JOHAN 20:1 - Zotung Bible 2016

¹ Lonaw naw kheit kyaze masaty nin awkhua takaw, khua adae mawkhe Mary Magdalin tuh shaw kalan cceih zah shaw kyate athuhhu lung anuekupaw kha a muih.

JOHAN 20:1 Iomraidhean Croise

MATTHAI 27:56

Tuh-e hae kyakhe Magdala khuanung Mary, James te Josef mih nung Mary te Zebedi ccaaw hae mih nung mah a umbua hae.

MATTHAI 27:60

amaw shaw lang cite lung a karynkupaw shaw thawpaw kyakhe a uu; tukoute myarya lepaw lung kha tounua zah athuhfu lang a hu koute a cciataw.

MATTHAI 27:64

Tukeiccuze nin thum abia makhia shaw kha varyng rin lan kawpya hae, tuhkhyhze tuh a zuitu hae nynh khuazi khe oun cceih cih hae zah phe oun ruh cih hae, te ccungccaw hae kha, ‘Aning tuh chinaw kyate phe thoo vae,’ oun cipah cih hae; tukeiccuze nyathyakou e hynbya tuh masaty e laeze houh yn seihua vae cih,” cite a hopya hae.

MATTHAI 27:66

Tukeiccuze cceih hae zah lung kha tazeih a khia kou hae te rhawviatu hae kha nungsya hae zah shaw kha a ngawsah hae.

MATTHAI 28:1

Sabbath nin koute lonaw naw kheit kyaze masaty nin awkhua khuadaetakaw khe Magdala khuanung Mary te ccangpaw Mary tuh shaw do lan a cceih hae.

MATTHAI 28:2

Vaekheihmawte myarya rupaw innry yn suekuh; pawccecize Bawipaw vaawpaw nynh vaawlang te yn rung zah shaw athuhfu kha a nue koute a vawlan khe a haung.

MARKA 15:46

Josef nynh nebaleihpaw boei rawpaw kha re zah a rhua kha vaelantung kyate sahbung zah nebaleihpaw boei rawpaw khate a lung. Lung a karyn hae paw shaw kyakhe a ccy, athuhfu lang lungphepi kha tounua zah a husung.

MARKA 16:9

Jesu tuh lonaw kyaze masaty nin awkhua takaw kya a thoothui koute, raerangsaro lu sari a deepyapaw Mary Magdalin kyakhe masaty a langkuh.

JOHAN 11:38

Tukoute Jesu tuh a thinlung bua ccih zah shaw kalan a cceih. Tuh-e shaw tuh lungkarung thua zah lung te phang a hu hae.

JOHAN 11:41

Minmin nynh athuhhu kha a nue hae. Jesu nynh dothung zah, “Apang, ka bya nae thaepya keiccuze na tungvaw ka lungtua.

JOHAN 19:25

Tuh ccyh lyakhe Jesu a vaelantung pe khe Jesu a nung te a nung neitawnung athuapaw Klopas zu Mary te Mary Magdalin tuh a thadyn hae.

JOHAN 20:26

Naw kheit koute zuitu hae tuh inn lungkhu kya bua um hae zah Thomas mah a umbua. Thuakaw hae kha marya mang a khaw hae pite, Jesu tuh yn thua zah angaelung khe thadyn zah, “Nae kya daenaw um sah,” a ci.

LOCCEIHTU 20:7

Lonaw kyaze masaty nin kyakhe kaening tuh zerya mangkheih khylan kae sueluakuh; Paul tuh awkhualan thoku lan a nouku vae keiccuze minmin kha ziraccyng cia phung hopah hae zah a ccangpah hae.

1 KORIN 16:2

He kae thua te, ahlu khoi aho vae khyh ccaw, lonaw takyh kyaze masaty nin khe nanning milu raveih nynh na mue oh paw thyhte ccangte la nung oh lah la ccy oh.

BYAPHY 1:10

Bawipaw Nin kya kae tuh Muisaw kya ka um zah, ka nulang khe mungkae roi hawte myarya accaepaw roi kha ka thae.