungzae cia phiakuh lan khyh, cite Bawipaw nynh a ci.

LEVITIKAS 7:35

Tuh-e tuh Aaron te a ccapaw hae nynh Bawipaw hanlan ranpibawi rya kha lawpya lan khang athua nin hae khe, Bawipaw kalan maee te raepaw silawnaw kya-e minmin nynh a ccou lan hae paw nynh thua;

NAMBAR 11:25

Oute Bawipaw tuh maeking khate yn rungbung zah Moses kha bya a beih, te Moses kya umpaw muisaw abang kha lah zah piccan sung sari kyakhe a nung; mih tungvaw kya muisaw he a um te, minmin nynh profehbya kha a ho hae. Thuasalama minmin nynh tuhcite bua cyih vae khyh hae.

MATTHAI 12:18

“Ka pokupaw ka ryalahtu tuh hein kya mang um! Ka sungsah zah a tungvaw ka lungryccing. A tungvaw khe ka Muisaw ka nung cih zah aning nynh Zenta hae kha byading kong a hopah cih hae.

LUKA 4:18

“Bawipaw Muisaw tuh ka tungvaw a um, pawccecize ryachi hae kalan thehoypaw ho khylan kae kha chitui yn thuh vae; ccungccaw hae nynh a kyng hae paw kalan luenaw kong hopya khylan te mitmoh hae kha ngawmuihnaw kong hopya khylan, tuaasahnaw a teing hae paw kha luesah khylan,

JOHAN 1:16

Amaw a ccingnaw kyate thawccinaw tungvaw thawccinaw kha aening balyn nynh ah mue oh.

JOHAN 15:26

“Paaw kyate nae kalan kae saw cih paw Bawmtu, Paaw kyate yn thua zah byaccing te phe abeihpaw Muisaw tuh he yn thua te, kamaw kong kha ccaekia yn khan cih.

JOHAN 16:7

Tuhzemah byaccing kha kae hopya oh: nanning thanenaw hanlan ka la cceih cih; pawccecize kae nynh ka ccia khyh ze nae kalan Bawmtu yn thua lan khyh; thuasalama ka ccia ze amaw kha nae kalan kae saw cih.

JOHAN 3:17

“Pawccecize Pachia nynh laephi hynh byapia khylan a Ccapaw kha laephi vawlan yn saw khyh, amaw liate laephi ccungccaw hae hynh khum athua hae ccaw cite nynh yn saw.

JOHAN 5:26

Pawccecize Paaw nynh amaw kya hiinnaw a hoi hawte, Ccapaw nynh mah amaw kya hiinnaw a hoi nawlan kaw a pya.

JOHAN 7:16

Jesu nynh, “Ka ccangpyanaw hynh kamaw kya-e thua khyh, kae yn sawtupaw kya-e nynh thua.

JOHAN 8:40

Atu tuh Pachia kya-e ka thaepaw byaccing kha nanning kae hopah oh paw kamaw hynh chia lan na zuaku oh; Abraham tuh hynhte cyih khyh.

JOHAN 8:47

Pachia kya-e ccungccaw nynh tuh Pachia bya kha a ngae, nanning tuh Pachia kya-e na thua khyh oh keiccuze a bya kha na ngae khyh oh,” a cipya hae.

LOCCEIHTU 1:2

a cyipaw te a ccangpyapaw balyn kha ka zei. Vaawlang a kae mawze a po hae paw locceihtu hae kha Thyaa Muisaw liate a ccangpya hae.

LOCCEIHTU 10:38

Tuh-e tuh: Pachia nynh Thyaa Muisaw te thuasah, thungnaw te thuasah Nazareth khuapaw Jesu kha chitui a thuh; Pachia nynh a umkhae keiccuze aning tuh ahoypaw rya kha lah zah, Satan nynh vawsaw a pya hae paw balyn kha dansah te khua a ccong cipaw na ny oh.

Romans 8:2

Pawccecize Khri Jesu kya umpaw hiinnaw kha yn pyatupaw Muisaw kawbya nynh seinaw kawbya kyate thuasah, chinaw kawbya kyate thuasah kae kha phe yn luesah vae.

EFESA 3:8

Kae tuh mithyaa hae balyn kyaze anyaa huaccepaw ka thua salamah, Khri kya-e tou kho um leipaw thehoypaw hoirumnaw kha Zenta hae kalan ho khylan hynh-e thawccinaw hynh kamaw yn pya,

KOLOSE 1:19

Pawccecize Pachia a ccingnaw balyn tuh Ccapaw kya a um,

KOLOSE 2:9

Pawccecize Pachia thuanaw accingpaw balyn tuh Khri kya pynsaw lante a um.

BYAPHY 21:6

Aning nynh kamaw kha, “Phe athang vae! Kae tuh Alfa te Omega, athonaw te athangnaw nynh ka thua. A tuihawpaw ccungccaw tuh hiinnaw tuidy kya-e tui kha amee leite ka pya cih.

BYAPHY 22:1

Tuinte vaawpaw nynh Pachia bawitungkhung te Tuutaw bawitungkhung kyate yn luapaw, lung-awmatei hawte awrarihpaw hiinnaw tui vawpi kha yn muihsah.