JOHAN 3:11 - Zotung Bible 2016

¹¹ “Byaccaccing kae hopya, kaening tuh kae nypaw kha kae ho zah kae muihpaw kha ccaekia kae khan, thuasalama kae ccaekia kha leh na khan khyh oh.

JOHAN 3:11 Iomraidhean Croise

ISAIAH 50:2

Kae he ka thua tuh, pawccemou ccungccaw a um khyh? He ka ko hae tuh pawccemou lu kheit nynh sanmah yn oi khyh hae? Kae tuh shawkhaw kho lei lan ciate ka kuih adyn tou? Tuhkhyhze luesahnaw lanpaw huhan ka hoi khyh tou? Rili kha kaw ka pya zah karae ka rousah, vaw hae kha laesia ram lang ka tangsah; tui a um khyh keiccuze mih ngasaw hae tuh athuh hae, tui kanmawte a chih hae.

ISAIAH 53:1

Kae hopaw bya kha hum nynh mou a zyn? Bawipaw kuih tuh hum kalan mou a langku?

ISAIAH 55:4

Dotua oh, David kha ccungccaw hae hanlan ccaekia lang ka rae zah, cciakhaetu te kawpyatu lang ka rae vae.

ISAIAH 65:2

Mih tuakunaw thyhte cyih hae zah, ahoy leipaw laanpi a zui hae paw, kawngae lei hae paw minphuin kalan khe anin ninlang ka kuih ka dyngpya hae;

MATTHAI 11:27

Ka Paaw nynh pawpaw balyn kha marya yn ap vae; Paaw laelan hum nynh sanmah Ccapaw kha nyh khyh; Ccapaw te Ccapaw nynh amaw kong phy lan a popaw ccungccaw laelan hum nynh sanmah Paaw kha nyh khyh.

MATTHAI 23:37

“Pou Jerusalem, Jerusalem, nang nynh profeh hae kha na theih hae zah na kalan oun saw hae paw ccungccaw hae kha lung te na deih hae; awpinung nynh a taw hae kha a sake kaw a khong hae hawte na ccaaw hae kha pynkheihlan suelua lan palei ka ry, thuasalama na ry khyh!

LUKA 10:22

Pawpaw balyn tuh Apang nynh kae kalan marya yn pya vae; Paaw laelan hum ccungccaw nynh sanmah Ccapaw hynh nyh khyh; Paaw hynh hum nynh thua cipaw kha Ccapaw te Ccapaw nynh a phypyapaw ccungccaw laelan hum nynh sanmah nyh khyh,” a ci.

JOHAN 1:11

Aning tuh amaw ram lang yn thua, thuasalama a ccungccaw hae nynh amaw kha lehkhan khyh hae.

JOHAN 1:18

Hum nynh sanmah Pachia tuh muih boi khyh, Paaw by vaw kya a umpaw, lu kheit kyalyapaw Ccapaw nynh Pachia kha a langsah vae.

JOHAN 12:49

Pawccecize kamaw kaw te bya ka ho khyh, kae yn sawtupaw ka Paaw nynh ka ho lanpaw te ka ccae lanpaw kha kaw yn pya vae.

JOHAN 14:24

Kae yn sungsah leipaw nynh tuh ka bya kha ngae khyh, na thae oh paw bya hynh kamaw bya thua khyh, kae yn sawtupaw ka Paaw bya nynh thua.

JOHAN 3:12

Laephi uccaw hae kong hynh kae hopah oh zah na zyn khyh oh ze, vaawlang e uccaw hae kong kha kae hopya oh zeso pawtemou na zyn kho cih oh?

JOHAN 3:13

Vaawlang te yn rungbungpaw Ccungccaw Ccapaw holeite hum sanmah vaawlang a kaepaw um boi khyh.

JOHAN 3:3

Jesu nynh, “Byaccaccing kae hopya, humhung zemah a puithui khyh lanze Pachia peenaw kha muih kho lan khyh,” cite a khung.

JOHAN 3:5

Jesu nynh, “Byaccaccing kae hopya, humhung zemah tui te Muisaw te a pui khyh lanze Pachia peenaw lungkhu lang tee kho lan khyh.

JOHAN 5:43

Kae tuh ka Paaw min te kae thua zah leh nae khan khyh oh; mingccangpaw nynh amaw min te yn thua lanze, tuh-e paw tuh leh na khan cih oh.

JOHAN 7:16

Jesu nynh, “Ka ccangpyanaw hynh kamaw kya-e thua khyh, kae yn sawtupaw kya-e nynh thua.

JOHAN 8:14

Jesu nynh, “Kae tuh kamaw konglang ccaekia ka khan zemah ka ccaekia tuh akyh; pawccecize kae tuh paw kyate nynh kae thua cipaw te teilang nynh ka cceih cih cipaw ka ny; thuasalama nanning nynh kae tuh paw kyate nynh kae thua cipaw te teilang nynh ka cceih cih cipaw kha na nyh khyh oh.

JOHAN 8:26

Nanning konglang ka ho lanpaw te byapia lanpaw patae a um; thuasalama kae yn sawtupaw tuh ahme, amaw kyate ka thaepaw miakaw kha laephi kya ka phy,” a cipya hae.

JOHAN 8:38

Kae tuh ka Paaw kya ka muihpaw kha ka ho; nanning tuh nae paaw nynh ae hopya oh paw kha na cyi oh,” a ci.

LOCCEIHTU 22:18

Tuh-e vizin kya ka muihpaw Jesu nynh kae kha, ‘Rangsakuh lah Jerusalem kyate arangte pou; pawccecize kamaw konglang ccaekia na khanpaw kha minmin nynh lehkhan lan khyh hae,’ yn cipya.

2 KORIN 4:4

Pachia muinsan athuapaw Khri kya-e aphu-epaw thehoypaw awnaw tuh a zyn lei hae paw kya a aw khyh nawlan, mih thinlung kha hynh-e laephi pachia nynh phe a mohsah.

BYAPHY 1:5

a lungzipaw ccaekia a thuapaw, a chih hae paw kyate masaty yn puipaw te laephi siapharan hae uktu bawi athuapaw Jesu Khri kyate thuasah thawccinaw te daenaw tuh nae tungvaw la um sah. Aening kha oun sungsah zah a chiise te aening seinaw balyn kha oun luesahpaw,

BYAPHY 3:14

“Laodisia khua kya umpaw khriccaawbuu kya-e vaawpaw kalan hynhte zei: Pachia kya-e raenaw athonaw athuapaw, a lungzipaw te ahmepaw ccaekia athuapaw Amen nynh hynhte a ho.