JOHAN 3:21 - Zotung Bible 2016

²¹ Thuasalama ahmepaw a cyihpaw nynh tuh a cyisahnaw kha Pachia rynaw hawte nynh thua cipaw ccaerarih lan muih athua nawlan awnaw kalan yn thua,” a cipya.

JOHAN 3:21 Iomraidhean Croise

1 JOHAN 1:6

Aening nynh amaw ryte vaeccawkunaw ah hoi oh cite ah ho oh zah mohnaw kya ah um oh ze, ah hyn oh paw thua zah byaccing kya ah hiin khyh oh.

3 JOHAN 1:11

Ka sungsahpaw, ahoy leipaw kha kaheihlawku leite ahoypaw kha lawkuh. Ahoypaw rya a lahpaw ccungccaw tuh Pachia kya-e nynh thua, ahoy leipaw rya a lahpaw tuh Pachia kha muih khyh.

EFESA 5:9

Pawccecize awnaw athae tuh hoynaw aphuinphuin, dingnaw aphuinphuin te byaccing aphuinphuin kya muih athua.

The Psalms 119:105

Na bya tuh ka ccu hanlan maeekhua thua zah, ka laanpi hanlan awnaw nynh thua.

FILIPI 2:13

pawccecize amaw kya-e ahoypaw eenaw kha ry khylan te cyi khylan nae lungkhu kya ryalahpaw tuh Pachia nynh thua.

GALATI 6:8

Na pynsaw hanlan ccacii na tu ze pynsaw kya-e ronaw kha na rue cih; thuasalama Muisaw hanlan ccacii na tu ze Muisaw kya-e zungzae hiinnaw kha na rue cih.

The Psalms 119:80

Maethya ka bongku khyh nawlan, ka thinlung tuh na phungbya kya ccaenaw um leipaw thua vae sah.

1 PETER 1:22

Nanning nynh byaccing kaw kha na ngae oh liate nae hiinnaw kha na thyaasakuh vae oh zah, uno tungvaw ahmepaw sungsahnaw kya athyaapaw thinlung khate lu kheit te lu kheit thawmawte sungsakuh oh.

HEBRU 13:21

amaw malang a lungrythuapaw rya kha Jesu Khri liate nae kya lah zah a rynaw kha na rae kho nawlan oh, ahoypaw ryalaw miakaw kya nanning kha ae ccingsah vae oh sah. Jesu Khri kya zungzae te zungzae cia phu-enaw um sah. Amen.

KOLOSE 1:29

E ryalaw hanlan ka lungkhu kya myarya athawsae lante Khri nynh yn pyapaw thungnaw balyn khate zuakute rya ka lah.

FILIPI 1:11

Pachia phu-e nawlan te thehoysah nawlan, Jesu Khri liate oun thuapaw dingnaw kya-e athae hae khate phe na bia nawlan oh saw ka sang.

JOHAN 5:39

“Ccathyaa kya zungzae hiinnaw kae mue cih cite na tua oh zah Ccathyaa kha thawte na ccung oh; Ccathyaa tuh kamaw konglang ccaekia a khanpaw nynh thua.

JOHAN 1:47

Jesu nynh a kalan yn cceihpaw Nethanal kha muih zah, “Thyaruhnaw thinlung a hoi leipaw Israel paw ccaccing khuh dotua oh!” cite a konglang a ho.

2 KORIN 1:12

Pawccecize kaening kae pookunaw tuh e hynh nynh thua: Pynsaw hawnaw te thua leite Pachia thawccinaw liate, Pachia nynh oun pyapaw lungthyaanaw te thyaararih lante laephi kya kae hiin cipaw tuh kaemaw nykunawpaw thinlung nynh ccaekia a khan—nae kyakhe tuhcite nynh houh kae hiin.

1 KORIN 15:10

Thuasalama Pachia thawccinaw liate kae tuh atu hawte ka thua kho zah, kae yn pyapaw a thawccinaw tuh alakawpaw lang tang khyh. ccangpaw locceihtu hae laeze ryalaw ka lahhua, tuhzemah kamaw ka lah khyh, ka kya a umpaw Pachia thawccinaw nynh thawte rya a lah.

HOSEA 14:8

Pou Efraim, zohtuh hae te kae tuh pawmou kae sekuh? Na sawsangnaw ae thaepahpaw te nang ae do-oihpaw tuh kamaw nynh ka thua; kae tuh zungzae hinlalyhpaw maeccaw ku hawte nynh ka thua; na lungzinaw tuh ka kyate yn thuapaw nynh thua.

ISAIAH 26:12

Pou Bawipaw , kaening hanlan daenaw nae pya cih, pawccecize accaccingte, kae la cyi kho vae paw balyn hynh kaening hanlan nae cyipyapaw nynh thua.

BYAPHY 3:15

“Na ryalaw hae kha ka ny. Nang tuh kyaa mah na kyaa khyh, so mah na so khyh. Nang tuh na kyaa ze kyaa, na so ze so ci ka ry.

ISAIAH 8:20

Thanccingte, tuhcite a ho hae paw tuh khuadaenaw hoi lan khyh hae!

JOHAN 3:20

Pawccecize ahoy leipaw a cyihpaw miakaw nynh awnaw kha a hua, a cyisahnaw alangku khyh nawlan awnaw kalan yn cceih khyh.

JOHAN 7:17

Ccungccaw lu kheit nynh Pachia rynaw kha a cyi ry lanze, ka ccangpyanaw kong kha a nyh cih, tuh-e tuh Pachia kya-e tou, tuhkhyhze kamaw kya-e tou ka ho cipaw a nyh cih.