JOHAN 2:22 - Zotung Bible 2016

²² Tukeiccuze chinaw kyate Jesu he a thoothui te, Jesu nynh a hopaw e bya hynh a zuitu hae nynh liathui hae zah, Ccathyaa te Jesu nynh a hosyapaw bya kha a zyn hae.

JOHAN 2:22 Iomraidhean Croise

The Psalms 16:10

Pawccecize Michi khua kya nae cciataw lan khyh zah, na tungvaw a lungzipaw tuh Hunghua lungkhu na nungsya lan khyh.

LUKA 24:26

Khri tuh hynh-e hae hynh a teing koute a phu-enaw lungkhu lang tee lan ccan khyh tou?” a cipya hae.

LUKA 24:44

Tukoute Jesu nynh, “Moses kawbya ccauh kya thuasah, profeh hae ccauh kya thuasah, Sam ccauh kya thuasah kae ka kong a zei hae paw miakaw tuh marya accing cih cite nanning ryte ka um lyaze kae hopya oh paw bya tuh hynh-e hae hynh nynh thua,” a cipya hae.

JOHAN 12:16

A zuitu hae nynh atakaw lya tuh hynh-e kong hynh thaethya khyh hae; thuasalama Jesu a phu-enaw he yn langkuh vae tetuh, Ccathyaa nynh amaw konglang nynh hynhte a la zei cipaw te amaw hanlan nynh hynhte a cyipya hae cipaw kha a liathui hae.

JOHAN 14:26

Thuasalama ka min te Paaw nynh yn saw lanpaw Bawmtu, Thyaa Muisaw nynh pawpaw balyn ae ccangpah cih oh zah kae hopya vae oh paw balyn kha ae nysah thui cih oh.

JOHAN 16:4

Thuasalama accyh he yn thua te, hynh-e hae kong hynh phe kae hopya vae oh cipaw na liathui nawlan oh hynh-e hae hynh kae hopya vae oh. “Nae kya ka um keiccuze hynh-e hynh atakaw te kae hopah khyh oh.

JOHAN 2:11

Jesu nynh a raepaw ngaeangnaw hae kyaze masaty a raepaw hynh-e ngaeangnaw hynh Galilee pee Kana khua kya rae zah a phu-enaw kha a langsahpya hae, te a zuitu hae nynh amaw kha a zyn hae.

JOHAN 2:17

A zuitu hae nynh, “Na inn kya-e duaanaw rynaw thinlung nynh kamaw kha phe yn ae,” cite azeikuhpaw kha a liathui hae.

JOHAN 2:2

Jesu te a zuitu hae mah zudy poi kalan a kobua hae.

LOCCEIHTU 11:16

Bawipaw nynh, ‘Johan nynh tuh tui te baptisma a pya hae, thuasalama nanning tuh Thyaa Muisaw te baptisma pya na thua cih oh,’ cite a hopaw bya kha ka liathui vae.

LOCCEIHTU 13:33

Sam ccangningnaw kya, ‘Nang tuh ka Ccapaw nynh na thua, atunin nang kha kae saah vae,’ cite azeiku hawte, Pachia nynh Jesu kha a thoosahnaw liate ah minpaaw hae kya bya a kinkupaw kha mih ccaaw hae aening elang a ccingsah vae.