JOHAN 3:13 - Zotung Bible 2016

¹³ Vaawlang te yn rungbungpaw Ccungccaw Ccapaw holeite hum sanmah vaawlang a kaepaw um boi khyh.

JOHAN 3:13 Iomraidhean Croise

PHUNGTANGBYA 30:4

Hummou vaawlang kae zah yn rungbung? Hummou a kuih te khivae a huh? Hummou boeining te tui a tung? Hummou laephi athangnaw balyn kha a tynsah? Tuh-e ccungccapaw min tuh hummou? A ccaaw min so hummou? Na nyh ccaccing khaw!

MATTHAI 28:20

Kaw kae pya oh paw balyn kha a zui nawlan hae la ccangpah oh; laephi she athang cia nae kya tyty ka um,” cite a zuitu hae kha a hopya hae. Amen.

MATTHAI 8:20

Jesu nynh, “Suizaw hae nynh karung hoi hae zah vaawlang e pavaw hae nynh bu a hoi hae; thuasalama Ccungccaw Ccapaw tuh a lu nungnaw sanmah hoi khyh,” a cipya.

JOHAN 1:18

Hum nynh sanmah Pachia tuh muih boi khyh, Paaw by vaw kya a umpaw, lu kheit kyalyapaw Ccapaw nynh Pachia kha a langsah vae.

JOHAN 13:3

Paaw nynh pawpaw balyn kha a kuih lungkhu lang marya a pya vae cipaw kha thuasah, aning tuh Pachia kyate yn thua zah Pachia kalan bua a ccia lanpaw kha thuasah Jesu nynh a ny.

JOHAN 17:5

Pou Apang, laephi a um mawze namaw te pynkheihlan ka hoibua vae paw phu-enaw kha na malang hin atu yn pyatua.

JOHAN 3:12

Laephi uccaw hae kong hynh kae hopah oh zah na zyn khyh oh ze, vaawlang e uccaw hae kong kha kae hopya oh zeso pawtemou na zyn kho cih oh?

JOHAN 3:31

Vaawlang te yn thuapaw tuh pawpaw balyn laeze a lehua; laephi kya-e ccungccaw tuh laephi ccungccaw thua zah laephi uccaw kong nynh a hothya. Vaawlang te yn thuapaw tuh pawpaw balyn laeze a lehua.

JOHAN 6:33

Pawccecize Pachia kya-e sanlou tuh vaawlang te yn rungbung zah laephi ccungccaw hae kalan hiinnaw a pyatupaw nynh thua,” a cipya hae.

JOHAN 6:38

Pawccecize kae tuh kamaw rynaw kha cyi khylan vaawlang te kae rungbung khyh, kae yn sawtupaw rynaw cyi khylan nynh kae rungbung.

JOHAN 6:42

Minmin nynh, “E paw tuh Josef ccapaw Jesu thua khyh tou? A paaw te a nung tuh ah ny oh paw khaw? Pawtemou, ‘Kae tuh vaawlang te kae rungbungpaw,’ a ciku?” a ci hae.

JOHAN 6:46

Pachia kyate yn thuapaw aning nynh Paaw kha a muih, aning laelan hum ccungccaw nynh san Paaw kha muih khyh.

JOHAN 6:51

Kae tuh vaawlang te yn rungbungpaw ahiinpaw sanlou nynh ka thua. Humhung zemah e sanlou a aepaw tuh zungzae a hiin cih; kae nynh laephi hiinnaw hanlan ka pya lanpaw sanlou tuh ka saw nynh thua,” cite a hopya hae.

JOHAN 6:62

Ccungccaw Ccapaw nynh langmaw a umtynaw lang a kaethungpaw kha na muih oh ze pawte athua cih?

JOHAN 8:42

Jesu nynh, “Pachia tuh nae Paaw a la thua ze, kae hynh nae sungsah cih oh; pawccecize kae tuh Pachia kyate kae thua zah atu hein kya ka um, kamaw kaw te kae thua khyh, Pachia nynh kae hynh yn saw.

LOCCEIHTU 2:34

Pawccecize David tuh vaawlang kae khyh; thuasalama ‘Bawipaw nynh ka Bawipaw kha, “Na rhaw hae kha na ccusy lang ka raepya makhia tuh, ka ranglang khe dahung,” a cipya,’ cite David nynh a ci.

LOCCEIHTU 20:28

Tukeiccuze naemaw te naemaw kha raeringkute do-oihkuh oh lah, Pachia nynh a Ccapaw chii te a repaw Pachia khriccaawbuu kha do-oih khylan Thyaa Muisaw nynh nanning kha do-oihtu lang ae khangnua oh paw tuuphu hae balyn kha mah raeringte do-oih oh.

Romans 10:6

Thuasalama zynnaw te asekuhpaw dingnaw kong tuh hynhte nynh a ho: “ ‘Hummou vaawlang a kae cih?’ cite na thinlung kya ho nan,” (tuh-e tuh Khri kha vaawlang te sawbung lan, cinawpaw nynh thua)

1 KORIN 15:47

Masaty ccungccaw tuh laephi kyate thua zah laenoi te raepaw nynh thua; lu ningnaw ccungccaw tuh vaawlang te yn thuapaw nynh thua.

EFESA 1:23

tuh-e khriccaawbuu tuh Khri pyn thua zah pawpaw balyn kha pawpaw balyn kyakhe phe a ccingsahtupaw Khri accingnaw nynh thua.

DEUTERONOMY 30:12

“Kawbya kha ah thae oh zah ah zui nawlan oh, hum nynh mou aening hanlan vaawlui lang a kae cih zah oun lawpah cih?” cite na ho lan oh ciate kawbya tuh vaawlui kya um khyh.