JOHAN 3:2 - Zotung Bible 2016

² Tuh-e paw nynh khuazi khe Jesu kalan yn thua zah, “Sazae, nang tuh Pachia kyate yn thuapaw sazae nynh na thua cipaw kae ny, pawccecize Pachia nynh ae umkhae khyh lanze hynh-e na raepaw muihsahnaw hae hynh hum nynh sanmah rae kho lan khyh,” cite a hopya.

JOHAN 3:2 Iomraidhean Croise

1 SIAPHARAN 17:24

Tetuh nopinung nynh Elijah kha, “Atu tuh nang tuh Pachia ccungccaw nynh na thua cipaw te na munglae kya umpaw Bawipaw bya tuh byaccing nynh thua cipaw ka ny vae,” a cipya.

ISAIAH 51:7

Dingnaw kha nyh hae zah mih thinlung kya ka ccangpyanaw a hoi hae paw nanning, ka bya hynh ngaetua oh; ming hae nynh sei ae be oh ze rih nan oh, ae sarya oh zemah nae lungriathae nan sah.

JEREMIAH 38:16

Tukeiccuze Zedekiah Siapharan nynh Jeremiah kha aruh lante byakinpakuh zah, “Hiinnaw oun pyapaw Bawipaw tuh a hiin thyhte, nang kha kae theih lan khyh, chia ae ry hae paw kuih kalan mah kae ap lan khyh,” a cipya.

MATTHAI 22:16

Minmin nynh Herod pati hae ryte mimaw zuitu hae kha Jesu kalan saw hae zah, “Sazae, nang tuh ahmepaw nynh na thua, Pachia laanpi kha hmerarih lan na ccangpah hae zah mirymihua na tua khyh; pawccecize nang tuh ccungccaw hae mae na do khyh cipaw kae ny.

MATTHAI 23:7

Kungkunaw hae kya sawtuate byabeihku ry hae zah ccungccaw hae nynh, ‘Sazae, Sazae’ cite koku kha a ry hae.

MATTHAI 23:8

Thuasalama nanning tuh ‘Sazae’ cite la kokuh ry nan oh; pawccecize nanning nynh sazae lu kheit rou nynh na hoi oh; nanning balyn tuh siaimua hae nynh na thua oh.

MARKA 12:14

Jesu kya a thua hae te, “Sazae, nang tuh ahmepaw nynh na thua, mirymihua na po khyh, pawccecize nang tuh ccungccaw hae kha maedo leite Pachia laanpi kha hmerarih lan na ccangpya hae cipaw kae ny. Sizar siapharan kalan ngunto pya lan accan tou, ccan khyh tou?

JOHAN 1:38

Jesu nynh maeleihkuh zah minmin nynh a zui hae paw kha he a muih tuh, “Pawmou na ccung oh?” cite a khia hae. Minmin nynh, “Rabbi, pawkyamou na um?” a ci hae. (Rabbi cipaw tuh Sazae cipaw nynh thua).

JOHAN 10:38

Thuasalama ka law lanze, kamaw hynh nae zyn khyh oh zemah ka ryalaw hae kha zyn oh; tuhteze nynh Paaw tuh ka kya um zah kae mah amaw kya ka um cipaw kha na nyh cih oh zah na thaethya cih oh,” a ci.

JOHAN 12:37

Jesu nynh mih malang khe muihsahnaw patae a langsaku zemah amaw kha zyn khyh hae.

JOHAN 14:10

Kae tuh Paaw kya ka um zah Paaw tuh ka kya a um cipaw hynh na zyn khyh tou? Nae kya ka hopaw bya hynh kamaw kaw te ka ho khyh, ka kya a umpaw Paaw nynh amaw rya kha a law.

JOHAN 15:24

Hum nynh sanmah a law boi leipaw ryalaw hae kha mih kya ka la law khyh ze, minmin tuh seinaw hoi lan khyh hae, thuasalama atu tuh ka ryalaw kha mang a muih hae pite kae te ka Paaw kha parouhte oun hua hae.

JOHAN 2:11

Jesu nynh a raepaw ngaeangnaw hae kyaze masaty a raepaw hynh-e ngaeangnaw hynh Galilee pee Kana khua kya rae zah a phu-enaw kha a langsahpya hae, te a zuitu hae nynh amaw kha a zyn hae.

JOHAN 20:16

Jesu nynh, “Mary!” cite a ko. Mary nynh nulang maekuh zah Hebru bya te, “Rabboni!” a ci (asuilan tuh Sazae cipaw nynh thua).

JOHAN 3:26

Johan zuitu hae nynh Johan kalan cceih hae zah, “Sazae, Jordan vaw khuraw lang nang te na umkheih oh zah amaw kong ccaekia na khanpaw ccungccapaw nynh baptisma pya hae zah ccungccaw hae balyn tuh amaw kalan a cceih hae,” cite a hopya hae.

JOHAN 4:31

Tuh ccyh lyatuin zuitu hae nynh Jesu kha, “Sazae, ae hin,” cite a hopya hae.

JOHAN 5:36

Thuasalama kae tuh Johan kya-e laeze ale huapaw ccaekia ka hoi; phe thang lan law lan cite Paaw nynh yn pyapaw ryalaw hae kha kae nynh ka law, tuh-e ryalaw hae nynh kae tuh Paaw nynh a sawpaw cipaw kha ccaekia a khan hae.

JOHAN 6:2

Jesu nynh ngeccih hae tungvaw a raepaw muihsahnaw kha a muih hae keiccuze ccungccaw zapi nynh a zui hae.

JOHAN 7:31

Ccungccaw patae nynh amaw kha zyn hae zah, “Messiah tuh he yn thua te, e ccungccapaw nynh a raepaw muihsahnaw laeze alunghua yn rae cih vema?” a ci hae.

JOHAN 9:16

Tukeiccuze Farasi hae abang nynh, “Tuh-e ccungccapaw tuh Pachia kyate yn thuapaw thua khyh, pawccecize sabbath nin kha sung khyh,” a ci hae. Mingccang hae nynh, “Pawcihtemou miseipaw lu kheit nynh hynhcihawpaw muihsahnaw tuh a rae kho cih?” a ci hae. Te minmin laku kya phiakunaw a um.

LOCCEIHTU 10:38

Tuh-e tuh: Pachia nynh Thyaa Muisaw te thuasah, thungnaw te thuasah Nazareth khuapaw Jesu kha chitui a thuh; Pachia nynh a umkhae keiccuze aning tuh ahoypaw rya kha lah zah, Satan nynh vawsaw a pya hae paw balyn kha dansah te khua a ccong cipaw na ny oh.

LOCCEIHTU 2:22

Israel ccungccaw hae, ka bya hynh ngaetua oh: naemaw nynh mah na ny oh hawte, Nazareth khuapaw Jesu tuh nanning laku kya Pachia nynh nawccawkhaepaw ccungccaw nynh thua, Pachia nynh amaw liate nanning laku kya ngaeang lan umpaw ryalaw hae, khuaruarunaw hae te muihsahnaw hae kha a langsaku.

FILIPI 1:14

Uteno hae alunghua tuh, thong ka ccaw keiccuze Bawipaw kya zynkunaw hoi hae zah, Pachia byaho lan ri leite rawthungnaw houh a hoi hae.

BYAPIATU 6:27

Tukeiccuze Gideon nynh a ryalahtu hae lu haw kha ko hae zah Bawipaw nynh a hopya hawte a cyi; a innbyn te a khuaccaaw hae raw a ri keiccuze tuh-e tuh khuazi khe a cyi.