JOHAN 21:7 - Zotung Bible 2016

⁷ Tetuh Jesu nynh a sungsahpaw zuitupaw nynh Peter kha, “Bawipaw nynh thua!” a cipya. Simon Peter nynh Bawipaw nynh thua cipaw he a thae tuh a angki kha kikuh zah tuili lungkhu lang a phungkuh, (pawccecize aning tuh angki la kikuh khyh).

JOHAN 21:7 Iomraidhean Croise

The Psalms 118:23

E hynh Bawipaw ryalawnaw nynh thua; aening mit kya ngaeangthua lan umpaw nynh thua.

SOLOMON HLAW 8:7

Tui patae nynh sungsakunaw maee kha the kho khyh, tui alepaw nynh mah vu kho khyh. Lukhakheit nynh sungsakunaw hanlan a inn kya-e sisua balyn kha a pya lanze, saryanaw kha a ing cih.

MARKA 11:3

Lukhakheit nynh, ‘Pawccemou khahte na cyi oh?’ cite ae khia oh ze, ‘Bawipaw nynh a peki, taloi bua kae pya cih oh,’ na cipah cih oh,” cite a hopya hae.

LUKA 12:35

“Nae taeccia kha cciakuh oh lah, nae maeekhua kha awkuh oh.

LUKA 2:11

Pawccecize atunin David khua kya nanning hanlan Khumtu Bawi Khri a pui vae.

LUKA 7:47

Tukeiccuze kae hopya, e nung a seinaw patae kha ngaethya athua vae keiccuze aning nynh sungsahnaw patae kha a langsaku; thuasalama seinaw beihtaraw ngaethya athuapaw nynh tuh sungsahnaw ditaraw rou nynh a langsaku,” a cipya.

JOHAN 13:23

Zuitu hae kyaze Jesu nynh a sungsahpaw lukheitpaw tuh Jesu by vaw kya a ngeikuh.

JOHAN 19:26

Tukeiccuze Jesu nynh a nung te a sungsahpaw a zuitupaw a thadyn hae paw kha he a muih tuh, a nung kha, “Nopinung, khah-e kha na ccapaw,” a cipya.

JOHAN 20:2

Tukeiccuze Mary tuh Simon Peter te Jesu nynh a sungsahpaw ccangpaw zuitupaw kalan ccue zah minmin kyakhe, “Ccungccaw hae nynh Bawipaw rhua kha shaw kyate phe a law vae hae, paw kya nynh a nung hae cipaw kae nyh khyh,” a cipya hae.

JOHAN 20:20

Tuhte a ho koute a kuih te a naw kha a dosah hae. Zuitu hae nynh Bawipaw kha a muih hae tuh mih lungtua.

JOHAN 20:28

Thomas nynh, “Ka Bawipaw te ka Pachia!” a ci.

JOHAN 21:20

Peter nynh nulang maekuh zah Jesu nynh a sungsahpaw zuitupaw tuh mih nulang te yn zuikupaw kha a muih. Tuh-e paw tuh zerya a ae lya hae ze Jesu by vaw kya ngeikuh zah, ‘Bawipaw, nang ae phee cih paw tuh hummou?’ cite a khiatupaw nynh thua.

JOHAN 21:24

Tuh-e zuitupaw tuh hynh-e konglang ccaekiakhantu thua zah hynh-e konglang a zeitu mah athua, te a ccaekia tuh ahme cipaw kaening nynh kae ny.

JOHAN 21:8

Ccangpaw zuitu hae tuh ngasaw phe beihpaw mia kha oun suebia hae zah kohlung taraw te oun thua hae, pawccecize minmin tuh varang langte eih sawkuh khyh hae, dung za ning loukaw nynh a sawkuh hae.

LOCCEIHTU 10:36

Ccungccaw balyn Bawipaw athuapaw Jesu Khri liate daenaw thehoypaw tuh Pachia nynh Israel hae kya a pya hae cipaw kha na ny oh.

LOCCEIHTU 2:36

Tukeiccuze vaelantung kya na khiade oh paw Jesu ccaccei kha Pachia nynh Bawi lang te Messiah lang phe a rae vae cipaw kha Israel minphuin balyn nynh ccaerarih lan nyh oh,” cite Peter nynh a ci.

1 KORIN 15:47

Masaty ccungccaw tuh laephi kyate thua zah laenoi te raepaw nynh thua; lu ningnaw ccungccaw tuh vaawlang te yn thuapaw nynh thua.

2 KORIN 5:14

Pawccecize Khri sungsahnaw nynh kaening kha phe oun uk vae, pawccecize ccungccaw lu kheit nynh ccungccaw balyn hanlan a chi keiccuze ccungccaw balyn tuh a chih vae hae cipaw kaening nynh kae ny.

JAMES 2:1

Ka u te ka neitaw hae, phu-enaw Bawipaw athuapaw, ah Bawipaw Jesu Khri zynnaw kya ccungccaw laesahnaw la hoi nan oh.