JOHAN 3:18 - Zotung Bible 2016

¹⁸ “Amaw a zynpaw ccungccaw tuh byapia thua vae khyh, thuasalama a zyn leipaw tuh byapia phe athua vae, pawccecize Pachia nynh a hoi thypaw Ccapaw min kha zyn khyh.

JOHAN 3:18 Iomraidhean Croise

MARKA 16:16

Zyn zah baptisma a inpaw tuh khum athua cih; thuasalama a zyn leipaw tuh byapianaw a ing cih.

JOHAN 1:12

Thuasalama amaw kha lehkhan hae zah amaw min a zynpaw balyn kha Pachia ccaaw thuanaw kaw a pya hae.

JOHAN 1:18

Hum nynh sanmah Pachia tuh muih boi khyh, Paaw by vaw kya a umpaw, lu kheit kyalyapaw Ccapaw nynh Pachia kha a langsah vae.

JOHAN 20:31

Thuasalama Jesu tuh Messiah, Pachia Ccapaw nynh thua cipaw na zyn nawlan oh te tuhte na zynnaw oh liate amaw min te hiinnaw na hoi nawlan oh nynh hynh-e hae hynh zei athua.

JOHAN 3:16

“Pawccecize Pachia nynh laephi hynh eih a sungsah keiccuze a Ccapaw lu kheit kyalyapaw kha oun pya; tukeiccuze amaw a zynpaw miakaw tuh chih vae lan khyh zah zungzae hiinnaw a hoi cih.

JOHAN 3:36

Ccapaw a zynpaw miakaw tuh zungzae hiinnaw a hoi; Ccapaw kaw a eipaw tuh hiinnaw kha muih lan khyh zah, Pachia thinrianaw kha a tungvaw atyn cih.

JOHAN 5:24

Byaccaccing kae hopya oh, ka bya thae zah kae yn sawtupaw a zynpaw ccungccaw tuh zungzae hiinnaw a hoi; byapianaw ing vae lan khyh, chinaw kyate hiinnaw kalan phe a sulue vae.

JOHAN 6:40

Ka Paaw nynh a rypaw tuh, Ccapaw kha muih zah a zynpaw miakaw nynh zungzae hiinnaw a hoi nawlan hae nynh thua; nyathya nin kya minmin kha ka thoosah cih hae,” a ci.

JOHAN 6:47

Byaccaccing kae hopya oh, a zynpaw ccungccaw tuh zungzae hiinnaw a hoi.

Romans 5:1

Tukeiccuze zynnaw liate thyaaccousah ah thua vae oh zah, ah Bawipaw Jesu Khri liate aening tuh Pachia te ah ccawkuh vae oh.

Romans 8:1

Tukeiccuze atu Khri Jesu kya a um hae paw tuh seibenaw um vae khyh.

Romans 8:34

Seibetupaw tuh hummou? Chih zah a chi kyalya thua leite thoothui zah Pachia ranglang a umpaw, aening hanlan oun ngiapahtupaw tuh Jesu Khri nynh thua.

HEBRU 12:25

Nanning nynh a hotupaw bya kha na ei khyh nawlan oh raeringkuh oh; pawccecize laephi vawlan a hotupaw bya a ei hae paw tuh detahnaw kyate a lue khyh hae ze, vaawlang te a hotupaw bya kha aening nynh ah ei oh ze, pawtemou ah lue kho cih oh?

HEBRU 2:3

myarya alepaw khumnaw kha aening nynh pawlang ah ria khyh oh ze thuasah pawcihtemou ah lue kho cih oh? Bawipaw nynh masaty lya mawte a hopaw hynh-e khumnaw tuh ahme cite amaw bya a thae hae paw nynh aening kya ccaekia a khan hae.

HEBRU 3:19

Tukeiccuze zyn leinaw keiccuze minmin tuh tee kho khyh hae cipaw ah muih oh.

1 JOHAN 3:23

A kawbya tuh e hynh nynh thua: Aening nynh a Ccapaw Jesu Khri min kha zyn lanpaw te Khri nynh kaw yn pya thyhawte lu kheit te lu kheit sungsaku lanpaw nynh thua.

1 JOHAN 4:9

Pachia nynh aening oun sungsahnaw alangkunawpaw tuh: Ccapaw liate aening nynh hiinnaw ah mue nawlan oh, Pachia nynh a hoi thypaw Ccapaw kha laephi vawlan yn saw.

1 JOHAN 5:10

Pachia Ccapaw a zynpaw tuh a lungkhu kya ccaekia a hoi. Pachia a zyn leipaw tuh Pachia kha hynbya a hosah, pawccecize Pachia nynh a Ccapaw kong ccaekia a khanpaw kha aning nynh zyn khyh.

1 JOHAN 5:12

Ccapaw a hoipaw tuh hiinnaw a hoi. Pachia Ccapaw kha a hoi leipaw tuh hiinnaw hoi khyh.