JOHAN 3:16 - Zotung Bible 2016

¹⁶ “Pawccecize Pachia nynh laephi hynh eih a sungsah keiccuze a Ccapaw lu kheit kyalyapaw kha oun pya; tukeiccuze amaw a zynpaw miakaw tuh chih vae lan khyh zah zungzae hiinnaw a hoi cih.

JOHAN 3:16 Iomraidhean Croise

GENESIS 22:12

Vaaw ccungccapaw nynh, “Imuapaw tungvaw na kuih hang nan, amaw kha pawpaw mah cyih nan; nang nynh Pachia kha na ri cipaw atu ka ny, pawccecize na ccapaw lu kheit kyalyapaw kha kamaw hanlan na hysah,” a ci.

GENESIS 22:2

Pachia nynh, “Na sungsahpaw na ccapaw, lu kheit kyalyapaw Isak kha hoei lah Moriah ram lang cciatua, te kae muihsah cih paw mua muakheit vawlan khe Isak khate maee-ute silawnaw kha raetua,” a ci.

ISAIAH 9:6

Pawccecize aening hanlan imua lu kheit a pui vae, ccapaw lu kheit pya ah thua oh; aning tuh uknaw kaw a hoi cih; amaw kha Ngaeang lan umpaw Tuanaw pyatu, Athungpaw Pachia, Zungzae tynpaw Paaw, Daenaw Siapharan cite minphu athua cih.

MATTHAI 9:13

La cceih oh lah, ‘Kae tuh silawkunaw ka ry khyh, ngaethyaumsahnaw nynh ka ry,’ acikuhpaw kha na nythya nawlan oh la ccangkuh oh. Pawccecize kae tuh miding hae ko khylan kae thua khyh, misei hae ko khylan nynh kae thua,” a cipya hae.

MARKA 12:6

Khokhu hoitupaw nynh a sungsahpaw a ccapaw lu kheit kyalya nynh saw lanpaw a hoi vae. Nyathyakou tuh, ‘Minmin nynh ka ccapaw tuh saw a tua cih hae,’ ci zah a ccapaw kha minmin kalan a saw.

LUKA 2:14

“Ahang huapaw vaawlang kya Pachia tuh phu-esah thua sah, a sungsah hae paw a umnaw hae lae vawlan hin daenaw um sah!” a ci hae.

JOHAN 1:14

Bya tuh ccungccaw lang yn tang zah aening kya a um, aning tuh thawccinaw te byaccing te phe beih zah, Paaw kya-e lu kheit kyalyapaw Ccapaw phu-enaw lante a phu-enaw kha ah muih vae oh.

JOHAN 1:18

Hum nynh sanmah Pachia tuh muih boi khyh, Paaw by vaw kya a umpaw, lu kheit kyalyapaw Ccapaw nynh Pachia kha a langsah vae.

JOHAN 1:29

Awkhualan khe Johan nynh a kalan yn cceihpaw Jesu kha muih zah, “Laephi seinaw a cciakhaepaw Pachia Tuutaw khuh dotua oh!

JOHAN 10:28

Minmin kha zungzae hiinnaw ka pya hae zah, minmin tuh papin chih vae lan khyh hae. Hum nynh sanmah minmin kha ka kuih kyate yn lua kho vae lan khyh.

JOHAN 3:15

tukeiccuze amaw a zynpaw miakaw tuh zungzae hiinnaw a hoi cih.

JOHAN 3:18

“Amaw a zynpaw ccungccaw tuh byapia thua vae khyh, thuasalama a zyn leipaw tuh byapia phe athua vae, pawccecize Pachia nynh a hoi thypaw Ccapaw min kha zyn khyh.

JOHAN 3:36

Ccapaw a zynpaw miakaw tuh zungzae hiinnaw a hoi; Ccapaw kaw a eipaw tuh hiinnaw kha muih lan khyh zah, Pachia thinrianaw kha a tungvaw atyn cih.

JOHAN 6:40

Ka Paaw nynh a rypaw tuh, Ccapaw kha muih zah a zynpaw miakaw nynh zungzae hiinnaw a hoi nawlan hae nynh thua; nyathya nin kya minmin kha ka thoosah cih hae,” a ci.

Romans 5:10

Pawccecize aening tuh Pachia rhaw hae ah thua lya oh khe, a Ccapaw chinaw liate Pachia te ah ccawkuthui vae oh, tuhte ccawkuthuinaw ah mue vae oh paw aening tuh a hiinnaw liate khum ah thua vae cih oh.

Romans 5:8

Thuasalama aening tuh misei hae ah thua cciamang lya oh khe, Khri nynh aening hanlan oun chipyapaw tuh Pachia nynh aening kha pawcih nynh oun sungsah cipaw a langsakunawpaw nynh thua.

Romans 8:32

A Ccapaw heize haang leite aening balyn hanlan oun pyatupaw Pachia nynh Ccapaw ryte pawpaw balyn kha alakawte oun pya lan khyh tou?

EFESA 2:4

Thuasalama ngaethyaumsahnaw te phe beihpaw Pachia nynh aening kha myarya alepaw a sungsahnaw te oun sungsah keiccuze,

2 THESALON 2:16

Aening kha oun sungsah zah thawccinaw liate zungzae ngaengannaw te ahoypaw ngaehoinaw oun pyatupaw, ah Paaw Pachia te ah Bawipaw Jesu Khri amaw ccaccei nynh,

TITU 3:4

Thuasalama aening oun Khumtu Pachia a hoynaw te a thawcci sungsahnaw kha ccungccaw hae kya he yn langkuh tuh,

HEBRU 2:9

Thuasalama Pachia thawccinaw liate ccungccaw miakaw hanlan chinaw taangtua khylan, vaaw hae laeze ccapyh anehua lante rae athuapaw Jesu kha aening nynh ah muih oh. Chinaw a teing keiccuze aning tuh phu-enaw te sawtuanaw lukhung kha khungsah athua.

1 JOHAN 3:1

Aening tuh Pachia ccaaw hae cite ko ah thua nawlan oh, pawcihawpaw sungsahnaw mou Paaw Pachia nynh oun pya cipaw kha tuatua oh; aening tuh Pachia ccaaw hae nynh ah thua ccaccing oh. Laephi ccungccaw hae nynh Pachia kha a ny khyh hae keiccuze aening kha mah oun nyh khyh hae.

1 JOHAN 4:19

Pachia nynh aening kha oun sungsah ty keiccuze aening nynh amaw kha ah sungsah oh.

BYAPHY 1:5

a lungzipaw ccaekia a thuapaw, a chih hae paw kyate masaty yn puipaw te laephi siapharan hae uktu bawi athuapaw Jesu Khri kyate thuasah thawccinaw te daenaw tuh nae tungvaw la um sah. Aening kha oun sungsah zah a chiise te aening seinaw balyn kha oun luesahpaw,