JOHAN 3:12 - Zotung Bible 2016

¹² Laephi uccaw hae kong hynh kae hopah oh zah na zyn khyh oh ze, vaawlang e uccaw hae kong kha kae hopya oh zeso pawtemou na zyn kho cih oh?

JOHAN 3:12 Iomraidhean Croise

JOHAN 3:11

“Byaccaccing kae hopya, kaening tuh kae nypaw kha kae ho zah kae muihpaw kha ccaekia kae khan, thuasalama kae ccaekia kha leh na khan khyh oh.

JOHAN 3:3

Jesu nynh, “Byaccaccing kae hopya, humhung zemah a puithui khyh lanze Pachia peenaw kha muih kho lan khyh,” cite a khung.

JOHAN 3:5

Jesu nynh, “Byaccaccing kae hopya, humhung zemah tui te Muisaw te a pui khyh lanze Pachia peenaw lungkhu lang tee kho lan khyh.

JOHAN 3:8

Khisan nynh a rynaw lang azaw, nang nynh khisan hu kha na thae, thuasalama paw kyate yn zaw zah paw kalan nynh po azaw cipaw na nyh khyh, Muisaw kyate a puipaw miakaw tuh tuhawte nynh athua hae,” a cipya.

1 TIMOTE 3:16

Ah beiknaw kya-e byakhupaw alenaw zia hynh eiku lanpaw um khyh: Pachia tuh pynsaw lante yn langkuh vae zah, Muisaw liate thyaaccousah athua vae, vaaw hae nynh a muih vae hae. Zenta hae kya ho athua vae, laephi pynpi kya amaw kha a zyn vae hae. Phu-enaw te vaawlang lawthung athua vae.

HEBRU 5:11

Hynh-e konglang ho lanpaw patae kae hoi zemah na thaethya khyh oh keiccuze ccaesahpya lan aru.

1 JOHAN 4:10

Sungsakunaw cipaw tuh: Aening nynh Pachia kha ah sungsah oh cipaw thua leite, Pachia nynh aening kha oun sungsah zah a Ccapaw kha aening seinaw ngaethyanaw elang yn saw.