JOHAN 21:16 - Zotung Bible 2016

¹⁶ Jesu nynh, “Johan ccapaw Simon, kae hynh nae sungsah tou?” cite vae ningnaw bua a khia. Simon nynh, “Ou, Bawipaw, kae sungsah cipaw phe na ny,” a cipya. Jesu nynh, “Ka tuu hae kha la do-oih hae,” a cipya.

JOHAN 21:16 Iomraidhean Croise

LOCCEIHTU 20:28

Tukeiccuze naemaw te naemaw kha raeringkute do-oihkuh oh lah, Pachia nynh a Ccapaw chii te a repaw Pachia khriccaawbuu kha do-oih khylan Thyaa Muisaw nynh nanning kha do-oihtu lang ae khangnua oh paw tuuphu hae balyn kha mah raeringte do-oih oh.

1 PETER 5:2

Nae kya a umpaw Pachia tuuphu hae kha la do-oih oh. Nangsekunaw keiccu thua leite Pachia rynaw thyhte lungthote do-oih oh lah, anungsikuhpaw muenaw hanlan thua leite thawmuinte la do-oih oh.

1 PETER 2:25

Pawccecize nanning tuh laanpi a meseipaw tuu hae hawte nynh na la thua oh; thuasalama atu tuh Tuurintu te nae muisaw a Do-oihtu kalan phe na ki vae oh.

The Psalms 100:3

Bawipaw tuh Pachia nynh thua cipaw nyh oh. Aening oun raetupaw tuh amaw thua zah, aening tuh amaw kya-e nynh ah thua oh; amaw ccungccaw ah thua oh zah, a tuuphu nynh ah thua oh.

The Psalms 95:7

Pawccecize aning tuh ah Pachia nynh thua, aening tuh a ramnonaw kya a paeepaw ccungccaw hae ah thua oh zah, a kuihkaw e tuuphu nynh ah thua oh. Atunin a bya kha ngaetua oh!

HEBRU 13:20

Zungzae atynpaw byakinnaw chiise liate, tuu hae kya-e alesaepaw Tuurintu, ah Bawipaw Jesu kha chinaw kyate a thoosahpaw, daenaw Pachia nynh,

JOHAN 18:25

Simon Peter tuh thadyn zah maee a ekuh. Minmin nynh, “Nang mah a zuitu hae kyaze lu kheit na thuabua khyh tou?” cite a khia hae. Peter nynh, “Ka thua khyh,” cite a pheiku.

JOHAN 18:17

Sakoih a ngawtu nopinung nynh Peter kha, “Nang so hynh-e ccungccapaw a zuitu hae kyaze lu kheit na thuabua khyh tou?” cite a khia. Peter nynh, “Ka thua khyh,” a ci.

LUKA 19:10

Pawccecize Ccungccaw Ccapaw tuh azopaw ccung khylan te khum khylan nynh yn thua,” a ci.

MATTHAI 26:72

Thuasalama Peter nynh thyalawkute, “Tuh-e paw tuh ka nyh khyh,” cite bua a pheiku.

MATTHAI 25:32

Te minphuin hae balyn kha a malang khe yn pum cih hae; tuurinpaw nynh a tuu hae kha miaa hae kyate a phia hawte aning nynh minmin kha yn phia cih hae.

MATTHAI 2:6

‘Judah ram umpaw Bethlehem, nang tuh Judah ram khuapi hae lakuze adih huapaw na thua khyh; pawccecize na kyate ka ccungccaw Israel hae tuurintu yn pou cih!’ a ci,” cite a hopya hae.

ZEKHARIAH 13:7

Pou thaloi, kae te ryalahkheihpaw, ka tuurinpaw kha rawsete thonuaku tua, cite Vaaw Bawipaw nynh a ci. Tuu hae tuh phiariphiarae a um ccaw hae, tuurinpaw kha ziatua; tuu taraw hae kha rawsete ka kuih ka maeleihnua cih hae.

BYAPHY 7:17

Pawccecize bawitungkhung angaelung kya a umpaw Tuutaw nynh minmin kha a rin cih hae zah, hiinnaw tuidy kalan a cciakhae cih hae, te Pachia nynh mih mit kya-e mitphi balyn kha a hupah cih hae,” yn cipya.

JOHAN 21:17

Jesu nynh, “Johan ccapaw Simon, kae hynh nae sungsah tou?” cite vae thumnaw bua a khia. Bawipaw nynh, “Kae hynh nae sungsah tou?” cite vae thum cia a khia keiccuze Peter tuh a thinlungccih zah, “Bawipaw, nang tuh pawpaw balyn marya na ny; kae sungsahpaw mah phe na ny,” a cipya. Jesu nynh, “Ka tuu hae kha looh la dang hae.