JOHAN 2:23 - Zotung Bible 2016

²³ Jesu nynh Kawtaw Poi lungkhu Jerusalem khua kya a um lyakhe ngaeangnaw a raepaw kha ccungccaw patae nynh a muih hae keiccuze a min kha a zyn hae.

JOHAN 2:23 Iomraidhean Croise

LUKA 8:13

Lung vawlan a ccah hae paw tuh, Pachia bya kha he a thae hae te lungtuate a lawkuh hae paw nynh thua, thuasalama tharui hoi khyh hae, sosoh kyalya zyn hae zah tuhounaw nynh yn thuanua hae tuh phe a khuliakuh hae.

JOHAN 11:45

Mary te oun cceihkheih hae paw Judah hae patae nynh Jesu nynh a cyipaw kha muih hae zah amaw kha a zyn hae.

JOHAN 2:11

Jesu nynh a raepaw ngaeangnaw hae kyaze masaty a raepaw hynh-e ngaeangnaw hynh Galilee pee Kana khua kya rae zah a phu-enaw kha a langsahpya hae, te a zuitu hae nynh amaw kha a zyn hae.

JOHAN 2:13

Judah hae Kawtaw Poi tuh nae vae zah Jesu tuh Jerusalem lang a cceihthung.

JOHAN 3:2

Tuh-e paw nynh khuazi khe Jesu kalan yn thua zah, “Sazae, nang tuh Pachia kyate yn thuapaw sazae nynh na thua cipaw kae ny, pawccecize Pachia nynh ae umkhae khyh lanze hynh-e na raepaw muihsahnaw hae hynh hum nynh sanmah rae kho lan khyh,” cite a hopya.

JOHAN 4:45

Jesu tuh Galilee lang he a thua tuh Galilee ccungccaw hae nynh amaw kha lehkhan hae, pawccecize minmin mah poi kalan cceihbua hae zah Jerusalem khua poi kya Jesu nynh a cyipaw balyn kha a muihbua hae.

JOHAN 5:36

Thuasalama kae tuh Johan kya-e laeze ale huapaw ccaekia ka hoi; phe thang lan law lan cite Paaw nynh yn pyapaw ryalaw hae kha kae nynh ka law, tuh-e ryalaw hae nynh kae tuh Paaw nynh a sawpaw cipaw kha ccaekia a khan hae.

JOHAN 6:14

Jesu nynh a raepaw muihsahnaw kha tuh-e ccungccaw hae nynh he a muih hae tuh, “E paw tuh lae vawlan yn thua cih a ci hae paw profeh ccaccing nynh thua,” a ci hae.

JOHAN 6:2

Jesu nynh ngeccih hae tungvaw a raepaw muihsahnaw kha a muih hae keiccuze ccungccaw zapi nynh a zui hae.

JOHAN 7:31

Ccungccaw patae nynh amaw kha zyn hae zah, “Messiah tuh he yn thua te, e ccungccapaw nynh a raepaw muihsahnaw laeze alunghua yn rae cih vema?” a ci hae.

GALATI 5:6

Pawccecize Jesu Khri kya tuh vingdungawkunaw thuasah, vingdungawku leinaw thuasah pawsang thane khyh; sungsakunaw liate ryalahpaw zynnaw rou nynh athane.

1 JOHAN 3:23

A kawbya tuh e hynh nynh thua: Aening nynh a Ccapaw Jesu Khri min kha zyn lanpaw te Khri nynh kaw yn pya thyhawte lu kheit te lu kheit sungsaku lanpaw nynh thua.