JOHAN 2:19 - Zotung Bible 2016

¹⁹ Jesu nynh minmin kha, “E beikinn hynh roh oh lah, nin thum lungkhu ka sakthui cih,” cite a khung hae.

JOHAN 2:19 Iomraidhean Croise

MATTHAI 12:40

Pawccecize Jonah tuh nin thum te zi thum ngasawpi vue lungkhu a um hawte, Ccungccaw Ccapaw mah nin thum te zi thum laephi lungkhu a um cih.

MATTHAI 16:21

Tuin ccyh kyate Jesu nynh Jerusalem lang a ccia lanpaw, piccan hae, ranpibawi lepaw hae te kawbya sazae hae kuih kya patae a teing lanpaw, a chia lan hae paw, te nin thumnaw kya a thoothui lanpaw kong kha a zuitu hae kya a langsahpya hae.

MATTHAI 27:40

“Beikinn kha phou zah nin thum lungkhu a sakthuipaw nang, namaw te namaw kha khumku tua! Pachia Ccapaw na thua ze vaelantung kyate yn rungtua!” a ci hae.

MATTHAI 27:63

“Bawipaw, e mihynpaw nynh a hiin lyaze, ‘Nin thum koute ka thoothui cih,’ cite a hopaw kha kae syntaw.

MARKA 14:58

“E paw nynh, ‘Kuih te sakpaw e beikinn hynh ka roh cih zah kuih te sak leipaw ccangpaw beikinn kha nin thum lungkhu ka sak cih,’ cite a hopaw kae thae,” a ci hae.

MARKA 15:29

Laanpi kya a cceih bungthung hae paw nynh mih lu thuhpah hae zah, “Alei! Beikinn kha roh zah nin thum lungkhu a sakthuipaw nang,

MARKA 8:31

Jesu nynh a zuitu hae kya ccangpyanaw kha tho zah: Ccungccaw Ccapaw tuh myarya ccihpaw vawsawnaw kha yn teing hahe cih; piccan hae, ranpibawi lepaw hae te kawbya sazae hae nynh oun vua cih hae zah chia yn thua cih; te nin thumnaw kya yn thoothui cih, a cipya hae.

JOHAN 11:25

Jesu nynh Mata kha, “Kae tuh thoothuinaw te hiinnaw nynh ka thua, kae yn zynpaw tuh a chi zemah a hiin cih,

JOHAN 5:19

Jesu nynh minmin kha, “Byaccaccing kae hopya oh, Ccapaw nynh amaw kaw te pawsang mah cyih kho khyh, a Paaw nynh a cyipaw a muihpaw rou kha nynh a cyi kho; pawccecize Paaw nynh a cyipaw miakaw kha Ccapaw nynh mah a cyibua.

LOCCEIHTU 2:24

Thuasalama Pachia nynh chinaw kyate thoosah zah chinaw kyate a luesah vae, pawccecize amaw tuh chinaw huhan nynh kyngde kho khyh.

LOCCEIHTU 2:32

Hynh-e Jesu hynh Pachia nynh phe thoosah vae, hynh-e konglang kaening balyn tuh ccaekia hae nynh kae thua.

LOCCEIHTU 3:15

Pachia nynh chinaw kyate a thoosahpaw hiinnaw Bawipaw kha na chia oh. Tuh-e konglang te kaening tuh ccaekia hae nynh kae thua.

LOCCEIHTU 3:26

Nanning milu raveih nynh nae hoyleinaw kyate na paleihkuh oh zah hythuanaw na ccou nawlan oh, Pachia nynh a Ccapaw Jesu kha thoosah zah masaty nae kalan yn saw,” cite Peter nynh a hopya hae.

LOCCEIHTU 6:14

pawccecize, ‘Nazareth khuapaw hynh-e Jesu nynh hynh-e hmin hynh yn roh cih zah Moses nynh aening oun pyapaw phungbya kha yn rulae cih,’ cite hynh-e paw nynh a hopaw kha phe kae thae,” a ci hae.

Romans 4:24

aening hanlan mah azeikuhpaw nynh thua. Ah Bawipaw Jesu kha chinaw kyate a thoosahtupaw Pachia kha aening nynh ah zyn oh ze tuh-e zynnaw tuh aening dingnaw lang riapya athua cih.

Romans 6:4

Tukeiccuze a chinaw kya baptisma ah in oh liate aening tuh amaw ryte uukheih ah thuabua vae oh. Tuhcite Khri tuh Paaw phu-enaw liate chinaw kyate thoosahthui athua hawte, aening mah hiinnaw thawpaw kya ah hiin cih oh.

Romans 8:11

Jesu kha chinaw kyate a thoosahtupaw Pachia Muisaw tuh nae kya a um lanze, Khri kha chinaw kyate a thoosahtupaw Pachia nynh nae kya a umpaw amaw Muisaw liate a chihthyapaw nae pyn kha ae hiinsah cih oh.

1 KORIN 15:12

Atu lya Khri tuh chinaw kyate a thoothui cite ho athua ze, nanning lakuze abang nynh a chih hae paw tuh thoothuinaw um khyh cite pawtemou na ho kho oh?

KOLOSE 2:12

Baptisma innaw kya Khri ryte uubua na thua oh. Khri kha chinaw kyate a thoosahpaw Pachia thungnaw kha zynnaw liate amaw ryte na thoothui bua oh.

1 PETER 3:18

Pawccecize Khri mah seinaw keiccu vaekheit te phe azaw lan a teing, aening kha Pachia kalan thuakhae khylan adingpaw tuh ading lei hae paw hanlan pynsaw kya chia athua zemah muisaw liate hiinsah athua.