JOHAN 3:3 - Zotung Bible 2016

³ Jesu nynh, “Byaccaccing kae hopya, humhung zemah a puithui khyh lanze Pachia peenaw kha muih kho lan khyh,” cite a khung.

JOHAN 3:3 Iomraidhean Croise

JEREMIAH 5:21

Mit a hoi hae zemah a muih lei hae paw, nakaring a hoi hae zemah a thae lei hae paw, pou mingaee hae te tuanaw hoi lei hae paw, e hynh ngaetua oh.

EZEKIEL 36:26

Thinlung thawpaw kae pya cih oh zah, nae lungkhu kya tuanaw thawpaw kae sang cih oh; nae pyn kyate lung thinlung kha ka lah cih zah, ngesaw thinlung kha kae pya cih oh.

MATTHAI 16:17

Tetuh Jesu nynh, “Johan ccapaw Simon, nang tuh hythua a ccoupaw nynh na thua! Pawccecize chii te saw nynh e hynh nang ae phypyapaw thua khyh, vaawlang umpaw ka Paaw nynh ae phypyapaw nynh thua.

MATTHAI 19:24

Te bua kae hopya oh, mihoipaw nynh Pachia peenaw kalan tee lae tuh kalauh nynh phynbang khu kya tee nynh azoihua,” a cipya hae.

MATTHAI 21:31

Tuh-e lu ning hae kyaze hum tuh mou a paaw rynaw a cyih?” cite a khia hae. Minmin nynh, “Atawccapaw,” a ci hae. Jesu nynh minmin kha, “Byaccaccing kae hopya oh, ngunto khoi hae paw te ohhuanung hae nynh Pachia peenaw lungkhu lang nae malang te ae teetaw vae cih oh.

MATTHAI 5:18

Pawccecize byaccaccing kae hopya oh, vaaw te lae a um lungkhu tuh kawbya abalynte accing makhia kawbya kya-e ccaw ccangkheit, ccapyh suapaw ccaw kha sanmah roh lan khyh.

MARKA 10:14

Jesu nynh tuh-e tuh he a muih te, a thinria zah minmin kha, “Imua taraw hae kha ka kalan oun cceih hae sah, kang nan oh; pawccecize Pachia peenaw tuh hynhcihawpaw hae elang nynh thua.

MARKA 9:47

Na mit nynh seinaw ae raesah ze, poh khoi; mit voi ning hoite hell maee lungkhu lang vuaku laeze mit voi kheit te Pachia peenaw lungkhu lang tee tuh na hanlan ahoyhua.

JOHAN 1:13

Minmin tuh chiisaw te saahpaw ccaaw, pynsaw rynaw te saahpaw ccaaw, ccungccaw rynaw te saahpaw ccaaw thua khyh hae; thuasalama Pachia rynaw te saahpaw ccaaw nynh athua hae.

JOHAN 1:5

Awnaw tuh mohnaw kya a aw, thuasalama mohnaw nynh tuh-e awnaw tuh the kho khyh.

JOHAN 1:51

Jesu nynh, “Byaccaccing kae hopya oh, vaaw tuh yn hungkuh zah Pachia vaaw hae nynh Ccungccaw Ccapaw tungvaw a rungbung hae paw te a kaethung hae paw kha nae muih cih oh,” cite amaw kha a hopya.

JOHAN 12:40

“Mih mit te a muih khyh nawlan hae, mih thinlung te a thaethya khyh nawlan hae, Pachia nynh mih mit kha mohsah hae zah mih thinlung kha a khungsah hae, tuhkhyhze tuh ka kalan oun kisei cih hae zah ka dansah sei cih hae,” a ci.

JOHAN 3:4

Nikodemu nynh, “A piccan vae paw ccungccaw nynh pawtemou bua a pui kho ung cih? A nung vue lungkhu lang vaeningnaw bua teete a pui kho ung cih zawtou?” cite a khung.

2 KORIN 4:4

Pachia muinsan athuapaw Khri kya-e aphu-epaw thehoypaw awnaw tuh a zyn lei hae paw kya a aw khyh nawlan, mih thinlung kha hynh-e laephi pachia nynh phe a mohsah.

2 KORIN 5:17

Tukeiccuze humhung zemah Khri kya a um lanze, aning tuh rae thawpaw ccungccaw nynh thua; arynpaw uccaw miakaw tuh marya zo zah, pawpaw balyn tuh athawpaw lang a tang vae.

GALATI 6:15

Pawccecize Khri Jesu kya tuh vingdungawkunaw thuasah, vingdungawku leinaw thuasah pawsang thane khyh, rae thawpaw thuanaw kha nynh athane.

EFESA 2:1

Langmawlya tuh kawngae leinaw te seinaw hae keiccu na la chih oh,

DEUTERONOMY 29:4

Thuasalama thaethya nawlan thinlung, muih nawlan mit, thae nawlan nakaring kha Bawipaw nynh atunin ae pya vae khyh oh.

TITU 3:5

aening nynh ah rae oh paw dingnaw cyisahnaw hae liate thua leite, amaw ngaethyaumsahnaw liate oun khum, puithuinaw te asekuhpaw singpyanaw te Thyaa Muisaw nynh thawsahthuinaw liate aening kha oun khum.

JAMES 3:17

Thuasalama luki langte yn thuapaw hawnaw tuh masaty lan thyaararih, tukoute ccawkunaw te lungnenaw um zah soih lan azoi, ngaethyaumsahnaw te ahoypaw athae khate phe abeih, laesahkunaw te cyiruhnaw um khyh.

1 PETER 1:3

Pachia te ah Bawipaw Jesu Khri a Paaw tuh thehoyte um sah! Myarya lepaw a ngaethyaumsahnaw thyhte, Jesu Khri tuh chinaw kyate a thoothuinaw liate ahiinpaw ngaehoinaw kalan aening kha bua oun puisah vae.

1 JOHAN 2:29

Khri tuh ading cipaw na ny oh ze, dingnaw a raepaw ccungccaw miakaw tuh Pachia kyate a puipaw nynh thua cipaw na ny oh.

1 JOHAN 3:9

Pachia kyate yn puipaw ccungccaw miakaw nynh tuh seinaw kha rae khyh; pawccecize Pachia ccacii kha tuh-e paw kya atyn, aning tuh Pachia kyate yn puipaw athua keiccuze sei kho khyh.

1 JOHAN 5:1

Humhung zemah Jesu tuh Khri nynh thua cite a zynpaw miakaw tuh Pachia ccaaw nynh thua. A saahtupaw Paaw kha a sungsahpaw miakaw nynh tuh Paaw kyate yn puipaw ccaaw kha mah a sungsah.

1 JOHAN 5:18

Humhung zemah Pachia kyate a puipaw tuh sei khyh cipaw ah ny oh. Pachia kyate a puipaw tuh amaw te amaw rinkuh zah, Satan nynh ty kho khyh.

1 JOHAN 5:4

Pawccecize Pachia kyate a puipaw miakaw nynh tuh laephi kha a tae. Laephi a tae khopaw taenaw tuh aening zynnaw nynh athua.

BYAPHY 3:14

“Laodisia khua kya umpaw khriccaawbuu kya-e vaawpaw kalan hynhte zei: Pachia kya-e raenaw athonaw athuapaw, a lungzipaw te ahmepaw ccaekia athuapaw Amen nynh hynhte a ho.