JOHAN 3:15 - Zotung Bible 2016

¹⁵ tukeiccuze amaw a zynpaw miakaw tuh zungzae hiinnaw a hoi cih.

JOHAN 3:15 Iomraidhean Croise

ISAIAH 11:10

Tuin nin khe Jessi tharui tuh ccungccaw hae hanlan syntawnaw lante yn thadyn cih; minphuin hae nynh amaw kha akaw-aleih a khia cih hae zah, a umnaw tuh a phu-e cih.

ISAIAH 45:22

Laephi adianaw e ccungccaw balyn, ka kalan oun maeleihkuh oh lah, khum na thua cih oh! Pawccecize kae tuh Pachia nynh ka thua, ccangpaw Pachia um khyh.

NAMBAR 21:9

Tukeiccuze Moses nynh daw hupaw kha rae zah tung vawlan khe a taw; te hupaw nynh lukhakheit kha a tuh vae ze, daw hupaw kha a do zetuh a hiin.

MATTHAI 18:10

“E imua taraw hae hynh lu kheit sanmah na dothatheih khyh nawlan oh raeringkuh oh; pawccecize kae hopya oh, imua hae a thungkhawtu vaaw hae nynh vaawlang umpaw ka Paaw mitmae kha tyty a muih hae.

MATTHAI 25:46

E hae tuh zungzae detahnaw lungkhu lang a cceih cih hae, thuasalama miding hae tuh zungzae hiinnaw lungkhu lang a cceih cih hae,” a ci.

MARKA 16:16

Zyn zah baptisma a inpaw tuh khum athua cih; thuasalama a zyn leipaw tuh byapianaw a ing cih.

LUKA 19:10

Pawccecize Ccungccaw Ccapaw tuh azopaw ccung khylan te khum khylan nynh yn thua,” a ci.

JOHAN 1:12

Thuasalama amaw kha lehkhan hae zah amaw min a zynpaw balyn kha Pachia ccaaw thuanaw kaw a pya hae.

JOHAN 16:33

Nanning nynh kamaw kya daenaw na hoi nawlan oh hynh-e bya hynh kae hopya oh. Nanning nynh laephi kya vawsawnaw na tung cih oh; thuasalama nae rawhoy sah; laephi tuh ka tae vae,” a ci.

JOHAN 20:31

Thuasalama Jesu tuh Messiah, Pachia Ccapaw nynh thua cipaw na zyn nawlan oh te tuhte na zynnaw oh liate amaw min te hiinnaw na hoi nawlan oh nynh hynh-e hae hynh zei athua.

JOHAN 3:16

“Pawccecize Pachia nynh laephi hynh eih a sungsah keiccuze a Ccapaw lu kheit kyalyapaw kha oun pya; tukeiccuze amaw a zynpaw miakaw tuh chih vae lan khyh zah zungzae hiinnaw a hoi cih.

JOHAN 3:36

Ccapaw a zynpaw miakaw tuh zungzae hiinnaw a hoi; Ccapaw kaw a eipaw tuh hiinnaw kha muih lan khyh zah, Pachia thinrianaw kha a tungvaw atyn cih.

JOHAN 5:24

Byaccaccing kae hopya oh, ka bya thae zah kae yn sawtupaw a zynpaw ccungccaw tuh zungzae hiinnaw a hoi; byapianaw ing vae lan khyh, chinaw kyate hiinnaw kalan phe a sulue vae.

JOHAN 6:27

Arohthyapaw looh hanlan ryalah nan oh, Ccungccaw Ccapaw nynh nanning ae pya cih oh paw zungzae hiinnaw hanlan atynpaw looh elang ryalah oh; pawccecize Paaw Pachia nynh amaw kha tazeih phe khia vae paw nynh thua,” a ci.

JOHAN 6:40

Ka Paaw nynh a rypaw tuh, Ccapaw kha muih zah a zynpaw miakaw nynh zungzae hiinnaw a hoi nawlan hae nynh thua; nyathya nin kya minmin kha ka thoosah cih hae,” a ci.

JOHAN 6:47

Byaccaccing kae hopya oh, a zynpaw ccungccaw tuh zungzae hiinnaw a hoi.

LOCCEIHTU 13:41

‘Dotua oh, ccungccaw a sarya hae paw nanning, nae ngaeangthua sah lah, roh oh! Pawccecize lukhakheit nynh ae hopya oh zemah, kharouh na zyn lei lan oh paw ryalaw ccangkheit kha nae she kya ka lah cih,’ acikuh,” cite Paul nynh a hopya hae.

LOCCEIHTU 8:36

Tuhte laanpi kya a ccia lya hae khe, tui umnaw san kheit kya thua hae zah tinreihkuhpaw nynh, “Dotua, hein kya tui mang um! Baptisma in lanpaw hynh paw nynh mou yn khaw?” a cipya.

Romans 5:21

Tuh-e tuh seinaw nynh chinaw kya a uk hawte, thawccinaw nynh mah ah Bawipaw Jesu Khri liate zungzae hiinnaw mue khylan thyaaccounaw liate a uk nawlan nynh thua.

1 KORIN 1:18

Pawccecize vaelantung kong phunghopaw hynh ronaw kya a um hae paw hanlan ngaeenaw bya nynh thua, thuasalama khum athua hae paw aening hanlan tuh Pachia thungnaw nynh thua.

2 KORIN 4:3

Kae phypaw thehoypaw tuh phang bong athua lanze, tuh-e tuh azo cciamang hae paw hanlan rou nynh phang bong athua.

GALATI 2:16

Ccungccaw tuh Kawbya cyisahnaw liate thua leite, Jesu Khri zynnaw liate nynh thyaaccouku cipaw ah ny oh. Kawbya cyisahnaw liate thua leite Khri zynnaw liate thyaaccou khylan aening nynh Jesu Khri kha phe ah zyn vae oh, pawccecize Kawbya cyisahnaw liate hum sanmah thyaaccou kho thua lan khyh.

GALATI 2:20

tukeiccuze a hiinpaw tuh kamaw thua leite ka lungkhu kya a hiinpaw Khri nynh thua. Atu pynsaw kya ka hiinpaw hiinnaw tuh kae yn sungsah zah ka hanlan amaw te amaw a pyakuhpaw Pachia Ccapaw zynnaw liate nynh ka hiin.

HEBRU 10:39

Thuasalama aening tuh ronaw kalan nulang a sihkuh hae paw ah thua khyh oh, thuasalama zynnaw hoite khumnaw a ccou hae paw nynh ah thua oh.

HEBRU 7:25

Amaw liate Pachia kalan oun cceih hae paw kha aning nynh zungzae a khum kho hae, pawccecize aning tuh minmin hanlan ngiapyanaw rae khylan zungzae a hiin keiccu nynh thua.

1 JOHAN 2:25

Khri nynh aening oun kinpyakupaw tuh zungzae hiinnaw nynh thua.

1 JOHAN 5:1

Humhung zemah Jesu tuh Khri nynh thua cite a zynpaw miakaw tuh Pachia ccaaw nynh thua. A saahtupaw Paaw kha a sungsahpaw miakaw nynh tuh Paaw kyate yn puipaw ccaaw kha mah a sungsah.

1 JOHAN 5:20

Ahmepaw Pachia kha ah ny nawlan oh, Pachia Ccapaw tuh yn thua vae zah, aening kha thaethyanaw oun pya vae cipaw ah ny oh; aening tuh ahmepaw Pachia kya te a Ccapaw Jesu Khri kya nynh ah um oh. Aning tuh ahmepaw Pachia thua zah zungzae hiinnaw mah athua.