JOHAN 2:4 - Zotung Bible 2016

⁴ Jesu nynh, “Nopinung, nang tuh kae te hein kya pawmou ah sekuh? Ka ccyh thua loh khyh,” a cipya.

JOHAN 2:4 Iomraidhean Croise

2 SAMUEL 16:10

Thuasalama siapharan nynh, “Nanning Zeruiah ccapaw hae, nanning tuh kae te pawmou asekuh? Bawipaw nynh aning tuh, ‘David kha thyalaw,’ a cipya keiccuze aning nynh kae kha thya yn lawpaw a la thua lanze, hum nynh mou amaw kha, ‘Pawccemou hynhte na cyi?’ cite a hopah kho cih?” a cipya.

2 SAMUEL 19:22

Thuasalama David nynh, “Nanning Zeruiah ccapaw hae, atunin ka rhaw hae lang tang lan ciate kae te nanning tuh pawmou asekuh? Atunin Israel ccungccaw lukhakheit kha chia lan accan zawtou? Pawccecize atunin Israel hae kya siapharan ka thuapaw hynh ka nyhkuh khyh tou?” a cipya hae.

1 SIAPHARAN 17:18

Tetuh nomaenung nynh Elijah kha, “Pou Pachia ccungccapaw, pawccemou kae hynh nae rawse? Ka seinaw kha liathuisah lan te ka ccapaw kha chisah khylan tou ka kalan nae thua!” a cipya.

PHUNGHOTU 3:1

Atyn-are hanlan kumvaelori a um, vaawlui zakaw e uccaw miakaw hanlan accyh a um:

MATTHAI 15:28

Tetuh Jesu nynh, “Pou nopinung, na zynnaw tuh ale raria! Na ry hawte na kya cyihkuh sah,” a cipya. A ccanung tuh tuin ccyh kyate phe dan vae.

MATTHAI 8:29

Te minmin nynh vaekheihmawte, “Pachia Ccapaw, nang te kaening tuh pawmou ah sekuh oh? Accyh azaw mawze kaening hynh vawsaw pya khylan tou hynhlang nae thua?” cite a sia hae.

LUKA 2:49

Jesu nynh minmin kha, “Pawccemou nae ccung oh? Ka Paaw inn kya ka um lanpaw nynh ka thua cipaw na nyh khyh oh tou?” a cipya hae.

JOHAN 12:23

Jesu nynh minmin kyakhe, “Ccungccaw Ccapaw nynh phu-enaw a mue ccyh athua vae.

JOHAN 13:1

Kawtaw Poi a thua mawkhe, Jesu nynh e laephi kyate Paaw kalan a ccianaw ccyh azaw vae cipaw a ny; laephi vawlan a um hae paw a ccungccaw hae kha sungsah hae zah athangnaw cia a sungsah hae.

JOHAN 2:3

Misutui he athang tuh, Jesu a nung nynh, “Misutui hoi vae khyh hae,” cite Jesu kha a hopya.

JOHAN 20:13

Vaaw hae nynh Mary kha, “Nopinung, pawccemou na raw?” a cipya hae. Mary nynh, “Ccungccaw hae nynh ka Bawipaw kha phe a law vae hae, paw kya nynh a nung hae cipaw ka ny khyh,” cite a khung hae.

JOHAN 20:15

Jesu nynh, “Nopinung, pawccemou na raw? Hummou na ccung?” a cipya. Mary nynh khokhu ngawtupaw vosi cite tua zah, “Sazae, nang nynh a rhua kha na law lan athua ze na nungnaw kha beih yn hopah, ka cceih cih zah ka lawkuh cih,” a cipya.

JOHAN 7:30

Minmin nynh Jesu kha kyng lan a ccung vae hae; thuasalama a ccyh azaw loh khyh keiccuze hum nynh sanmah kyng khyh hae.

JOHAN 7:6

Jesu nynh minmin kha, “Ka ccyh thua loh khyh, nanning hanlan tuh pawpaw ccyh mah nae ccyh nynh thua.

JOHAN 7:8

Tuh-e poi kalan nanning la cceih oh, kae tuh ka ccyh phe ccing lan thua loh khyh zah tuh-e poi kalan ka cceih loh lan khyh,” a cipya hae.

JOHAN 8:20

Jesu nynh e bya hynh beikinn lungkhu sisuakhaan kya a ccangpya lya hae nynh a ho; amaw ccyh azaw loh khyh keiccuze hum nynh sanmah kyng khyh hae.

2 KORIN 5:16

Tukeiccuze atu te vae tuh hum sanmah ccungccaw thuanaw mit te kae do vae khyh; vaekheih lyaze ccungccaw thuanaw mit te Khri kha kae la do zemah atu vae tuh tuhte kae do vae khyh.

DEUTERONOMY 33:9

tuh-e ccungccapaw nynh, ‘Minmin kha pawlang ka ria khyh hae,’ cite a nung te a paaw kong kha a ho; a puizia hae kha peki khyh zah, a ccaaw hae kha nyh khyh. Pawccecize na bya kha ngae hae zah, na byakinnaw kha a tynsah hae.